မြန်မာနယ်စပ်မှာ လက်နက်အရောင်းအ၀ယ် လုပ်မယ့်အစီအစဉ်ကို အိန္ဒိယစစ်တပ် တားဆီးခဲ့

အိန္ဒိယ မြန်မာ ၂ နိုင်ငံနယ်စပ်
အိန္ဒိယ မြန်မာ ၂ နိုင်ငံ နယ်စပ်ဒေသမှာ တာဝန်ကျနေတဲ့ အာသံရိုင်ဖယ်တပ်ဟာ တနင်္ဂနွေနေ့မနက်ပိုင်းက မီဇိုရမ် ပြည်နယ်ထဲမှာ AK 56 ရိုင်ဖယ် သေနတ်တွေကို ဖမ်းမိခဲ့ပြီး နယ်စပ်ကျော်ဖြတ်ပြီး လက်နက်အရောင်းအဝယ် လုပ်မယ့် အစီအစဉ်ကို တားဆီးလိုက်နိုင်တယ်လို့ အိန္ဒိယက လာတဲ့ သတင်းတွေမှာ ဖေါ်ပြထားပါတယ်။ ဒီလက်နက်တွေဟာ မဏိပူအခြေစိုက် Meitei လို့ခေါ်တဲ့ ကသည်းသူပုန်တွေကို ရောင်းချဖို့လို့ ယူဆရပါတယ်။

၂ နိုင်ငံနယ်စပ်က အတားအဆီးမရှိတဲ့ နယ်ခြားဒေသကို ဖြတ်ကျော်ပြီး အိန္ဒိယနဲ့ မြန်မာ သူပုန် အဖွဲ့တွေကြား မီဇိုရမ်ပြည်နယ်ထဲက Farkwan မှာ လက်နက် အရောင်းအဝယ် လုပ်မယ် ဆိုတဲ့သတင်းကို အမှတ် ၁၀ အာသံရိုင်ဖယ်တပ်က သတင်းရရှိခဲ့တယ်လို့ ဒုဗိုလ်မှုးကြီး S Newton က ပြောပါတယ်။

ဗိုလ်ကြီး Vaibhav Joshi ဦးဆောင်တဲ့ အာသံရိုင်ဖယ်တပ်ဟာ ၂ နိုင်ငံနယ်ခြားမျဉ်း ဖြစ်နေတဲ့ တယောချောင်းတလျှောက် သတင်းအရ စောင့်ကြည့်နေစဉ် အခုလို ဖမ်းမိခဲ့တာ လို့ဆိုပါတယ်။ မြန်မာသူပုန် ၂ ယောက်ဟာ မနက်အစောပိုင်းမှာပဲ တယောချောင်းကို ဖြတ်ပြီး အိန္ဒိယ ပိုင်နက်ထဲကို ကူးလာစဉ်မှာ အာသံရိုင်ဖယ်တပ်နဲ့ ရင်ဆိုင်တိုးမိကြောင်းနဲ့ သူတို့ဟာ သယ်လာတဲ့ အိတ်တွေကို ချောင်းအလယ်မှာ ပစ်ချပြီး ထွက်ပြေးသွား ကြတယ်လို့လည်း ပြောပါတယ်။ အိတ်တအိတ်ထဲမှာ AK 56 ရိုင်ဖယ် သေနတ် ၅ လက်ကို တွေ့ရပြီး ဒါဟာ မီဇိုရမ်ပြည်နယ်တွင်း အာသံရိုင်ဖယ်တပ်က အများဆုံးဖမ်းမိတာ ဖြစ်ပါတယ်။

ဒီလက်နက်တွေဟာ မဏိပူအခြေစိုက် လက်နက်ကိုင် အဖွဲ့တွေနဲ့ အရောင်းအဝယ်လုပ်ဖို့ ဖြစ်နိုင်တယ်လို့လည်း ပြောပါတယ်။

အိန္ဒိယနိုင်ငံ မဏိပူဒေသထဲမှာ မနှစ်က မေလထဲ အာသံရိုင်ဖယ်တပ် ယာဉ်တန်း၊ ခြုံခို အတိုက်ခိုက် ခံခဲ့ရတဲ့အတွက် တပ်သား ၆ ဦးသေဆုံးခဲ့တာမို့ တိုက်ခိုက်မှုမှာ ပါဝင် သူတွေကို လိုက်လံရှာဖွေဖို့ အိန္ဒိယတပ်ဖွဲ့တွေ မြန်မာ့မြေထဲအထိ ဝင်ရောက်ခဲ့တာလည်း ရှိပါတယ်။

VOA (မြန်မာပိုင်း)
https://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.