တရုတ် မြောက်ကိုရီယား ကုန်သွယ်ရေးတိုး


ပြီးခဲ့တဲ့နှစ်နဲ့ယှဉ်ရင် ဒီနှစ် ၂၀၁၇ ပထမ ၆ လအတွင်း မြောက်ကိုရီးယားနဲ့ ကုန်သွယ်မှုမှာ တိုးတက်မှုတွေ ရှိခဲ့ကြောင်း တရုတ်နိုင်ငံက ပြောဆိုလိုက်ပါတယ်။ နိုင်ငံတကာက ၀ိုင်းပယ်ခံထားရတဲ့ မြောက်ကိုရီးယားနဲ့ ကုန်သွယ်မှုမှာ ၂၀၁၇ ဇန်န၀ါရီလကနေ ဇွန်လအထိ သန်းပေါင်း ၂၅၀၀ ရှိခဲ့ပြီး၊ ၁၀.၅ ရာခိုင်နှုန်းအထိ တိုးလာခဲ့သလို၊ တင်ပို့ကုန်ပမာဏဟာလည်း ၂၉.၁ ရာခိုင်နှုန်း တိုးခဲ့ကြောင်း တရုတ်နိုင်ငံ အကောက်ခွန်ဌာနက ဒီကနေ့ပဲ ထုတ်ပြန်ကြေညာလိုက်တာပါ။

နောက်ဆုံးထွက်ပေါ်လာတဲ့ ကိန်းဂဏန်းတွေကြောင့် မြောက်ကိုရီးယားရဲ့ နျူကလီးယားနဲ့ မစ်ဇိုင်းဒုံး စမ်းသပ်မှုတွေကို ထိန်းချုပ်ဖို့ အဓိကမဟာမိတ်ဖြစ်တဲ့ တရုတ်နိုင်ငံအပေါ် ဖိအားပေးမှုတွေ ပိုတိုးလာမယ့် အလားအလာတွေလည်း ရှိနေပါတယ်။ တရုတ်နိုင်ငံဟာ မြောက်ကိုရီးယားနဲ့ ကုန်သွယ်မှုမှာ ဒီနှစ် ၃ လပတ်အတွင်း ၄၀ ရာခိုင်နှုန်းလောက် တိုးလာတယ်ဆိုပြီး အမေရိကန်သမ္မတ Donald Trump ပြီးခဲ့တဲ့ သီတင်းပတ်ထဲမှာပဲ Twiteer လူမှုကွန်ယက်ကနေ ဝေဖန်ထားတာပါ။

အမေရိကန်အနေနဲ့ ကြိုးစားကြည့်ခဲ့ပေမဲ့လည်း တရုတ်နိုင်ငံဘက်က ပူးပေါင်းဆောင်ရွက်မှု မရှိဘူးဆိုပြီးတော့လည်း Twitter မှတ်ချက်မှာ မကျေမနပ် ရေးသားခဲ့ပါတယ်။ တရုတ်အကောက်ခွန်ဌာန ပြောခွင့်ရသူ Huang Songping ကတော့ တရုတ်နိုင်ငံ အနေနဲ့ မြောက်ကိုရီးယားအပေါ် ကုလသမဂ္ဂရဲ့ ပိတ်ဆို့ဒဏ်ခတ်မှုတွေကို ဆက်လက်လိုက်နာနေဆဲ ဖြစ်ကြောင်းနဲ့ ဒီနှစ်ရဲ့ ပထမ ၆ လအတွင်း မြောက်ကိုရီုးယားက တင်ပို့ကုန်ပမာဏဟာ ၁၃.၂ ရာခိုင်နှုန်း ကျဆင်းသွားခဲ့သလို၊ မတ်လကစလို့ သိသိသာသာ ကျဆင်းမှုတွေ ရှိခဲ့ကြောင်းလည်း ပြောဆိုခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.