ရာသီတုပ်ကွေးရောဂါဖြစ်ပွားမှုကို ကပ်ရောဂါအဖြစ် မသတ်မှတ်



ပြည်သူ့ကျန်းမာရေးဦးစီးဌာန ဒုတိယညွှန်ကြားရေးမှူးချုပ် ဒေါက်တာသန်းထွန်းအောင်ကို ဇူလိုင်လ ၃၀ ရက်နေ့က ကျင်းပတဲ့ ရာသီတုပ်ကွေးရောဂါ ထိန်းချုပ်နိုင်ရေး လုပ်ငန်းညှိနှိုင်းအစည်းအဝေးမှာ တွေ့ရစဉ်။ Photo: Kaung Htet Kyaw/ RFA
ရာသီတုပ်ကွေး A(H1N1) ရောဂါပာာ သာမန်ထက်ထူးကဲတဲ့ အခြေအနေပဲ ရှိတာကြောင့် ကပ်ရောဂါအဖြစ် မသတ်မှတ်ကြောင်း ပြည်သူ့ကျန်းမာရေးဦးစီးဌာန ဒုတိယညွှန်ကြားရေးမှူးချုပ် ဒေါက်တာသန်းထွန်းအောင် က ပြောပါတယ်။

ဒီနေ့ ရန်ကုန်မြို့ လမ်းမတော်မြို့နယ်က ပြည်သူ့ကျန်းမာရေးတက္ကသိုလ်မှာ ကျင်းပတဲ့ ရာသီတုပ်ကွေးရောဂါ ထိန်းချုပ်နိုင်ရေး လုပ်ငန်းညှိနှိုင်းအစည်းအဝေးအပြီးမှာ  ပြည်သူ့ကျန်းမာရေးဦးစီးဌာန ဒုတိယညွှန်ကြားရေးမှူး ချုပ် ဒေါက်တာ သန်းထွန်းအောင်က ပြောတာဖြစ်ပါတယ်။

ရာသီတုပ်ကွေးရောဂါနဲ့ ဒီနေ့မနက်မှာ သေဆုံးသူ ၂ ဦး ရှိပြီး ပြီးခဲ့တဲ့ ဇူလိုင်လ ၂၁ ရက်နေ့ကနေ ဒီနေ့အထိ သေဆုံးသူ ၉ ဦး ရှိနေပြီဖြစ်ပါတယ်။ ရောဂါပိုးတွေ့ရှိ သူ ၄၈ ဦးနဲ့ သံသယရှိလူနာ ၁၃၈ ဦးရှိတယ်လို့ သိရပါတယ်။

သေဆုံးသူတွေဟာ ရန်ကုန်၊ ဧရာဝတီ ၊ နေပြည်တော်၊ ချင်း၊ ပဲခူး၊ တနသာင်္ရီ စတဲ့ တိုင်းနဲ့ ပြည်နယ်တွေ က ဖြစ်ပါတယ်။

H1N1 တုပ်ကွေးရောဂါနဲ့ပတ်သက်တဲ့ ညှိနှိုင်းအစည်းအဝေးကို ကျန်းမာရေးနဲ့အားကစားဝန်ကြီးဌာန ပြည်ထောင်စု ၀န်ကြီး ဒေါက်တာ မြင့်ထွေး၊ ကမ္ဘာ့ ကျန်းမာရေးအဖွဲ့အစည်း(WHO) တာဝန်ရှိသူတွေ၊ ရန်ကုန်တိုင်းဒေသကြီး အစိုးရအဖွဲ့က ကရင်တိုင်းရင်းသားလူမျိုးရေးရာဝန်ကြီး နော်ပန်းသဉ္ဇာမျိုး၊ ကုသရေး ဦးစီးဌာနက တာဝန်ရှိ သူတွေနဲ့ ဆေးရုံအုပ်ကြီးတွေ တက်ရောက်ခဲ့ပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.