တိုင်မှလုပ်မယ့် စိတ်ဓာတ်တွေ

ကျွန်တော်တို့ မြန်မာပြည်ဝယ် သက်ဆိုင်ရာအာဏာပိုင်အဆင့်ဆင့်ဖြစ်သော ဆယ်အိမ်မှူး၊ ရာအိမ်မှူး၊ လမ်းမှူး၊ ရပ်ကွက်အုပ်ချုပ်ရေးမှူးမှသည် နိုင်ငံတော်အဆင့်အထိ အရိုးစွဲနေသောအကျင့်တခုရှိသည်။ ထိုအကျင့်မှာ မတိုင်လို့အရေးမယူတာပါ။ တိုင်လျှင် အရေးယူပါမည်ဆိုသော အယူအဆဖြစ်သည်။ ထိုအယူအဆမှာ ဆင် ဝှေ့ရန်ရှောင်ဝါဒဟုခေါ်နိုင်ပြီး ဦးဆောင်နိုင်စွမ်းမရှိမှု၊ တာဝန်ယူမှု၊ တာဝန်ခံမှုမရှိမှုတို့ကို ထုတ်ဖော်ပြသနေပြီး နွားဝါဖင်ဖြူကြိမ်မကူ ကမူတောင်မတက်ဘူးဟူသော တောသူတောင်သားဆိုရိုးတခုလိုပင် ကြိမ်တို့မှသွားသည့် အချို့သောသတ္တ၀ါများလိုပင် ရှိလှချေသော စိတ်ဓာတ်များဖြစ်သည်။ ဥပမာ-ရပ်ကွက်ထဲတွင် နှစ်လုံး၊ သုံးလုံးရောင်းသော လောင်းကစားဒိုင်သည်ရှိ၏။ ထိုလောင်းကစားဒိုင်ရှိမှန်းကို ရပ်ကွက်အုပ်ချုပ်ရေးမှူးကလည်း သိ၏။ ရဲကလည်း သိ၏။ လမ်းမှူးလည်း သိ၏။ တရပ်ကွက်လုံးလည်း သိ၏။ သို့သော် ဥပဒေအရ ဖမ်းဆီးအရေးယူမှုသည် မရှိပါချေ။ ဖမ်းဆီးလျှင်လည်း တခဏသာ၊ ထိုသူများမှာ ရောင်းမြဲ ရောင်းလျက်၊ လိုင်းကြေးပေးမြဲပေးလျက်။ သက်ဆိုင်သူတွေကလည်း နှာစေးနေကြသည်။ သူတို့ကိုသွား မေးလျှင် ပြည်သူလူထုက တိုင်ကြားလျှင် ဖမ်းဆီးအရေးယူပါသည်ဟူသော ဆင်ခြေဆင်လက်ကို ပေးကြမည် ဖြစ်သည်။ အကယ်စင်စစ် ဥပဒေချိုးဖောက်မှုတခုဖြစ်ပေါ်ပြီဆိုလျှင် မည်သူတိုင်ကြားသည်ဖြစ်စေ၊ မတိုင်ကြား သည်ဖြစ်စေ law enforcement ဟုခေါ်သော ဥပဒေဘက်တော်သားများဖြစ်သော အုပ်ချုပ်ရေးတာဝန်ရှိသူများ၊ ရဲတပ်ဖွဲ့ဝင်များသည် တာဝန်သိ စိတ်အပြည့်ဖြင့် အရေးယူကိုင်တွယ်ရမည် ဖြစ်သည်။

အမှန်စင်စစ်တိုင်ကြားမှုဆိုသည်မှာ အချို့နေရာများတွင်ရှိချင်ရှိမည်။ အချို့နေရာများ၌ တိုင်ကြားသူ မလိုအောင်ပင် အခင်းဖြစ်စဉ် ရှင်းလင်းနေတာလည်း ရှိမည်။ ဥပမာအားဖြင့် မီးလောင်မှုတခုဖြစ်လာလျှင် မိမိမမြင်နိုင်သောနေရာ၌ လောင်ကျွမ်းသောမီးအတွက် သတင်းပို့တိုင်ကြားချက်လိုမည်ဖြစ်ပြီး မိမိမျက်စိဖြင့် မြင်နေရသောနေရာဖြစ်ပါက မီးသတ်တပ်ဖွဲ့အနေဖြင့် မည်သည့်တိုင်ကြားချက်ကိုမှ စောင့်နေဖို့မလိုအပ်သည့် သဘောပင်ဖြစ်သည်။ တိုင်ကြားချက်ကို အခါခပ်သိမ်းစောင့်မျှော်နေခြင်းသည် ရုံးလုပ်ငန်းဆန် လွန်းပြီး ထိုသို့ သောသူများမှာ အလုပ်မလုပ်ကိုင်လိုသူများ၊ တာဝန်ကိုရှောင်လွဲသူများသာဖြစ်သည်။ တိုင်ကြားသူရှိရှိ၊ မရှိရှိ ရဲတပ်ဖွဲ့သည် လူဆိုးကိုဖမ်းရမည်၊ တိုင်ကြားသူရှိရှိ၊ မရှိရှိ မီးသတ်သည် မီးကိုငြှိမ်းရမည်၊ တိုင်ကြားသူရှိရှိ၊ မရှိရှိ ဆရာဝန်သည် လူနာကိုကုသပေးရမည်။ ဤသည်မှာ ပရော်ဖက်ရှင်နယ်ပီသသောလုပ်ရပ်များသာဖြစ်သည်။ ပရော်ဖက်ရှင်နယ် ဘောလုံးသမားတယောက်အား ယခုပွဲကိုနိုင်အောင် ကန်ပေးပါရန်ဟု မည်သူကမှ တိုင်ကြားစာပို့နေစရာမလို။ မိမိကိုယ်ကို ပရော်ဖက်ရှင်နယ်ဟု ယူဆသည်နှင့် ကိုယ့်တာဝန်ကို အကောင်းဆုံးကျေပွန်ဖို့သည် အလိုလိုပါလာပြီး ဖြစ်သည်။ မြန်မာနိုင်ငံတွင် ပျောက်ဆုံးနေသည်မှာ ပရော်ဖက်ရှင်နယ်ပီသသောအပြုအမူများဖြစ်သည်။ မြန်မာပြည်တွင် ပရော်ဖက်ရှင်နယ်ကို ကြေးစားဟု တလွဲဘာသာပြန်ကြသည်။ အမှန်မှာ ပရော်ဖက်ရှင်နယ်သည် ကြေးစားမဟုတ် မာစင်နရီ (mercenary) သည်သာ ကြေးစားဖြစ်သည်။ ပရော်ဖက်ရှင်နယ်ဆိုသည်မှာ မိမိအသက်မွေးဝမ်းကျောင်း အလုပ်ကို လေး စားတန်ဖိုးထားသော ကျွမ်းကျင်သူဖြစ်သည်။

သတင်းတပုဒ်တွင်ဖတ်ရသည်။ အိန္ဒိယနိုင်ငံတွင် ဖြစ်သည်။ အိန္ဒိယသမ္မတပရာနက်မူကာဂျီသည် လွန်ခဲ့သော စနေနေ့က ကုမ္ပဏီဖွင့်ပွဲတခုသို့တက်ရောက်ရန် ဘန်ဂါလူရူးမြို့သို့ ရောက်ရှိလာခဲ့ပါသည်။ ဒေသခံရဲတပ်ဖွဲ့နှင့် လုံခြုံရေးတပ်ဖွဲ့များသည် အထူးအရေးကြီးပုဂ္ဂိုလ်ဖြစ်၍ အမှားအယွင်းမရှိစေရန် ဂရုစိုက်ဆောင်ရွက်ခဲ့ကြ သည်။ ထိုအထဲတွင် လမ်းကြောင်းရှင်းလင်းရေးအတွက်လည်း အလွန်အရေးကြီးသဖြင့် အထူးဂရုစိုက် ကိုင်တွယ်ခဲ့ပါသည်။ ယာဉ်ထိန်းတပ်ဖွဲ့တွင် ကြယ်နှစ်ပွင့်ဗိုလ်ကြီးအဆင့်နှင့် တာဝန်ထမ်းဆောာင်နေသူ နီဂျာလင်ဂက်ပါ (Nijalingappa) သည် မြို့လယ်ကောင်အ၀ိုင်းပတ်တွင် တာဝန်ယူရပြီး လမ်းကြောင်းရှင်းလင်းရေးတာဝန်ထမ်းဆောင်ရသည်။ သူသည်တာဝန်ထမ်းဆောင်နေစဉ် သမ္မတ ယာဉ်တန်းထက် မိနစ်ပိုင်းခန့်စောပြီး လူနာတင်ယာဉ် တစီးရောက်လာခဲ့ပါသည်။ သွားရောက်စစ်ဆေးကြည့်ရာ ကလေးလူနာတဦးဖြစ်နေပြီး သွေးထွက်လွန်ဒဏ်ရာနှင့် အရေးပေါ်အခြေအနေဖြစ်ကြောင်း သိခဲ့ရသည်။ ထိုအခါ ယာဉ်ထိန်းရဲအရာရှိ နီဂျာလင်ဂက်ပါသည် လူနာတင်ကားဖြတ်သန်းခွင့်ကို ဦးစားပေးခဲ့ပြီး သမ္မတ ယာဉ်တန်းကို တားဆီးခဲ့ပါသည်။ လူနာတင်ကား မောင်းနှင်သွားပြီးမှ သမ္မတယာဉ်တန်းအား ဖြတ်သန်း ခွင့်ပေးခဲ့သည်။

ထိုအပြုအမူကြောင့် ယာဉ်ထိန်းရဲအရာရှိအား ရာထူးမှပြုတ်မည်ဟု အများကယူဆကြသော်လည်း ရာထူးမှမပြုတ်သည့်အပြင် Bengaluru မြို့တော်ဝန်၏ ဆုချီးမြှင့်ခြင်းခံရသည့်အပြင် ရဲမှူးကြီး အဘ်ဟိးဂိုရဲ ကလည်း ၎င်း၏တွစ်တာမှတဆင့် ချီးကျူးမှုတွေပြုလုပ်ခဲ့ကြောင်း Indiatimes.com ကို ကိုးကားပြီး Myat Zaw Oo ဆိုသူက ရေးသားထားတာကို ဖတ်ရပေသည်။ ဤနေရာ၌ သမ္မတယာဉ်တန်းကို ရပ်တန့်၍ လူနာတင်ယာဉ်ကို ဦးစားပေးခဲ့သော ရဲအရာရှိသည် မည်သူ၏ တိုင်တန်းချက်ညွှန်ကြားချက်ကိုမှရ၍ မဟုတ်ဘဲ မိမိတာဝန်ကို ရဲထိန်းရဲတယောက်အနေဖြင့် ပရော်ဖက်ရှင်နယ်ပီပီ ဆုံးဖြတ်ချက်ချခဲ့ခြင်း ဖြစ်သည်။ နိုင်ငံ့ဝန်ထမ်းတယောက်အနေနှင့် သမ္မတသည် အားလုံးထက်အရေးကြီးသည် မှန်သော်လည်း ယာဉ်ထိန်း ရဲတယောက်အနေနှင့် အရေးပေါ်လူနာတင်ယာဉ်က အခြားလူကောင်းတွေထက် ပိုအရေးကြီးပေသည်။ ထို့ကြောင့် မည်သူ၏တိုက်တွန်းချက်၊ အမိန့်ညွှန်ကြားချက်ကို စောင့်မနေဘဲ မှန်ကန်သော ဆုံးဖြတ်ချက်ကို မိမိဘာသာတာဝန်ယူချမှတ်ခဲ့ခြင်းဖြစ်သည်။ ပရော်ဖက်ရှင်နယ်စိတ်ဓာတ်ဆိုသည်မှာ ဒါပဲ ဖြစ်သည်။ မှန်တာကို ဆုံးဖြတ်သည်။ ထိုဆုံးဖြတ်ချက်နောက်က လိုက်ပါလာမည့် ကောင်းကျိုးဆိုးကျိုးအားလုံးကို ရင်ဆိုင်သည်။ ကျွန်တော်တို့ နိုင်ငံတွင် ပျောက်ဆုံးနေသည်မှာ ပရော်ဖက်ရှင်နယ် စိတ်ဓာတ်များဖြစ်ပြီး ခေတ်စားနေသည်မှာ အချောင်သမားစိတ်ဓာတ်ဖြစ်သည်။ အရာရာတွင်မှန်သည်မှားသည်ကို ထည့်မတွက်တော့ဘဲ ငါ့ကိုမထိရေး အဓိက ၀ါဒသာထွန်းကားလာ သောအခါ တိုင်းပြည်မှာထိခိုက် ပျက်စီးလေတော့သည်။

ကျွန်တော်တို့လမ်းထိပ်တွင် ဆိုင်ကယ်တစီးက လမ်းဖြတ်ကူးလာသော ကလေးကိုတိုက်မိမလိုဖြစ်သည်။ ကလေးက ရုတ်တရက်ပြေးထွက်လာခြင်းဖြစ်၍ ဆိုင်ကယ်သမားက ကလေးကို မတိုက်မိအောင် သူ့ခြေထောက်ဖြင့်ကာလိုက်သဖြင့် ကလေးလဲကျ သွားသည်။ ဤဖြစ်ရပ်တွင် ဆိုင်ကယ်သမား မလွန်ဘူးဆို တာ အားလုံးကမြင်သည်။ အနားတွင် လမ်းမှူးဆိုသူလည်း ရှိသည်။ တကယ်တမ်းတွင် လမ်းမှူးသည် သူ၏ လုပ်ပိုင်ခွင့်အရ မျက်မြင်လည်း ဖြစ်နေသဖြင့် ဤကိစ္စကို မကြီးကျယ်ရအောင် ၀င်ရှင်းပေးဖို့သင့်သည်။ သို့သော် ရှင်းမပေးပါ။ ရပ်ကွက်ရုံးသို့ရောက်သည်။ ကလေးဖခင်က လျော်ကြေးတသိန်းတောင်းသည်။ ဆိုင်ကယ် သမားက မပေးနိုင်။ ဆိုင်ကယ်ကို ရုံးက သိမ်းသည်။ ထိုအမှုတွင် ဆိုင်ကယ်စီးနင်းခြင်းသည် တရားမ၀င်ဆိုသောမူကို ရပ်ကွက်ရုံးက စွဲကိုင်သည်။ သို့သော် အုပ်ချုပ်ရေးမှူးသားလည်း ဆိုင်ကယ်စီးသည်၊ လမ်းမှူးလည်း ဆိုင်ကယ်စီးသည်။ ဥပဒေကို ထိန်းသိမ်းမည့်သူတွေသည် ဥပဒေကိုလိုက်နာဖို့လိုမည်ဖြစ်သည်။ ဥပဒေအရ ရဲတပ်ဖွဲ့ဝင်များလည်း ဆိုင်ကယ်စီးခွင့်မရှိပါ။ သို့သော် အားလုံးစီးကြပါသည်။ ဥပဒေတရပ် ပြဋ္ဌာန်းလျှင် လိုက်နာနိုင်သော အရာများကိုသာ ပြဋ္ဌာန်းစေချင်သည်။ ပြဋ္ဌာန်းပြီးလျှင်လည်း အားလုံးတန်းတူ တပြေးညီဖြစ်ဖို့လိုပါသည်။ တိုင်မှ လုပ်မယ်၊ မတိုင်ရင် မလုပ်ဘူး၊ ဥပဒေချိုးဖောက်ရင် ဖမ်းမယ်၊ ငါတို့တော့ချိုးဖောက်မယ်ဆိုတာမျိုးတွေ တယောက်ကအစ တထောင်တသောင်းတသိန်း တသန်းမက ပြန့်ပွားသွားပါက နိုင်ငံတော်ဒုက္ခရောက်ပါမည်။

မြန်မာနိုင်ငံတွင် အဂတိလိုက်စားမှုတိုက်ဖျက်ရေး ကော်မရှင်ကို အဖွဲ့ဝင် ၁၅ ဦးဖြင့် ၂၀၁၄ တွင် စတင်ဖွဲ့စည်းခဲ့သည်။ သို့သော် ထိုကော်မရှင်အပေါ် ပြည်သူလူထု၏ ယုံကြည်အားထားမှုမှာ အောက်ဆုံးသို့ ထိုးကျနေသည်။ အဓိကအချက်ကတော့ ကော်မရှင်သည် အဂတိလိုက်စားမှုများကို ထိထိရောက်ရောက် မတိုက်ဖျက်နိုင်သောကြောင့် ဖြစ်သည်။ အဂတိလိုက်စားမှု တိုက်ဖျက်ရေးကော်မရှင်စတင် ဖွဲ့စည်းသည့် ၁၀-၃-၂၀၁၄ မှ ယနေ့ခေတ် ၃၁-၅-၂၀၁၇ အထိ တိုင်ကြားစာလက်ခံရရှိမှုပေါင်းမှာ မူရင်းရော မိတ္တူပို့ပေးတိုင်ကြား သည်ရော စုစုပေါင်း ၃၂၉၈ စောင်ရှိပြီး အရေးယူဆောင်ရွက်ခဲ့သော အမှုပေါင်းမှာ ၃၁ မှု ဖြစ်သည်ဆို၏။ ၃ နှစ်အတွင်း ၃၁ မှုသာ စစ်ဆေးသဖြင့် တနှစ်လျှင် ၁၀ မှုသာ ကိုင်တွယ်ဆောင်ရွက်သည့် သဘောဖြစ်နေသည်။ အဓိကအားနည်းချက်မှာ လုပ်ပိုင်ခွင့် အပြည့်အ၀မရှိခြင်း၊ တိုင်စာကို ထိုင်စောင့်နေခြင်း၊ သက်သေသက္ကာယကို လိုတာထက်တောင်းဆိုနေခြင်း၊ တိုင်ကြားသူကို ပြန်လည်အရေးယူနိုင်သည်ဟူသော ပြဋ္ဌာန်းချက်များ ရှိထားသဖြင့် တိုင်ကြားသူများထံမှ တိုင်စာရောက် မလာတော့ခြင်းတို့ ဖြစ်သည်။

အကယ်စင်စစ် အဂတိလိုက်စားမှု တိုက်ဖျက်ရေးဆိုသည်မှာ တိုင်သူရှိရှိ၊ မရှိရှိ မသင်္ကာစရာ အခြေ အနေတရပ်ကိုတွေ့သည်နှင့် စုံစမ်းစစ်ဆေးပိုင်ခွင့်ရှိရမည်ဖြစ်သည်။ စင်ကာပူနိုင်ငံ၏ Anti Corruption Unit၊ တရုတ်တိုင်ငံ၏ အဂတိလိုက်စားမှုတိုက်ဖျက်ရေးကော်မရှင်တို့၏ လုပ်ငန်းဆောင်ရွက်မှုနှင့် ဥပဒေများကို အတုယူရမည်ဖြစ်သည်။ ဥပမာ လမ်းတလမ်းခင်းသည်။ ထိုလမ်း မခင်းခင်က သာမန်အိမ်တအိမ်အဖြစ်သာ ရှိခဲ့သော အင်ဂျင်နီယာတဦးသည် လမ်းခင်းစီမံကိန်းပြီးသည်နှင့် တိုက်နှင့် ကားနှင့်ဖြစ်လာသည်ဆိုလျှင် အဂတိလိုက်စားမှု တိုက်ဖျက်ရေးသည် အဖွဲ့အလုပ်လုပ်ရတော့မည် ဖြစ်သည်။ ဘယ်က ပိုက်ဆံလဲ၊ လမ်းခင်း သည့်ရန်ပုံ ငွေထဲမှ ခိုးထားတာလား၊ အမွေရတာလား၊ ထီပေါက်တာလား စုံစမ်းရတော့မည် ဖြစ်သည်။ ယခုမြန်မာနိုင်ငံ၏ အဂတိလိုက်စားမှု တိုက်ဖျက်ရေးကော်မရှင်ကား အပြင်သို့လိုက်၍ စုံစမ်းဖို့နေနေသာသာ မိမိထံရောက်လာသော အမှုသုံးထောင့် နှစ်ရာကိုးဆယ့်ရှစ်စောင်ကိုမှ ၃၁ မှုပဲ စုံစမ်းသည့် အဆင့်ရှိလေသည်။ အားရစရာမရှိပေ။ ယခုအခါ အဂတိလိုက်စားမှု တိုက်ဖျက်ရေး ဥပဒေကို ပြင်ဆင်သည့်ဥပဒေကြမ်း အမျိုးသားလွှတ်တော်၌ ဇွန်လ ၃၀ ရက်က တင်သွင်းခဲ့ကြောင်း သိရ၏။ ဘာတွေများ ပြင်ဆင်မလဲဟု ကြည့်ရှုရာ ပုဒ်မ ၉(ခ) ကို ပြင်ဆင်၍ ကော်မရှင်အဖွဲ့ ဝင်များကို အသက် ၇၀ ထက်မကြီးသူဆိုသောစကား ရပ်အစား ၇၅ နှစ် ထက်မကြီးသူဆိုသည့်စကားဖြင့် အစားထိုးပြင်ဆင်ရန်ဖြစ်ကြောင်း သိတော့ ရင်မောရသည်။ အဓိကကျတာကိုမပြင်ဘဲ အပေါ်ယံကြောမှာ မျောနေကြခြင်းပါလား။

NLD သည် အတော်ကို အသက်ကြီးတာကြိုက် သော အဖွဲ့ပါလားဟု တွေးမိသည်။ သူများတွေ လုပ်နိုင်ကိုင်နိုင်သော လူငယ်လူရွယ်တွေကို ရှာဖွေခန့်အပ်နေရာပေးနေချိန်တွင် အသက် ၇၀ မကျော်ရ ဆိုသည့် ပြဋ္ဌာန်းချက်ကိုပင် ၇၅ ဟု ပြောင်းချင် သေးသည်။ NLD အစိုးရအဖွဲ့ဝန်ကြီးအဖွဲ့တွင်လည်း သက်ကြီးပိုင်းတွေ အလွန်များနေသည်။ တကယ်တော့ အသက်က အဓိကမကျပါ။ လုပ်ရည်ကိုင်ရည်နှင့် လုပ်လိုကိုင်လိုစိတ်က အဓိကကျပါသည်။ အသက် ၁၀၀ ကိုခန့်ထားလည်း အလုပ်မလုပ်ဘဲ ငုတ်တုတ်ထိုင်ကာ တိုင်စာကို စောင့်နေလျှင် ဘာမှဖြစ်လာမည်မဟုတ်ပါ။ ဗိုလ်ချုပ်အောင်ဆန်းလို အသက် ၃၂ နှစ်ပင်ရှိသော်ငြား လုပ်ရဲကိုင်ရဲလုပ်တတ်ကိုင်တတ်ရှိလျှင် လုပ်ငန်းအောင်မြင်မည်ဖြစ်သည်။ အသက်ကန့်သတ်ချက်ကို ထပ်ထပ်ပြီး တိုးနေမည့်အစား ကော်မရှင်၏ လုပ်ပိုင်ခွင့်ကို ချဲ့ထွင်ပေးသောကိစ္စ များကို ဥပဒေတွင် ပြဋ္ဌာန်း ရမည်။ ဥပမာအဂတိလိုက်စားမှုနှင့် မသင်္ကာသူအားလုံးကို ရှာဖွေခွင့်၊ ဘဏ်စာရင်းများစစ်ဆေးခွင့်၊ ဆင့်ခေါ်ပိုင်ခွင့်၊ စစ်ဆေးခွင့်၊ ပိုင်ဆိုင်မှုများ စာရင်းကောက်ပိုင်ခွင့်၊ မလိုက်နာသူကို ဖမ်းဆီးနိုင်ခွင့် စသည်တို့ အပ်နှင်းဖို့ လိုပါသည်။ ကုလ သမဂ္ဂလို စကားတွေအများကြီးပြောပြီး အလုပ်နည်း နည်းပဲ ဖြစ်တာမျိုးမဖြစ်သင့်တော့ပါ။ ကျွန်တော့်အယူအဆအရပြောရလျှင် လူသည် အသက်ကြီးလာသောအခါ ထောက်ထားညှာတာစရာတွေ များလာသည်။ ဘာကိုမှ ပြတ်ပြတ်သားသား မဆောင်ရွက်တတ်တော့။ ဘာကိုပဲ စဉ်းစား၊ စဉ်းစားနှစ်ဖက် ခွစဉ်းစားတာတွေ များလာသည်။ ရှဥ့်လည်းလျှောက်သာ ပျားလည်းစွဲသာဆိုတာတွေ၊ Win Win Theory တွေ၊ သူမနာကိုယ်မနာတွေ၊ ရန်သူကိုမိတ်တွေဖြစ်အောင်လုပ်တာတွေ၊ သင်ပုန်းချေတာတွေ၊ ရင်ကြားစေ့တာတွေ၊ ရွှေပြည်အေးတရားတွေ စဉ်းစားတာနှင့် အဓိကတရားခံမှာ အမြဲလွတ်ထွက်သွားလေ့ရှိသည်။

ထို့ကြောင့် အမျိုးသား လူ့အခွင့်အရေး ကော်မရှင်၊ အဂတိလိုက်စားမှု တိုက်ဖျက်ရေး ကော်မရှင်များကို အသက် ၄၀ တန်း ၅၀ တန်း ပုဂ္ဂိုလ်များနှင့် ပြင်ဆင်ဖွဲ့စည်းသင့်သည်။ တခါလာလည်း အငြိမ်းစား သံအမတ်ကြီးတို့၊ တခါလာလည်း အငြိမ်းစားတပ်မတော် အရာရှိတို့ တော်ပါတော့။ မဆလခေတ်တွင် လူကြီးဖြစ်ခဲ့ကြသူ အားလုံး အရေးပါသောနေရာတွေမှာ မခန့်ပါနှင့်တော့။ အဘယ့်ကြောင့်ဆိုသော် သူတို့သည် အထက်အမိန့်မရဘဲ ဘာမှမလုပ်ရဲသည့် စိတ်ပိုင်းဆိုင်ရာ ပြဿနာရှိနေသောကြောင့် ဖြစ်သည်။ သူတို့ကို ခန့်အပ်မည့်အစား နိုင်ငံခြားသားများကို ခန့်အပ်လိုက်တာကမှ ဘက်မလိုက်ဘဲ ရဲရဲဝံ့ဝံ့ ဆောင်ရွက်ကြပေဦးမည်။ ထိုသို့မဖြစ်နိုင်ပါက မြန်မာနိုင်ငံသားထဲက လူသစ်များကို သုံးကြည့်စေချင်သည်။ ဥပဒေကို ပြင်လျှင် အရေး မပါသောအချက်များကို အချိန်ကုန်လူပန်းခံ၍ ပြင်နေမည့်အစား အဓိကကျသော မသင်္ကာသူကို အကြွင်းမဲ့စစ်ဆေး ပိုင်ခွင့်အာဏာကို အပ်နှင်းဖို့လိုသည်။ တိုင်စာရမှ ထလာပြီး ဟိုစစ်ဆေး၊ သည် စစ်ဆေးလုပ်နေမည့်လူများကို ဖြုတ်ပြီး မူအသစ် ချမှတ်နိုင်ဖို့လိုသည်။

ပြီးခဲ့သည့်ရက်ပိုင်းက သတင်းတပုဒ်ဖတ်ရ၏။ ကသည်းသူပုန်ကိစ္စဖြစ်သည်။ ဇူလိုင်လ ၃ ရက်က ပြုလုပ်သည့် အမျိုးသားလွှတ်တော်အစည်းအဝေးတွင် စစ်ကိုင်းတိုင်းဒေသကြီး မဲဆန္ဒနယ်အမှတ် (၉)မှ ဦးမောင်မောင်လတ် က စစ်ကိုင်းတိုင်းဒေသကြီး တမူးမြို့နယ်အတွင်း ခိုအောင်းလှုပ်ရှားနေသော ကသည်းသူပုန်များအား ရှင်းလင်းဖယ်ရှားပေးရန် အစီအစဉ် ရှိ၊ မရှိ မေးမြန်းခဲ့သည်။ ထိုမေးမြန်းချက်ကို ကာကွယ်ရေးဝန်ကြီးဌာန ဒုတိယ၀န်ကြီး ဗိုလ်ချုပ်မြင့်နွယ်က လက်ရှိကိုယ်စားလှယ်ကြီးမေးခွန်းမှာ ပါတဲ့သတင်း အတိအကျ ရရှိတာနဲ့ပတ်သက်ပြီးတော့ ပြည်ထဲရေးဝန်ကြီးဌာနက လုပ်ဆောင်ရတဲ့ဟာတွေကို လုပ်ဆောင်ပါတယ်။ လုပ်ဆောင်မရတဲ့ အပိုင်းတွေကို တပ်မတော်က အမြဲတမ်း ကူညီဆောင်ရွက်ပေးပါတယ်။ နယ်စပ်မြို့ကလေး ဒီတခုတင် မဟုတ်ဘဲနဲ့ မကြာခင်က လတ်တလော အရေးတကြီးဖြစ်ခဲ့တဲ့ ရခိုင်ပြည်နယ်ကိစ္စတွေမှာလည်း ကျွန်တော်တို့တပ်တွေ ထုတ်နုတ်ပြီးသုံးစွဲရသလို လက်ရှိပြည်တွင်း မငြိမ်းမချမ်းမှုဖြစ်နေတဲ့ကာလမှာ ကျွန်တော်တို့ နယ်မြေအနှံ့၊ ဒေသအနှံ့၊ နယ်စပ်တွေမှာ လုံခြုံရေးပူးပေါင်းဆောင်ရွက်နေတဲ့အတွက်ကြောင့် ပြည်သူတွေကလည်း သတင်းပေးပါ။ တာဝန်ရှိတဲ့ ပြည်ထဲရေးဝန်ကြီးဌာနနဲ့ ပြည်သူ့ရဲတပ်ဖွဲ့ဆောင်ရွက်မှုမှာ မနိုင်ဝန်များဖြစ်လာတဲ့အခါမှာ တပ်မတော်က စစ်ဆေးရေးနဲ့ လုံခြုံရေး၊ နယ်မြေစိုးမိုးရေးအတွက်ကို အရေး တယူဆောင်ရွက်ပေးသွားမှာဖြစ်ပါတယ်ဟု ပြောကြားခဲ့သည်။ ထိုဖြေကြားမှုကို အားရကျေနပ်မှုရှိ၊ မရှိ သတင်းထောက်များ၏ မေးကြားမှုကို မေးခွန်းရှင်ဦးမောင်မောင်လတ်က ဒီနေ့ဝန်ကြီးရဲ့ ဖြေကြားသွားတာ ကျွန်တော့်ရဲ့ မေးခွန်းကို တိုက်ရိုက်ဖြေမသွားဘူး။ အားမရဘူး။ ကသည်းသူပုန်တွေရှိနေတယ်ဆို တပ်မတော်စစ်ဘက်ရေးရာ လုံခြုံရေးအဖွဲ့တွေ သိထားတယ်။ အဲဒီတော့ စစ်ဘက်ရေးရာ လုံခြုံရေးတပ်ဖွဲ့ ဆိုတာ တပ်မတော်ကို တိုက်ရိုက်အစီရင်ခံရမယ်ဆိုတဲ့ အဖွဲ့အစည်း ဖြစ်တယ်။ တပ်မတော်ကလည်း သိနေရက်သားနဲ့ ပြည်သူတွေသတင်းပေးမှ လုပ်မယ်ဆိုတာဟာ ကျွန်တော်တို့ ပြည်သူတွေရဲ့ အသက်အိုးအိမ်စည်းစိမ်ကို တပ်မတော်က၊ ပြည်သူ့ရဲတပ်ဖွဲ့က အုပ်ချုပ်ရေးအဖွဲ့က အကာအကွယ်ပေးဖို့ ပျက်ကွက်နေတယ်လို့ ယူဆပါတယ်။ ဒီကိစ္စကိုနိုင်ငံတော်သမ္မတ၊ နိုင်ငံတော်ရဲ့ အတိုင်ပင်ခံပုဂ္ဂိုလ်နဲ့ ဆက်စပ်တဲ့ဌာနတွေ အားလုံးကိုဆက်ပြီးဆောင်ရွက်သွားမှာဖြစ်တယ်ဟု ပြောကြားခဲ့ပေ၏။

ကသည်းကိစ္စ၊ တမူးမြို့အကြောင်းပြောသောအခါ ကျွန်တော်သည် ထိုတမူးမြို့သို့ နှစ်ကြိမ်တိုင်တိုင် စာပေဟောပြောပွဲရောက်ခဲ့ရသော အတွေ့အကြုံကို သတိရမိ၏။ တမူးမြို့သို့ကားဖြင့် ရောက်လာခဲ့ရာ မြို့သို့မ၀င်မီ အိန္ဒိယနယ်စပ်နှင့် ကပ်နေသောကားလမ်းဘေးလယ်ကွင်းများထဲတွင် တဲများစွာကိုတွေ့ရရာ ထိုတဲများမှာ ကသည်းလူမျိုးများဖြစ်ကြောင်း ဒေသခံများက ပြောကြပါသည်။ ကသည်းသူပုန်များသည် အိန္ဒိယအစိုးရကတိုက်ထုတ်သောအခါ မြန်မာဘက်သို့ ပြေးလာကြကြောင်း။ ထို့အတူပင် မြန်မာဘက်ခြမ်းတွင် ကူကီးသူပုန်များကို မြန်မာအစိုးရကတိုက်ထုတ် သောအခါ ကူကီးသူပုန်များသည် အိန္ဒိယဘက်သို့ ပြေးဝင်ခိုလှုံကြကြောင်း ပြောပြကြပါသည်။ ဒေသခံများ ပြောသလိုဆိုလျှင် မြန်မာကိုခြေကုပ်ယူ၍ ကသည်းသူပုန်များက အိန္ဒိယကိုပုန်ကန်တိုက်ခိုက်နေသလို၊ အိန္ဒိယကိုခြေကုပ်ယူကာ ကူကီးသူပုန်များက မြန်မာအစိုးရကိုတိုက်နေသည့်သဘောဖြစ်ပေ၏။ တနည်းအားဖြင့်ဆိုသော် ကူကီးများကို အိန္ဒိယတို့က လက်သပ်မွေးထားပြီး ကသည်းများကို မြန်မာတို့က ထောက်ခံနေသည့်သဖွယ်ဖြစ်သည်။

ထိုင်းတို့က တချိန်က သူ့နိုင်ငံနယ်မြေကို ကာကွယ်ရန် KNU တပ်ဖွဲ့ဝင်များကို သူတို့နယ်မြေတွင် လက်သင့်ခံခြင်း၊ တရုတ်ပြည်က တချိန်က ဗကပကို လက်သင့်ခံခြင်းနှင့် ခပ်ဆင်ဆင်တူမည်ထင်သည်။ မိမိနှင့်ရန်သူကြားတွင် ကြားခံနယ်မြေအဖြစ် လူမွေးထားခြင်းပေလောဟု တွေးမိပေသည်။ လူမွေးတာက အကြောင်းမဟုတ် ထိူသူများကားလက်နက်ကိုင်ထားသဖြင့် ရေရှည်တွင် ဒေသခံမြန်မာနိုင်ငံသားများကို ဒုက္ခပေးလာနိုင်ပေသည်။ ထိုအခြေအနေသည်လည်း ပြည်သူလူထုထံမှ တိုင်စာကိုစောင့်နေသည် ထက် ပရော်ဖက်ရှင်နယ် ပီသစွာကိုယ့်တာဝန်ကို ကိုယ်ထမ်းဆောင်သင့်ပေသည်။ ကျွန်တော်တို့မီဒီများ သည်လည်း ထောင်မကြောက်၊ တန်းမကြောက် ကိုယ့်တာဝန်ကိုယ်ကျေရန် ရေးသားကြခြင်းဖြစ်ရာ နိုင်ငံတော်ကောင်းစားရေးဆိုသည်မှာ တိုင်စာတော စာကိုစောင့်ကြသည်ထက် လုပ်စရာရှိတာကို တာဝန်သိ သိဆောင်ရွက်ကြခြင်းကိုသာ နိုင်ငံချစ်သူဟုခေါ်နိုင်မည်ဖြစ်ပြီး တိုင်ကြားလာမှ လုပ်ဆောင်ကြခြင်းကား ၀တ်ကျေဝတ်ကုန် အပျော်တမ်းသမား (Amateur) အဆင့်သို့ မိမိကိုယ်ကိုရောက်ရှိသွားစေနိုင်သည်ကို သတိချပ်ကြစေလိုပါကြောင်း။

သရ၀ဏ်(ပြည်)
News Watch(စောင့်ကြည့်သတင်းဂျာနယ်)

COMMENTS

Name

art,1,article,1305,cartoon variety,22,crime,66,culture,1,documentary,7,Entertainment,8,health,33,history,2,international,7378,interview,220,knowledge,8,Live,8,LocalNews,15773,news,2842,opinion,765,photos,203,poem,116,satires,39,song,12,speech,12,sports,141,statement,59,technic,56,translate,34,video,1068,voice,76,
ltr
item
dawnmanhon: တိုင်မှလုပ်မယ့် စိတ်ဓာတ်တွေ
တိုင်မှလုပ်မယ့် စိတ်ဓာတ်တွေ
https://3.bp.blogspot.com/-iRYY_EPTI6w/WWBZOseH5cI/AAAAAAAAc0Q/6ffih7D1ufgUChhDisz882nqYR68M_smgCLcBGAs/s400/q1.jpg
https://3.bp.blogspot.com/-iRYY_EPTI6w/WWBZOseH5cI/AAAAAAAAc0Q/6ffih7D1ufgUChhDisz882nqYR68M_smgCLcBGAs/s72-c/q1.jpg
dawnmanhon
http://www.dawnmanhon.com/2017/07/blog-post_443.html
http://www.dawnmanhon.com/
http://www.dawnmanhon.com/
http://www.dawnmanhon.com/2017/07/blog-post_443.html
true
4976479704313592870
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share. STEP 2: Click the link you shared to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy