ပြည်သူလူထုဘက်သို့ မျက်နှာမူလာသင့်ပြီဖြစ်သော ကော်မရှင်များ


သရ၀ဏ်(ပြည်)

မြန်မာနိုင်ငံ အမျိုးသားလူ့အခွင့် အရေးကော်မရှင်က ၂၀၁၇ ဇူလိုင်လ ၁ ရက်နေ့တွင် ရှားရှားပါးပါးသတင်းထုတ်ပြန်မှုတစ်ခုလုပ်သည်။ သတင်းမီဒီယာသမားသုံးဦး ကို အရေးယူမှုဖြစ်စဉ်နှင့်ပါတ်သက်၍ ၎င်းတို့၏သတင်းရယူခွင့် ၊သတင်းလွတ်လပ်ခွင့် နှင့် ပြည်ထောင်စုငြိမ်းချမ်းရေး ကိုတစ်နိုင်ငံလုံး အတိုင်းအတာဖြင့် ဖော်ဆောင်နေသည့်အချိန်ကာလဖြစ်သည်ဆိုသည့်အချက်အား ထည့်သွင်းစဉ်းစားရန် အစိုးရနှင့်တပ်မတော်ကို တိုက်တွန်းကြောင်းကြေငြာချက်ထုတ်ပြန်ခဲ့ခြင်းဖြစ်သည် ။ တပ်မတော်နှင့်တစ်သားတည်းလိုဖြစ်နေခဲ့သော ကြံခိုင်ရေးပါတီ ဥက္ကဌဟောင်း သမ္မတ (ဟောင်း)ဦးသိန်းစိန်လက်ထက် ၂၀၁၁ စက်တင်ဘာ ၅ ရက်နေ့ တွင် စတင်ဖွဲ့စည်းခဲ့သော မြန်မာနိုင်ငံအမျိုးသားလူ့အခွင့်အရေးကော်မရှင်သည် ပထမဆုံးအကြိမ်အဖြစ် တပ်မတော်ကို ဝေဖန်တိုက်တွန်းထားသောကြေငြာချက်ထုတ်ပြန်ခဲ့ခြင်းဖြစ်သည် ။ ယခင်အခါများစွာကဆိုလျှင် လူ့အခွင်အရေးကော်မရှင်သည် အသက်ရှိပါရဲ့လားဟုထင်ရအောင်ပင် ကြီးမားသောကိစ္စများစွာကိုလစ်လျှူရှနေခဲ့တာများသည် ။ တပ်မတော်ကိုဝေဖန်ဖို့မဆိုထားနှင့် အစိုးရနှင့်တပ်မတော်လုပ်သမျှ ရောယောင် ခေါင်းညိတ်နေခဲ့သောကော်မရှင်ဖြစ်သည် ။ အလွတ်တန်းသတင်းထောက်ကိုပါကြီးတပ်မတော်ကထိမ်းသိမ်းထားစဉ်အသတ်ခံရသောအမှု ၊လက်ပန်းတောင်းတောင်မှတောင်သူ ဒေါ်ခင်ခင်ဝင်း သေနတ်ဖြင့်ပစ်ခံရ၍သေဆုံးမှု ၊ လက်ပန်းတောင်းတောင်သပိတ်စခန်းအကြမ်းဖက်ဖြိုခွင်းခံရမှု ၊ ကြံခိုင်ရေးနှင့်ဖွံဖြိုးရေးပါတီကို ညကြီးမင်းကြီး ရဲတပ်ဖွဲ့ဖြင့်ဝင်ရောက်စီးနင်းပြီး ဥက္ကဌ သူရရွှေမန်းကိုဖယ်ရှားမှု ၊ မဟာသန္တိသုခကျောင်းကိုညကြီးအချိန်မတော်ဝင်ရောက်စီးနင်းမှု ၊ ပြည်မြို့န၀ဒေးတံတားအောက်တွင်ဖြစ်ပွားသော လူသတ်မှုတွင်တရားခံကိုဖမ်းဆီးရမိပြီးမှ စစ်တပ်မှာ လာခေါ်သွားပြီးအမှုပိတ်သိမ်းပစ်လိုက်မှု ၊ အင်းဝအပ်ချုပ်ဆိုင် မိသားစုမှ အိမ်ဖော်ကောင်မလေးနှစ်ဦးအား ၅ နှစ်ကြာနှိပ်စက်ညှဉ်းပန်းမှု ၊ ဖားကန့်တွင်မြေစာပုံပြိုကျသဖြင့် ရေမဆေးကျောက်ရှာသူများမြေစာပုံပိ၍သေဆုံးရမှု စသည့်ဖြစ်ရပ်များစွာတွင် မြန်မာနိုင်ငံအမျိုးသားလူ့ အခွင့်အရေးကော်မရှင်သည် ဘာတစ်ခွန်းမှ စကားမေး၍မရပဲ နှုတ်ပိတ်ဆွံ့အနေခဲ့ကြပါသည် ။ တိုင်းပြည်နှင့် လူမျိုး၏ လစာရိက္ခာနှင့်အဆောင်အယောင်များကို အဆင့်မြင့်မြင့်ခံစားသုံးဆောင်ရယူနေသူများ၏ တိုင်းပြန်အတွက်ပြန်လည်လုပ်ကျွေးတုန့် ပြန်မှုမှာ အံ့သြစရာကောင်းလောက်အောင်နုံခြာလွန်းပါသည် ။ ထိုအတွက် အင်းဝအပ်ချုပ်ဆိုင်အမှုတွင်လည်း လူ့ အခွင့်အရေးကော်မရှင်ဖြစ်ပါလျက် ငွေသိန်းငါးဆယ်နှင့် အလျော်ပေးသည်ကိုလက်ခံရန်ကြားပွဲစားလုပ်ခဲ့မှုဖြင့် ပြည်သူလူထု၏ဝေဖန်မှု အမြင့်ဆုံးအချိန်သို့ေ၇ာက်လာခဲ့ပါသည် ။ ထိုအခါမှ ဆေးမြီးတိုကုထုံးအဖြစ် နိုင်ငံတော်သမ္မတရုံးမှကြေငြာချက်အမှတ် ၅၆/၂၀၁၆ ဖြင့် ဦးဇော်ဝင်း၊ဒေါက်တာဥာဏ်ဇော် ၊ ဒေါက်တာသန်းနွယ် ၊ ဒေါ့်မြမြတို့ လေးဦးအား မိမိဆန္ဒအရနှုတ်ထွက်ခွင့်ပြုကြောင်းကြေငြာခဲ့ပါသည် ။အမှန်မှာတော့ ပြုတ်တော့မှာမို့ ကိုယ့်ဘာသာထွက်ခြင်းဖြစ်သည် ။

။ မြန်မာနိုင်ငံလူ့အခွင့်အရေးကော်မရှင်ဥပဒေ အခန်း (၉) ပုဒ်မ ၆၂ တွင် “ဤဥပဒေအရပေးအပ်ထားသောတာဝန်နှင့် လုပ်ပိုင်ခွင့်များကို သဘောရိုးဖြင့်ဆောင်ရွက်ခြင်း ၊ဆောင်ရွက်ရန်ပျက်ကွက်ခြင်း၊ သဘောထားမှတ်ချက်ပေးခြင်း ၊ သို့ မဟုတ် ထင်မြင်ချက်ပေးခြင်း တို့အတွက်ကော်မရှင်ကိုဖြစ်စေ ၊ကော်မရှင်အဖွဲ့ဝင်ကိုဖြစ်စေ ၊ကော်မရှင်ကတာဝန်ပေးအပ်ခြင်းခံရသူကိုဖြစ်စေ ပြစ်မှုကြောင်းအရသော်လည်းကောင်း၊ တရားမကြောင်းအရသော်လည်းကောင်း တရားစွဲဆိုခြင်းမပြုရ “ လို့ပါရှိပေ၏။ ထို့ကြောင့်ပင် ဦးဇော်ဝင်းတို့ လွှတ်တော်တွင်လာရောက်ရှင်းလင်းခဲ့စဉ်က သဘောရိုးဖြင့်ဆောင်ရွက်ခဲ့တာပါ ။သဘောရိုးပါ ဆိုသည်ကိုအကြိမ်ကြိမ်ပြောနေခဲ့ခြင်းဖြစ်သည်။ဥပဒေအရ သဘောရိုးဖြင့်လုပ်ဆောင်သည့်ကိစ္စဆိုလျှင်လွတ်စေဟုပြဌာန်းထားခြင်းကြောင့် သဘောရိုးကိုတါင်တွင်သုံးသွားကြပေသည် ။သို့ သော် သဘောရိုးဟုတ်သလား မဟုတ်သလားဆိုသည်မှာ ပါးစပ်ပြောတစ်ခုနဲ့တင်မလုံလောက်ချေ ။ တရားစွဲဆိုပြီးတ၇ားရုံး (သို့မဟုတ်)ဖွဲ့ စည်းပုံအခြေခံဥပဒေ ခုံရုံးက ဆုံးဖြတ်ရမှာဖြစ်သည် ။ ထားတော့ထိုကိစ္စလည်းတောင်လိုလိုမြောက်လိုလိုဖြင့်ပြီးစီးသွားခဲ့ပြီဖြစ်၏ ။ ဤသို့ အစဉ်အမြဲ အစိုးရနှင့်တသားတည်းလိုလို ၊ တပ်မတော် ကိုထောက်ပြဝေဖန်ဖို့  သူတို့တာဝန်မရှိသလိုလို အမြဲတမ်းဆင်ဝှေ့ရန်ရှောင်လုပ်ခဲ့သော အမျိုးသားလူ့အခွင့်အရေးကော်မရှင်သည် ယခုတော့ DVB သတင်းထောက် ၊ ဧရာဝတီသတင်းထောက်တို့ TNLA အဖွဲ့ကကျင်းပသော မူးယစ်ဆေးဝါး ဖျက်ဆီးသည့်အခမ်းအနားတက်ရောက်ခဲ့မှုအတွက် တပ်မတော်က ဖမ်းဆီးခဲ့သည့်အမှုတွင် ရှားရှားပါးပါး တရားဝင်ဝေဖန်ချက်ထုတ်ပြန်ခဲ့ခြင်းမှာ တိုးတက်မှုတစ်ခုဖြစ်သည် ။ တကယ်တော့ လူ့အခွင့်အရေးကော်မရှင်ဆိုသည်မှာ မည်သည့်အခြေအနေတွင်မဆို လူ့ အခွင့်အရေးဘက်ကပဲမားမားမတ်မတ်ရပ်တည်ရမည်ဖြစ်သည် ။ မည်သည့်အကြောင်းအရာမဆို လူ့ အခွင့်အရေးရှုထောင့်ကပဲ ချဉ်းကပ်ရှုမြင်ရမည်ဖြစ်သည် ။ စစ်တပ်ဖြစ်စေ ၊ အစိုးရဖြစ်စေ ၊တိုင်းရင်းသားလက်နက်ကိုင်အဖွဲ့ ဖြစ်စေ မည်သည့်အာဏာပိုင်အဖွဲ့ဖြစ်စေ လူ့အခွင့်အရေးချိုးဖောက်နေတာရှိရင် ပြတ်ပြတ်သားသားရဲရဲဝံ့ ဝံ့ထောက်ပြဝေဖန်ရမည်ဖြစ်သည် ။ ဒီအလုပ်လုပ်ဖို့ နိုင်ငံတော်က လစာရိက္ခာနှင့်အဆောင်အယောင်များပေးအပ်ထားခြင်းဖြစ်သည် ။ ထို့ကြောင့် လူ့အခွင့်အရေးကော်မရှင်၏ အနာဂါတ်တွင်လုပ်ဆောင်ချက်အားလုံးသည် ပြည်သူလူထုကိုမျက်နှာမူသော ၊ လူ့အခွင့်အရေး စံချိန်စံညွှန်းများအတိုင်းရပ်တည်သော ကော်မ၇ှင်ဖြစ်ပါစေဟုဆုတောင်းမိပေသည် ။ တတ်နိုင်လျှင်အစိုးရသည်သမ္မတဟောင်းဦးသိန်းစိန် ချမတ်ဖွဲ့စည်းပေးခဲ့သော အဖွဲ့ဝင် ၁၁ ဦးပါ လူဟောင်းများနေရာတွင် ပို၍လုပ်ရည်ကိုင်ရည်ရှိမည့် လူသစ်များဖြင့် ပြင်ဆင်ဖွဲ့စည်းသင့်ပါသည် ။

လူ့အခွင့်အရေးကော်မရှင်ကိုပြောသော် နောက်ထပ် ပြောရဦးမည့်ကော်မရှင်တစ်ခုကပေါ်လာပြန်သည် ။ ထိုအဖွဲ့သည်နည်း နိုင်ငံတော်ကထောက်ပံ့သည့်မနည်းမနောသော လစာနှင့်အခွင့်အရေးများကိုရရှိခံစားနေကြသောအဖွဲ့ ဖြစ်သည် ။ သူတို့ကတော့ အဂတိလိုက်စားမှုတိုက်ဖျက်ရေးကော်မရှင်ဖြစ်သည် ။ဤကော်မရှင်သည်လည်း သမ္မတဟောင်းဦးသိန်းစိန်လက်ထက် ၂၀၁၄ ဖေဖော်ဝါရီ ၂၅ တွင် အဖွဲ့ဝင် ၁၅ ဦးဖြင့်ဖွဲ့စည်းခဲ့ခြင်းဖြစ်သည် ။ အနှေးပြိုင်သလို မြန်မာနိုင်ငံလူ့အခွင့်အရေးကော်မရှင်နှင့်အပြိုင် အလုပ်မယ်မယ်ရရ လုပ်မပြနိုင်သောအဖွဲ့ ဖြစ်သည် ။ စာရွက်ပေါ်မှာသာအာဏာရှိပြီး လက်တွေ့ တွင်ဘာမှထိထိရောက်မလုပ်နိုင်သော ကော်မရှင်ဖြစ်သည် ။ ကော်မရှင်တွင်ပါဝင်သူအများစုမှာ တပ်မတော်မှအရရှိဟောင်းများဖြစ်နေခြင်းကလည်း အဓိကအားနည်းချက်ကိုဖြစ်ပေါ်စေသည် ။ အဘယ့်ကြောင့်ဆိုသော် တပ်မတော်သည် အထက်အောက်ရာထူးအဆင့်ဆင့် ကိုအလွန်ရိုသေလေးစားရသောအဖွဲ့ဖြစ်သည် ။ တပ်သားကတပ်ကြပ်ကို ပြန်မပြောရဲ ၊တပ်ကြပ်က တပ်ကြပ်ကြီးကိုစောဒကတက်ခွင့်မရှိ ၊ တပ်ကြပ်ကြီးက အရာခံဗိုလ်ကို ၊ အရာခံဗိုလ်က ဗိုလ်ကို ၊ ဗိုလ်က ဗိုလ်ကြီးကို ၊ ဗိုလ်မှူးက ဗိုလ်ချုပ်ကို ၊ စသည်ဖြင့် အဆင့်ဆင့်လေးစားကြောက်ရွံကြရသော အဖွဲ့အစည်းဖြစ်သည် ။ တပ်မတော်မှထွက်လာပြီးအရပ်သားလောကသို့ ရောက်လာသောအခါတွင်လည်းထိုတပ်တွင်းရာထူးများ၏အရှိန်အ၀ါသည် အပြင်အထိပါလာပါသည် ။ ထိုအခါ ရာထူးနိမ့်ခဲ့သူသည် ရာထူးမြင့်နေသူအားအလိုလို လက်အောက်ငယ်သားသဖွယ်ဖြစ်နေပါတော့သည် ။ထို့ ကြောင့်တပ်မတော်သားဟောင်းများပါဝင်လာသောအဖွဲ့အစည်းများတွင် ရပ်ကွက်ဆွမ်းလောင်းသင်းမှသည် ဂေါပကအဖွဲ့အဆုံး အတွေ့ အကြုံနှင့်ကျွမ်းကျင်မှုကနောက်မှ တပ်တွင်းရာထူးအနိမ့်အမြင့်အရသာ အရပ်ဘက်အသင်းအဖွဲ့များတွင်လည်းရာထူးယူကြစမြဲဖြစ်သည် ။ တပ်ကြပ်ကြီးက ဥက္ကဌ ၊ ဗိုလ်မှူးက အဖွဲ့ဝင်အဖြစ် ဖွဲ့စည်းထားသော အရပ်ဘက်သာရေနာရေးအဖွဲ့  မရှိသလောက်ရှားပေလိမ့်မည် ။

ဆိုလိုသည်မှာ တပ်မတော်သားအရာရှိဟောင်းများနှင့်ဖွဲ့စည်းထားသည့် အဂတိလိုက်စားမှုတိုက်ဖျက်ရေးကော်မရှင်သည် သူတို့ထက်ရာထူးကြီးမားသော တပ်မတော်အရာရှိများကိုစုံစမ်းစစ်ဆေးစရာရှိလာခဲ့လျှင်တာဝန်ကြေပြွန်အောင်မဆောင်ရွက်နိုင်ဖို့များသည် ။ ဗိုလ်ချုပ်ကြီးစိုးဝင်းကိုယ်တိုင်ရေးခဲ့သောအတ္ထုပ္ဖတ္တိ ထဲတွင် အဂတိလိုက်စားမုတစ်ခုကိုလိုက်လံစုံစမ်းရာ နောက်ဆုံးတွင်အလေးပြုပြီးပြန်လာခဲ့ရသည်ဟုပါရှိပေသည် ။ ထို့ ကြောင့်ဖြစ်နိုင်လျှင် အဂတိလိုက်စားမှုတိုက်ဖျက်ရေးကော်မရှင်တွင်ရော ၊ လူ့ အခွင့်အရေးကော်မရှင်တွင်ရော တပ်မတော်သားများကိုထည့်သွင်းတာဝန်ပေးခြင်း မပြုစေလိုပါ ။ မည်သည့်သြဇာသက်ရောက်မှုမှမခံယူသော လွတ်လပ်၍နှောင်ကြိုးကင်းသည့်သူများကိုသာ ထည့်သွင်းဖွဲ့စည်းစေချင်သည် ။ သဘောမကျသောအချက်မှာ NLD အစိုးရတက်လာတာတစ်နှစ်ကျော်ခဲ့ပြီဖြစ်သော်လည်း ယခင်ကြံ့ခိုင်ရေး အစိုးရကထားရစ်ခဲ့သော ကော်မရှင်အဖွဲ့ဝင်များကိုသာ ဆက်လက်အသုံးပြုနေမှုဖြစ်သည် ။ အဂတိလိုက်စားမှုတွေ တင်းကြမ်းပြည့်နေသောမြန်မာနိုင်ငံဝယ် အဂတိလိုက်စားမှုတိုက်ဖျက်ရေးကော်မရှင်ကြောင့်ပေါ်လာခဲ့သောအမှုများမှာ အလွန်ကိုနည်းလွန်းပါသည် ။

အချုပ်အားဖြင့်ဆိုသော်မြန်မာနိုင်ငံတွင်ရှိသော အမျိုးသားလူ့အခွင့်အရေးကော်မရှင် ။ မြန်မာနိုင်ငံအဂတိလိုက်စားမှုတိုက်ဖျက်ရေးကော်မရှင်များက လူထုယုံကြည်အားထားစိတ်ချရသူများနှင့်ပြင်ဆင်ဖွဲ့စည်းပြီး လူထုဘက်သို့ မျက်နှာမူဖို့လိုပြီဖြစ်ပါကြောင်း။

သရ၀ဏ်(ပြည်)

သူရိယနေ၀န်းဂျာနယ်
၈.၇.၂၀၁၇

COMMENTS

Name

art,1,article,1294,cartoon variety,22,crime,63,culture,1,documentary,7,Entertainment,5,health,30,history,2,international,6958,interview,213,knowledge,7,Live,8,LocalNews,15068,news,2842,opinion,757,photos,202,poem,115,satires,38,song,12,speech,12,sports,132,statement,59,technic,52,translate,33,video,1065,voice,76,
ltr
item
dawnmanhon: ပြည်သူလူထုဘက်သို့ မျက်နှာမူလာသင့်ပြီဖြစ်သော ကော်မရှင်များ
ပြည်သူလူထုဘက်သို့ မျက်နှာမူလာသင့်ပြီဖြစ်သော ကော်မရှင်များ
https://3.bp.blogspot.com/-I0BHKwDne-Y/V_jOHtpDg4I/AAAAAAAB0aY/aPkDB6l1HKsBt0otP5Vhyfos9n83qHeyACLcB/s1600/humanright-commission.jpg
https://3.bp.blogspot.com/-I0BHKwDne-Y/V_jOHtpDg4I/AAAAAAAB0aY/aPkDB6l1HKsBt0otP5Vhyfos9n83qHeyACLcB/s72-c/humanright-commission.jpg
dawnmanhon
http://www.dawnmanhon.com/2017/07/blog-post_916.html
http://www.dawnmanhon.com/
http://www.dawnmanhon.com/
http://www.dawnmanhon.com/2017/07/blog-post_916.html
true
4976479704313592870
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share. STEP 2: Click the link you shared to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy