ထိုင်း တွင် ခေတ်စား လာနေပြီ ဖြစ်သော မြန်မာ့ သနပ်ခါး

ယခုအခါ မြန်မာ့ရိုးရာ သနပ်ခါးသည် နယ်ခြားကို ဖြတ်ကျော်ကာ ထိုင်းနိူင်ငံ အတွင်း ရောက်ရှိသွားပြီး အလှကုန် ထုတ်လုပ်သည့် ကုမဏ္ဍီ နှစ်ခု မှ ထုတ်လုပ် ဖြန့်ချီနေပြီ ဖြစ်ပါတယ်။

ခန္တာကိုယ် အအေးဓါတ်ရစေမည့် အမှုန့်အဖြစ် ထိုင်း အလှကုန် ထုတ်လုပ်သည့် ကုမဏ္ဍီ တခု ဖြစ်သည့် British Dispensary က ပြီးခဲ့သည့် ဧပြီလက ဈေးကွက်မှာ စတင် ဖြန့်ချီလိုက်ပါတယ်။ အဆိုပါ ကုမဏ္ဍီမှ မြွေတံဆိပ် အမှတ်အသားဖြင့် ရေချိုးပြီး သို့မဟုတ် အိပ်ယာမ၀င်မီ လိမ်းသင့်သော အလှကုန် အမှုန့် အဖြစ် ကြော်ငြာလာခဲ့တာ တွေ့ရပါတယ်။

ကုမဏ္ဍီ ဥက္ကဌ ဖြစ်သူက အစပိုင်းမှာတော့ ထိုင်းလူမျိုးတွေက သူတို့ မျက်နှာပေါ်မှာ အမှုန့်တွေ လိမ်းရမှာကို ရွံ့တွန့်တွန့် ရှိခဲ့ကြပေမယ့် အခုအခါ ထိုင်းမှာ ဖက်ရှင်အသစ် လို ဖြစ်လာနေပြီလို့ဆိုပါတယ်။

တိုက်တိုက်ဆိုင်ဆိုင်ပင် "သနပ်ခါး" ဆိုသော အသံထွက်သည် ထိုင်း ဘာသာ ဖြင့် "မျက်နှာပေါ်လိမ်းခြယ်ခြင်း" ဟု အဓိပ္ပါယ်ရကြောင်း သိရပါတယ်။

ယခုအခါ အဆိုပါ ကုမ္ပဏီက အမေရိကန်ဒေါ်လာ ၅.၆၈ သန်း အကုန်အကျခံပြီး ဈေးကွက်မှာ ဖြန့်ဖြူးနေပြီ ဖြစ်ပါတယ်။ နောက်ပိုင်းတွင် သနပ်ခါး နဲ့ ဆက်စပ်တဲ့ အလှကုန် ပစ္စည်းများကို အိမ်နီးချင်း နိူင်ငံများသို့ တင်သွင်းဖို့ ရည်ရွယ်နေတယ်လို့ ဆိုပါတယ်။

နောက် ကုမဏ္ဍီတခု ဖြစ်တဲ့ Everyday Happy ကုမ္ပဏီ ကလည်း ဆပ်ပြာ တုံး မှသာ မျက်နှာ အောက်ခံ ဖေါင်ဒေးရှင်း အဖြစ် သနပ်ခါး ဓါတ် ပါဝင်တဲ့ အသားအရည် ဆိုင်ရာ အလှကုန် အား De Leaf Thanaka အဖြစ် အမည်တပ်ကာ ထုတ်လုပ်လာနေပါတယ်။

၂၀၁၆ မှာ ထိုင်းနိူင်ငံ ရှိ ဆူပါမားကက်ကြီးများ၊ ဆေးဆိုင်များ နဲ့ ကုန်စုံဆိုင်များမှ ၎င်းတို့ဆိုင်များပေါ် တင်သွင်း ရောင်းချလာနေကြပြီး ယခုနှစ်တွင် ရောင်းအား မနှစ်ကနှင့် ယှဉ်လျင် ၇၀% အထိ တိုးတက်လာလိမ့်မယ်လို့ မျှော်လင့်နေပါတယ်။

ထိုင်းနိူင်ငံ တွင် မြန်မာ အလုပ်သမားများက အခြားနိူင်ငံများကထက် ပိုမိုပြီး သွားရောက်လုပ်ကိုင်နေကြတာကြောင့် အခုလို ယဉ်ကျေးမှု အရ လွှမ်းမိုးနိူင်ခဲ့ခြင်း ဖြစ်တယ်လို့ မြန်မာ ပြည်ပ အလုပ်အကိုင် အေဂျင်စီများ အသင်း (MOEAF) က ဆိုပါတယ်။

ယခုလို အရှေ့တောင်အာရှ တွင် သနပ်ခါး ဈေးကွက် ထိုးဖေါက်တော့မည့် အလားအလာ ရှိနေသော်လည်း မြန်မာပြည်တွင်းတွင်မှု လူငယ်များက သနပ်ခါးကို ခေတ်မီ ပစ္စည်းအဖြစ် သဘောထား ခြင်း မရှိကြသဖြင့် ပြည်တွင်း ဈေးကွက် ဆုတ်ယုတ်နေတယ်လို့ အရှေ့တောင်အာရှ ရှိ နိူင်ငံ ၁၄ နိူင်ငံ ဈေးကွက်ကို လေ့လာနေတဲ့ ဂျပန် သတင်း ၀က်ဆိုက်ဒ် ဖြစ်တဲ့ TNC Asia Trend Website မှာ ဖေါ်ပြထားပါတယ်။ မြန်မာ အမျိုးသမီးများက မိတ်ကပ် အလှကုန် အတွက် တောင်ကိုရီယား အပါအ၀င် အခြားနိူင်ငံထွက် ပစ္စည်းများကို သုံးစွဲလေ့ရှိကြတယ်လို့ ဆိုပါတယ်။

ထိုင်း ရဲ့ De Leaf Thanaka အလှကုန် ပစ္စည်းများကို မြန်မာနိူင်ငံသို့ ပြန်လည်တင်သွင်းနေပြီး လာအို ဈေးကွက်မှာလည်း ဖြန့်ဖြူးတော့မယ်လို့ သိရပါတယ်။

မကြာသေးခင်ကမှ ဗီယက်နမ် သတင်းစာတစောင်မှ မြန်မာ့သနပ်ခါးအား Magic Powder အဖြစ် တင်စား ရေးသားထားတဲ့ ဆောင်းပါးတစောင် ထည့်သွင်း ဖေါ်ပြခဲ့တာလည်း တွေ့ရပါတယ်။

(ပုံတွင် သနပ်ခါး လိမ်းခြယ်ထားသော ထိုင်း အမျိုးသမီး တဦးအား တွေ့ရစဉ်)

ကိုးကား၊ ၊ "Traditional Myanmar Face Paste now cool in Thailand" from the Nikkei Asian Review

HSW
BrainWave ဉာဏ်လှိုင်း
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.