တိုးတက်မှု မဆိုသလောက်သာရှိဟု ယန်ဟီးလီ ပြောကြား


ရန်ကုန်မြို့မှာ မနေ့က ကျင်းပတဲ့ သတင်းစာရှင်းလင်းပွဲမှာ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် Yanghee Lee ယန်ဟီးလီက တိုးတက်မှုအဖြစ် မြန်မာအစိုးရဟာ ရခိုင်ပြည်နယ်ဆိုင်ရာအကြံပေးကော်မရှင်ရဲ့ အကြံပြုချက်တချို့ကို လိုက်နာ အကောင်အထည်ဖေါ်ခဲ့ကြောင်း ပြောပါတယ်။

“ကော်မရှင်ရဲ့အကြံပေးချက်မှာ ပါဝင်တဲ့အတိုင်း ဒုက္ခသည်စခန်း ၃ ခုကို ပိတ်ပြစ်နိုင်ခဲ့ပါတယ်။ ဒါပေမယ့် ဒုက္ခသည်တွေက အစိုးရချထားပေးတဲ့ နေရာတွေအစား သူတို့မူလနေထိုင်ခဲ့တဲ့ နေရပ်ဒေသတွေကို ပြန်လည်သွားရောက်လိုတယ်လို့ ကျမကို ပြောခဲ့ကြပါတယ်။ တပြိုင်နက်မှာ အဲဒီလို ပြန်လည်နေရာချထားပေးတဲ့ ကမန်နဲ့ ရခိုင်ဒုက္ခသည်တွေကို ကျမ တွေ့ခဲ့ရပေမယ့် ရိုဟင်ဂျာတွေနဲ့တော့ တွေ့ခွင့်မရခဲ့ပါဖူး။ အဲဒီ မွတ်စလင်တွေကတော့ ဒုက္ခသည်စခန်းတွေမှာပဲ ရှိနေပါသေးတယ်။ ဒါကြောင့် ဒီလိုကွဲပြားခြားနားတဲ့ ဒုက္ခသည်ပြန်လည်နေရာချထားရေး အစီအစဉ်ဟာ အခုအချိန်အထိတော့ အကျိုးဖြစ်ထွန်းမှု သိပ်မရှိသေးပါဖူး။ လူတသိန်းနှစ်သောင်းကျော်ဟာ ဒုက္ခသည်စခန်းတွေမှာ နှစ်လရှည်ကြာ နေထိုင်ရဆဲပါပဲ။”

ကော်မရှင်ကအကြံပေးချက်အတိုင်း အစိုးရက မွေးစာရင်းနှစ်သောင်းကျော် ထုတ်ပေးခဲ့တာကိုတော့ တိုးတက်မှုအဖြစ်ကြိုဆိုရမှာဖြစ်ကြောင်းလည်း ယန်ဟီးလီ ကပြောပါတယ်။

“ရိုဟင်ဂျာတွေရဲ့ အခြေအနေကို ခြံငုံပြောရမယ်ဆိုရင်တော့ ပြီးခဲ့တဲ့ ဇန်နဝါရီလမှာ ကျမ နောက်ဆုံးအကြိမ်လာရောက်ခဲ့စဉ်ကထက် မဆိုသလောက်ပဲ တိုးတက်မှုရှိပါတယ်။ ရခိုင်ပြည်နယ်မြောက်ပိုင်းမှာဆိုရင် ပိုပြီးရှုပ်ထွေးလာနေပါတယ်။ အစိုးရလုံခြုံရေးတပ်ဖွဲ့တွေက စစ်ဆင်ရေးကာလအတွင်း လူ့အခွင့်အရေးချိုးဖေါက်ခဲ့တဲ့ အစီရင်ခံချက်တွေကို ကျမ ဆက်လက် ရရှိနေပါတယ်။”

ဒါ့အပြင် ယန်ဟီးလီက သူမကို နိုင်ငံတော်အစိုးရခေါင်းဆောင်တွေကရော ရခိုင်ပြည်နယ်အစိုးရအရာရှိတွေကပါ သူတို့အနေနဲ့ ရခိုင်တွေကိုကော မွတ်စလင်တွေကိုပါ ကာကွယ်ပေးဖို့တာဝန်ရှိကြောင်း ထုတ်ဖေါ်ပြောဆိုခဲ့တယ်လို့ ဆိုပါတယ်။ တဆက်တည်းမှာပဲသူက-

“လူ့အခွင့်အရေးချိုးဖေါက်သူတွေကို စုံစမ်းပြီး ထိထိရောက်ရောက် အရေးယူရမှာ ဖြစ်ပါတယ်။ တပြိုင်နက်မှာပဲ ခွဲခြားဆက်ဆန်မှုတွေ အဆုံးသတ်ပြီး လွတ်လပ်စွာသွားလာလှုပ်ရှားခွင့်တွေ ပြန်လည်ရရှိဖို့အတွက် လိုအပ်ချက်တွေကို ချက်ခြင်းအကောင်အထည်ဖေါ်ဖို့လိုပါတယ်။”

“ကျမကို ရခိုင်တိုင်းရင်းသားတွေက လက်ရှိအခြေအနေနဲ့ပတ်သက်ပြီး သူတို့အနေနဲ့ အထူးစိတ်မကောင်းဖြစ်နေရကြောင်းလည်း ပြောခဲ့ကြပါတယ်။ လက်ရှိပြသနာတွေဟာ အသိုင်းအဝန်း နှစ်ဖက်လုံးမှာရှိတဲ့ အစွန်းရောက်ခေါင်းမာသူတွေကြောင့် ဖြစ်ပေါ်နေရတယ်လို့ သူတို့က ယုံကြည်နေပါတယ်။”

ဆက်လက်ပြီး ယန်ဟီးလီက ကမန်တိုင်းရင်းသားတွေက သူတို့နဲ့ ကျောက်ဖြူက ရခိုင်တိုင်းရင်းသားတွေ အကြားမှာ ဘာပြသနာမှမရှိပဲနဲ့ ဒုက္ခသည်စခန်းကို ပို့ထားတာဖြစ်ကြောင်း၊ သူတို့ကို အာဏာကိုင်တွေ မူလခေါ်လာစဉ်က သုံးရက်လောက်ပဲနေထိုင်ရမယ်လို့ ပြောပြီး အခုတော့ ငါးနှစ်ရှိသွားပြီလို့ ပြောတာကို ကြားရတဲ့အခါ သူ့အနေနဲ့ အထူးပဲ ဝမ်းနည်းမိရတယ်လို့လည်း ပြောပါတယ်။

တဆက်တည်းမှာပဲ ဘူးသီးတောင်ထောင်ကို သူမသွားရောက်ပြီး မနှစ်က အောက်တိုဘာလ တိုက်ခိုက်မှုနဲ့ ပတ်သက်လို့ ဖမ်းဆီးခံထားရသူတွေကို တွေ့ဆုံခဲ့ပါတယ်။ အဲဒီလူအများစုမှာ အကျိုးဆောင်ရှေ့နေ မရှိသလို ဘယ်လိုစွဲချက်တွေနဲ့ သူတို့ကိုစွဲဆိုထားသလဲဆိုတာကိုတောင် နားမလည်ကြတဲ့အတွက် အမှုအတွက် လိုအပ်သလိုကာကွယ်နိုင်စွမ်းလည်း ရှိကြမှာမဟုတ်ပါဖူးလို့ ယန်ဟီးလီ ကပြောပါတယ်။

ဒ့ါအပြင် သူမနဲ့ လာရောက်တွေ့ဆုံသူတွေကို သက်ဆိုင်ရာတွေက ခြိမ်းခြောက်ခဲ့ကြောင်းလည်း ယန်ဟီးလီက ပြောပါတယ်။

“သူတို့ကို ဓါတ်ပုံရိုက်တယ်။ ကျမနဲ့ မတွေ့ခင်မှာကော တွေ့ပြီးနောက်မှာကော စစ်ဆေးမေးမြန်းတာတွေ ခံရတယ်။ ဒါ့အပြင် နောက်ယောင်ခံလိုက်တာလည်းရှိတယ်။ ဒီလိုလုပ်ရပ်မျိုးကို ကျမလုံးဝလက်မခံနိုင်ပါဖူး။”

“အစိုးရသစ်လက်ထက်မှာ ကျမ မြန်မာပြည်ကိုရောက်တာ သုံးကြိမ်ရှိပါပြီ။ ဒါပေမယ့် အခုလို ကျင့်ကြံပုံတွေက အရင်အစိုးရအတိုင်းဖြစ်နေသေးတာကို မြင်ရတဲ့အတွက် စိတ်ပျက်မိပါတယ်။”

ဒါ့အပြင် အခုခရီးစဉ်အတွင်း ကရင်ပြည်နယ်ကိုသွားရောက်ခဲ့ရာမှာ ဒေသခံတွေရဲ့ လယ်ယာမြေတွေကို သက်ဆိုင်ရာတွေက လျှော်ကြေးမပေးတဲ့ သိမ်းပိုက်တဲ့ သတင်းတွေရရှိခဲ့ကြောင်း၊ ပိုဆိုးတာကတော့ အဲဒီ လယ်သမားတွေဟာ သူတို့ထံက သိမ်းဆည်းခံရတဲ့ မြေတွေကို အခကြေးငွေပေးပြီးပြန်လည် စိုက်ပျိုးနေရတဲ့အပြင် တချို့ကို မတန်တဆဈေးနဲ့ ပြန်ဝယ်ခိုင်းတာတွေလည်း ရှိနေကြောင်းပြောပါတယ်။

ဒီတခေါက်ခရီးစဉ်မှာ ဆက်သွယ်ရေး ဥပဒေပုဒ်မ ၆၆ ဃ နဲ့ စွဲဆိုခံရမှုတွေနဲ့ ပတ်သက်လို့လည်း သက်သေအချက်အလက်တွေ ရရှိခဲ့ကြောင်း၊ ရှမ်းပြည်ခရီးစဉ်မှာ သီပေါထောင်ကို သွားပြီး ဖမ်းဆီးထားတဲ့ သတင်းထောက် ၃ ယောက်ကို တွေ့ခွင့်ပြုဖို့ တောင်းဆိုခဲ့ပေမယ့် သွားခွင့်မရခဲ့ကြောင်း၊ တကယ်တော့ သီပေါမြို့ဟာ နိုင်ငံခြား ခရီးသည်တွေ ဥဒဟိုဝင်ထွက်သွားလာခွင့်ရတဲ့ ဒေသတခုဖြစ်ကြောင်းနဲ့ သူတွေ့ကြုံသိရှိခဲ့ရသမျှ အသေးစိပ်ကို လာမယ့် အောက်တိုဘာလ ကျင်းပမယ့် ကုလသမဂ္ဂ အထွေထွေညီလာခံမှာ အစီရင်ခံတင်ပြမှာဖြစ်ကြောင်း စသဖြင့် မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် ယန်ဟီးလီ က ရန်ကုန်မြို့မှာ မနေ့ညနေ ကျင်းပတဲ့ သတင်းစာရှင်းလင်းပွဲမှာ ပြောကြားသွားခဲ့ပါတယ်။

RFA Burmese
https://www.facebook.com/rfaburmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.