ကရင်ပြည်နယ်အစိုးရအဖွဲ့ အတွင်းရေးမှူးအပါအ၀င် အရာရှိတချို့ စစ်ဆေးခံနေရ


ကရင်ပြည်နယ်အစိုးရအဖွဲ့ အတွင်းရေးမှူး တာဝန်ထမ်းဆောင်နေတဲ့ ဦးပြုံးချိုအပါအ၀င် ပြည်ထဲရေးဝန်ကြီးဌာန အရာရှိတချို့ကို အဂတိလိုက်စားမှုတိုက်ဖျက်ရေးကော်မရှင်က စစ်ဆေးမှုတွေ လုပ်ဆောင်နေတယ်လို့ ပြည်ထဲရေးဝန်ကြီးဌာန အထူးစုံစမ်းစစ်ဆေးရေးဦးစီးဌာန ညွှန်ကြားရေးမှူး ဦးအောင်မျိုးက ပြောပါတယ်။

တိုင်ကြားစာတခုကြောင့် လွန်ခဲ့တဲ့ နှစ်ပတ်လောက်ကတည်းကစပြီး စစ်ဆေးခံနေရတာလို့ ဦးအောင်မျိုးက ဒီဗွီဘီကိုပြောပါတယ်။

“ဖမ်းလားမဖမ်းလားတော့မသိဘူး။ အဂတိလိုက်စားမှုတိုက်ဖျက်ရေးကော်မရှင်က စစ်နေတယ်လို့တော့ သိရတယ်။ တိုင်ကြားစာတခုကြောင့် စစ်ဆေးနေတယ်လို့တော့သိရတယ်။ တိုင်ကြားစာ တခုကြောင့် စစ်ဆေးတာလို့သိရတယ်။ အဲဒီမှာပါဝင်တဲ့လူတွေအစစ်ခံရမှာပေါ့။

ဦးပြုံးချိုဟာ ယခင်ပြည်ထဲရေးဝန်ကြီးဌာနရုံးအဖွဲ့မှူးအဖြစ် တာဝန်ထမ်းဆောင်ခဲ့ပြီး သူအပါအ၀င် ၅ ဦး မနေ့က ဖမ်းဆီးခံရတယ်လို့ သတင်းတွေထွက်ပေါ်နေပေမယ့် ဒီဗွီဘီက သီးခြားအတည်ပြုချက်မရသေးပါဘူး။

ဇူလိုင် ၁၆ရက်နေ့က ကရင်ပြည်နယ် ဘားအံမြို့ကို ရောက်လာတဲ့ ကုလသမဂ္ဂရဲ့ လူ့အခွင့် ကိုယ်စားလှယ် မစ္စ ယန်ဟီးလီနဲ့အဖွဲ့ကို ကရင်ပြည်နယ်အစိုးရအဖွဲ့တာဝန်ရှိသူတွေက တွေ့ဆုံခဲ့ရာမှာ အတွင်းရေးမှူး ဦးပြုံးချိုလည်း ပါဝင်ရှင်းပြခဲ့တယ်လို့ အစိုးရ ပြန်ကြားရေးက သတင်းထုတ်ထားပါတယ်။

ဓာတ်ပုံ-ACCM
DVB TV News
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.