ချောင်းကမ်းပါးပြို၍ သံတွဲမြို့နယ် ပုဇွန်ဖြေ မေတ္တာဝတီ ကျောင်းမှ ဘုရားများရွှေ့ပြောင်းရ


နိရဉ္စရာ၊ ဇူလိူင် ၂၅

နှစ်ကာလအားဖြင့် နှစ်ပေါင်း ၁၅၀ ခန့်ကြာမြှင့်နေပြီ ဖြစ်သော သံတွဲမြို့နယ် ပုဇွန်ဖြေအောက်ရွာ မေတ္တာဝတီကျောင်း သိမ်တော်တွင် ကိန်းဝပ်စံပယ်နေသော ထိုင်တော်မူ ဘုရား ငါးဆူအား ချောင်းကားပါးပြိုရာမှ ဘေးလွတ်ရာသို့ ရွှေ့ပြောင်းလိုက်ရသည်ဟု မေတ္တာဝတီကျောင်းဆရာတော် ဦးသုမနက နိရဉ္စရာသို့ ပြောသည်။

“ ဇူလိုင်လ ၂၄ ရက်နေ့က ရွှေ့ပြောင်းလိုက်ရတာပါ။ ရွာက လူတွေနဲ့ စုပေါင်းပြီး ရွှေ့ပြောင်းလိုက်ရတာပါ။ အခုတော့ ဘုန်းကြီးကျောင်းဝင်းထဲက ဇရပ်မှာ ယာယီကိန်းဝပ်နေရတာပေါ့ တကာကြီး” ဟု ဆရာတော် ဦးသုမနက ပြောသည်။


ဘုရားများ ကိန်းဝပ်နေသော သိမ်တိုင်သုံးလုံးမှာ ချောင်းရေနှင့် အတူ ပါသွားပြီး ယခုအခါ သိမ်ကိုလဲ ဖြိုလိုက်ရပြီဟု ဆရာတော်က ပြောကြားသည်။

“ ဘုန်းတော်ကြီးကျောင်းနဲ့ ချောင်းကမ်းပါးက လက်တောင် ၇၀ လောက်ဘဲ ရှိပါတော့တယ်။ အရင်ကတော့ အတောင် ၁၅၀ လောက် ဝေးပါတယ်။ အခု ကျောင်းကိုလည်း ရွှေ့ရမယ်လို့ သာသနာရေးမှူးကတော့ ပြောထားပါတယ်” ဟု ပြောသည်။


ပုဇွန်ဖြေချောင်း ကမ်းပါးမှာ နွေရာသီတွင်လည်း ရေတိုက်စားမှုရှိပြီး မိုးရာသီတွင် ကမ်းပါးတိုက်စားမှုက ပိုများကြောင်း၊ သို့အတွက် တစ်ဖြည်းဖြည်းနဲ့ ဘုန်းတော်ကြီးကျောင်း အနီးထိ ရောက်ရှိလာကြောင်း၊ ကျောင်းပြောင်းရွှေ့ရန်မှာ မြေနေရာ အခက်အခဲဖြစ်ကြောင်း၊ မြေတစ်ဧကကို ကျပ်သိန်း ၆၀ ထိ ရှိကြောင်း၊ ပုဇွန်ဖြေ ကျေးရွာမှာ အိမ်ခြေ ၃၀ ခန့်သာရှိတော့၍ မတတ်နိုင်သဖြင့် အကူ အညီများ လိုအပ်ကြောင်း ဆရာတော် က မိန့်ကြားသည်။

စေတနာထက်သန်သူများ အနေဖြင့် အဆိုပါ ကျောင်းနှင့် ပတ်သက်ပြီး ကုသိုလ် ကောင်းမှု ပြုလုပ်လိုပါက ပုဇွန်ဖြေကျေးရွာ မေတ္တာဝတီကျောင်း ဆရာတော် (ဖုန်း ၀၉၂၆၃၇၀၇၁၄၅) သို့ ဆက်သွယ်နိုင်ကြောင်း သိရှိရသည်။

(ဓာတ်ပုံ ဆရာတော် တေစိန္တ)
Narinjara
https://www.facebook.com/Narinjara
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.