IS ခေါင်းဆောင်ကို သုတ်သင်မယ့်အစီအစဉ် New York Times ဖျက်ဆီးကြောင်း သမ္မတ ထရမ့်ပ်ဝေဖန်


IS အစ္စလာမ်မစ် စစ်သွေးကြွအဖွဲ့ရဲ့ခေါင်းဆောင် Abu Bakr al-Baghdadi ကို သုတ်သင် သတ်ဖြတ်မယ့် အစီအစဉ် ပျက်သွားအောင် ရေးသား ဖော်ပြခဲ့တယ်ဆိုပြီး The New York Times သတင်းစာကို သမ္မတ Donald Trump က စနေနေ့မှာ Twitter လူမှုကွန်ယက်က တဆင့် ဝေဖန်လိုက်ပါတယ်။

Baghdadi ကို လုပ်ကြံမယ့်အစီအစဉ် ပျက်သွားအောင် New York Times သတင်းစာက ဘယ်လို ရေးသားလိုက်တယ်ဆိုတာနဲ့ ပတ်သက်လို့တော့ သမ္မတ Trump ကရှင်းလင်း ပြောကြားထားခြင်း မရှိပါဘူး။ ဒါပေမယ့် သတင်းပေါက်ကြားမှုတွေ ရှိခဲ့ကြောင်း Fox သတင်း ဌာနရဲ့ အသံလွှင့် အစီအစဉ်တခုမှာ ပြောကြားပြီး မိနစ်ပိုင်းအတွင်းမှာ သမ္မတ Trump က အဲဒီလို Twitter ကနေ ရေးသားလိုက်တာ ဖြစ်ပါတယ်။

ဒီအတောအတွင်း သမ္မတ Trump ရဲ့ Twitter မှာ ရေးသားမှုနဲ့ ပတ်သက်လို့ အသေးစိတ် ရှင်းလင်းချက်ပေးဖို့ သမ္မတအိမ်ဖြူတော်ကို သူတို့အနေနဲ့ တောင်းဆိုထားကြောင်း ၀ါရှင်တန်အခြေစိုက် Politico သတင်းဌာနကို New York Times သတင်းစာရဲ့ပြောခွင့်ရက ထုတ်ပြန်ချက် ပေးပို့ခဲ့တယ်လို့ ဆိုပါတယ်။

သမ္မတ Trump က ဘယ်သတင်းကို ရည်ညွန်း ပြောဆိုတယ်ဆိုတာ တိတိကျကျ မသိရသေးပါဘူး။ ဒါပေမယ့် Baghdadi ဟာ အသက်ရှင်လျက် ရှိနေသေးကြောင်း ကာကွယ်ရေးဝန်ကြီး James Mattis က သတင်းထောက်တွေကို ပြောကြားခဲ့တယ်လို့ New York Times သတင်းစာမှာ သောကြာနေ့က ဖော်ပြထားပါတယ်။

၂၀၁၄ ခုနှစ်က Mosul မြို့မှာ နောက်ဆုံး တွေ့လိုက်ရပြီးတဲ့နောက် အများမြင်ကွင်းကနေ ပျောက်ကွယ်သွားတဲ့ Baghdadi အတွက် အမေရိကန်က ဆုငွေ ဒေါ်လာ ၂၅ သန်း ထုတ်ထားတာ ဖြစ်ပါတယ်။

ဗွီအိုအေ (မြန်မာဌာန)
https://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.