ပေါက်တောမြို့နယ်တွင် ရဲတပ်ဖွဲ့ဝင် အချင်းချင်း ပစ်ခတ်မှု ဖြစ်ပွား၍ တစ်ဦးဒဏ်ရာရ


နိရဉ္စရာ၊ ဇူလိုင် ၂၀

ရခိုင်ပြည်နယ် ပေါက်တောမြို့နယ် ဆင်အိုင်ကျေးရွာ တောင်ကျော်လမ်းအနီးတွင် ရဲတပ်ဖွဲ့ဝင် အချင်းချင်း ပစ်ခတ်မှုတစ်ခု ဖြစ်ပွားခဲ့သည်ဟု သတင်းရရှိသည်။

ပစ်ခတ်သူမှာ ပေါက်တောမြို့နယ် စစ်ကဲပြင် (ဘင်္ဂလီရွာ) လုံခြုံရေးစခန်းမှ
ဒုရဲအုပ် ဇာဇာမင်းဖြစ်ပြီး BA 94 သေနတ်ဖြင့် တစ်ချက် ပစ်ခတ်ခဲ့ခြင်းဖြစ်ပြီး အပစ်ခံရသူမှာ ရဲတပ်ကြပ် စန်းစန်းလင်းဖြစ်ပြီး သူ၏ ချက်အထက် ၀မ်းဗိုက်တွင် ဖောက်ဝင် ဒဏ်ရာ တစ်ချက် ရရှိခဲ့သည်ဟု သိရသည်။

“လုံခြုံရေးတပ်ဖွဲ့ ၁၂ က တပ်ဖွဲ့ဝင်တွေဖြစ်တာပါ။ ပေါက်တောမြို့နယ် အပိုင်တော့ ပေါက်တောအပိုင်ပါ၊ ဒါပေမယ့် ဖြစ်စဉ် အသေးစိတ်ကိုတော့ မသိရှိရပါဘူး။ ဒဏ်ရာ ရတဲ့သူကို မနေ့ကတည်းက စစ်တွေဆေးရုံကို ပို့လိုက်တယ်လို့ ကြားသိရပါတယ်”ဟု ပေါက်တောမြို့ မြို့မရဲစခန်းမှ ရဲအရာရှိတစ်ဦးက နိရဉ္စရာ သတင်းဌာနသို့ အတည်ပြုပြောကြားသည်။

ဖြစ်စဉ်မှာ လုံခြုံရေး ရဲတပ်ဖွဲ့ ၁၂ မှ စစ်ကဲပြင် လုံခြုံရေး ရဲကင်းတွင် တာဝန် ကျနေသော ဒုရဲအုပ် ဇာဇာမင်း အပါအ၀င် တပ်ဖွဲ့ဝင် ၃ ဦးသည် စစ်ကဲပြင်မှ ဆင်အိုင်ရွာသို့ နံနက် ၁၁ နာရီ ၃၀ မိနစ်အချိန်တွင် ရောက်ရှိ၍ ၄င်းမှ ပိန္နဲချောင်းကျေးရွာသို့ သွားရောက်ပြီး၊ ပိန္နဲချောင်းရွာမှအပြန် ၄ နာရီ ၄၀ မိနစ်အချိန်တွင် ဆင်အိုင်ကျေးရွာအနီး တောင်ကျော်လမ်းအရောက်၌ ဒုရဲအုပ် ဇာဇာမင်းနှင့် ရဲတပ်ကြပ် စန်းစန်းလင်းတို့ စကားများပြီး ပစ်ခတ်မှု ဖြစ်ပွားခဲ့ခြင်း ဖြစ်သည်ဟု ဒေသခံတစ်ဦးက ပြောသည်။

ပစ်ခတ်ခံရပြီး ဒဏ်ရာရရှိသွားသည့် ရဲတပ်ကြပ် စန်းစန်းလင်းအား ညနေ ၆ နာရီအချိန်တွင် စက်လှေတစ်စီးဖြင့် စစ်တွေဆေးရုံကြီးသို့ ပို့လိုက်သည်ဟု လေ့လာသိရှိရသည်။

စံမောင်သန်း၊ စစ်တွေ
Narinjara
https://www.facebook.com/Narinjara
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.