ကိုဆွေဝင်းကို ၆၆ (ဃ)နဲ့ဖမ်းပြီ


ဇူလိုင်၊ ၃၀၊ ရန်ကုန်-
Myanmar Now အယ်ဒီတာချုပ် ကိုဆွေဝင်း ရန်ကုန်လေဆိပ်မှာ ဖမ်းဆီးခံလိုက်ရတယ်လို့ သိရပါတယ်။
“အရင် ကျော်မျိုးရွှေဆွဲတဲ့အမှုနဲ့ပဲ ၆၆ (ဃ) နဲ့ပဲအဖမ်းခံရတာပါ ။ ပြီးခဲ့တဲ့တစ်ပတ်က မန္တလေး ရဲကကို့ဆွေ့ဆီဖုန်းဆက်တယ်။ လာအဖမ်းခံဖို့ လှမ်းပြောတယ်။ လှမ်းပြောတော့ အစ်ကိုတို့ညှိနှိုင်းလိုက်တဲ့အချိန်မှာ ခုလာမယ့်ကြာသပတေးနေ့ကို အဖမ်းခံဖို့စီစဉ်လိုက်တယ်။ ဒီနေ့က ကိုဆွေ ဘန်ကောက်ရုံးကိုလုပ်ငန်းကိစ္စနဲ့သွားတာ။ သွားရင်းနဲ့အခုအဖမ်းခံလိုက်ရတာ။ ကျွန်တော်တို့အခု မင်္ဂလာဒုံရဲစခန်းကို သွားနေပါတယ်။ ဘာဆက်လုပ်မလဲဆိုတာတော့ အတိအကျမပြောနိုင်သေးပါဘူး။ စခန်းရောက်မှပဲသိရမှာပါ။” လို့ Myanmar Now သတင်းဌာနမှ အကြီးတန်းသတင်းထောက် ကိုထက်ခေါင်လင်းက ဖြေကြားပါတယ် ။

ကိုဆွေဝင်းဟာ ပြီးခဲ့တဲ့ ဖေဖော်ဝါရီလ ၂၈ နေ့မှာ မန္တလေးဆရာတော်တစ်ပါးရဲ့မိန့်ကြားမှုကို သတင်းအဖြစ်ရေးသားခဲ့ပြီး အဆိုပါသတင်းကိုပဲ သူ့ရဲ့ကိုယ်ပိုင်ဖေ့ဘွတ်ခ် အကောင့်ဖြစ်တဲ့ Ba Kaung အကောင့်မှာ သတင်းထဲမှစာသားကိုပြန်လည်ကောက်နုတ်ကာ “ဝီရသူ ပါရာဇီက ကျသွားပြီလို့သိရပါတယ်။ ပါရာဇီက ကျတာအခုမှတော့ မဟုတ်လောက်ဖူး။” လို့ ရေးသားခဲ့ပါတယ်။

အဲ့သည်လိုရေးသားခဲ့တဲ့အတွက်လို့ဆိုကာ မန္တလေးအခြေစိုက် မ.ဘ.သ အဖွဲ့ဝင်တစ်ဦးဖြစ်တဲ့ ဦးကျော်မျိုးရွှေက မတ်လ ၇ ရက်နေ့ညပိုင်းမှာ မန္တလေးမြို့ အမှတ်၇ ရဲစခန်းမှာ ဆက်သွယ်ရေးဥပဒေ ၆၆(ဃ)နဲ့ အမှုဖွင့် တိုင်ကြားခဲ့တာဖြစ်ပါတယ်။

ချမ်းသာ၊ ဝင်းနန္ဒာ
Kumudra

Labels:

Post a Comment

[blogger][facebook]

Author Name

Contact Form

Name

Email *

Message *

Powered by Blogger.