သပိတ်စခန်းဖွင့်ဆန္ဒပြနေ တဲ့ တောင်သူကိုယ်စားလှယ်တွေနဲ့ တိုင်းအစိုးရအဖွဲ့ တွေ့ဆုံ



မန္တလေးမြို့မှာ သပိတ်စခန်းဖွင့်တောင်းဆိုနေတဲ့ တောင်သူတွေနဲ့ မန္တလေးတိုင်းအစိုးရအဖွဲ့တို့ ဇူလိုင်လ ၁၅ ရက်နေ့က တွေ့ဆုံပွဲမှာ ပါဝင်ခဲ့တဲ့ တောင်သူ ဒေါ်ခင်ညို ကို တွေ့ရစဉ်။ Photo: Hset Paing Toe/RFA
သိမ်းဆည်းခံမြေယာတွေပြန်ရဖို့ မန္တလေးမြို့မှာ သပိတ်စခန်းဖွင့်တောင်းဆိုနေကြတဲ့ တောင်သူတွေနဲ့ မန္တလေး တိုင်းအစိုးရအဖွဲ့တို့ ဒီကနေ့ တိုင်းအစိုးရအဖွဲ့ရုံးမှာ ပထမဆုံးအကြိမ် တွေ့ဆုံဆွေးနွေးခဲ့ပါတယ်။

ဆွေးနွေးပွဲမှာ တရားစွဲခံထားရတဲ့ တောင်သူတွေနဲ့ ဝရမ်းပြေးတောင်သူတွေအရေးကို အဓိကထားဆွေးနွေးခဲ့ကြ ပြီး တိုင်းအစိုးရအဖွဲ့က သပိတ်စခန်းကို ပိတ်သိမ်းပေးစေလိုပေမယ့်  တောင်းဆိုချက်တွေ မရသရွေ့ သပိတ်စခန်း ကို ဆက်လက်ထားရှိသွားမယ်လို့ ဆွေးနွေးပွဲမှာ ပါဝင်ခဲ့တဲ့ တောင်သူ ဒေါ်ခင်ညိုက ပြောပါတယ်။

မန္တလေးတိုင်း လယ်ယာစိုက်ပျိုးရေးနှင့် ဆည်မြောင်းဝန်ကြီး ဒေါက်တာစိုးသန်းနဲ့ လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီး ကျော်ကျော်မင်း ဦးဆောင်တဲ့ တိုင်းအစိုးရအဖွဲ့နဲ့ သပိတ်စခန်း ကိုယ်စားလှယ် တောင်သူ ၅ ဦးတို့ တွေ့ ဆုံခဲ့တာဖြစ်ပါတယ်။

တရားရင်ဆိုင်နေရတဲ့ တောင်သူတွေနဲ့ ဝရမ်းပြေးအဖြစ် ကြေညာခံထားရတဲ့ တောင်သူတွေကို အမှုကနေပြန် လည်ရုပ်သိမ်းနိုင်ဖို့ နှစ်ဖက်ပူးပေါင်းဆောင်ရွက်သွားမယ်လို့ ဒီကနေ့ဆွေးနွေးပွဲမှာ နှုတ်အားဖြင့် ကနဦး သဘောတူညီမှု ရရှိခဲ့တယ်လို့ သပိတ်ကိုယ်စားလှယ်တွေက ပြောပါတယ်။

မန္တလေးတိုင်း အစိုးရအဖွဲ့ရုံးအနီး ၆၂ လမ်းပေါ်မှာ သပိတ်စခန်းဖွင့် တောင်းဆိုနေကြတဲ့ မြို့နယ် ၁၂ ခုက သိမ်းဆည်းခံ တောင်သူကိုယ်စားလှယ် ၁ဝဝ ကျော်က သိမ်းဆည်းလယ်ယာမြေတွေအရေးကို ပြေလည်အောင်ဖြေ ရှင်းပေးဖို့နဲ့ တောင်သူတွေကို တရားစွဲဆိုနေတာတွေ ရပ်တန့်ပေးဖို့ အစိုးရထံ တောင်းဆိုနေကြတာဖြစ်ပါတယ်။ သပိတ်စခန်းကို ပြီးခဲ့တဲ့ ဇူလိုင်လ ၆ ရက်နေ့က ဖွင့်လှစ်ခဲ့တာဖြစ်ပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.