RCSS နှင့် TNLA တိုက်ပွဲကြောင့် စစ်ရှောင်ပြည်သူ ၃၀၀ကျော် နမ္မတူမြို့ပေါ်သို့ ရောက်ရှိလာ


ရှမ်းပြည်နယ်မြောက်ပိုင်း၊ နမ္မတူမြို့နယ်တွင် တအာင်းလက်နက်ကိုင်အဖွဲ့ ( TNLA )နှင့် ရှမ်းပြည်ပြန်လည်ထူထောင်ရေးကောင်စီ( RCSS) တို့အကြားဖြစ်ပွားခဲ့သည့် တိုက်ပွဲများကြောင့် ဒေသခံပြည်သူ ၃၀၀ ကျော်မှာ နမ္မတူမြို့ ပုဗ္ဗါရုံကျောင်းတိုက်သို့ လာရောက် ခိုလှုံနေရကြောင်း နမ္မတူမြို့ခံတစ်ဦးက ဇူလိုင်လ ၄ ရက် ညနေပိုင်းတွင် AHN သို့ပြောသည်။

၂၀၁၇ ခုနှစ် ဇူလိုင်လ ၄ ရက် ၊ နံနက် (၁၀း၅၅)မှ(၁၂း၀၀)နာရီအချိန်ထိ နမ္မတူမြို့နယ် လွယ်ပြေကျေးရွာအုပ်စု၊ ပန်ဆန်းကျေးရွာအနီးတွင် TNLA အဖွဲ့နှင့် RCSS တပ်ဖွဲ့တို့ နှစ်ဖက်ရင်ဆိုင်တိုက်ပွဲဖြစ်ပွားခဲ့ကြောင်း၊ တိုက်ပွဲသည် လုံးဝငြိမ်သက်သွားခြင်းမဟုတ်ဘဲ ညနေပိုင်းထိ ကြိုးကြားကြိုးကြား ဆက်ဖြစ်နေဆဲဖြစ်ကြောင်း၊ နှစ်ဖက်ထိခိုက်ကျဆုံးမှုမသိရသေးကြောင်း TNLA အဖွဲ့က သတင်းထုတ်ပြန်သည်။

“တအာင်း( ပလောင်) တိုင်းရင်းသားတွေ အများဆုံးနေထိုင်တဲ့ ကျေးရွာ ၆ ရွာက ဒေသခံပြည်သူတွေ စစ်ရှောင်လာတာပါ။ ဒီနေ့( ဇူလိုင်၎) ည၈ နာရီထိ ရောက်ရှိလာတဲ့ စစ်ရှောင်ပြည်သူ ၃၃၂ ဦးရှိပါတယ်။ နမ္မတူမြို့ ၊ ရပ်ကွက် ၈ မှာရှိတဲ့ ၊ပုဗ္ဗါရုံဘုန်းကြီးကျောင်းမှာ စစ်ရှောင်စခန်းဖွင့်ပြီးထားထားပါတယ်။ စစ်ရှောင်စခန်းကို မလာဘဲ သက်ဆိုင်ရာ ဆွေမျိုးတွေဆီမှာ သွားနေတဲ့သူက ၆၀ လောက်ရှိပါတယ်။ တချို့ဆိုင်ကယ်နဲ့လာတယ်။ တချို့ လမ်းလျှောက်လာတယ်။ မနက်ဖြန် မှာ တော့ မေတ္တာဖောင်ဒေးရှင်းက လာရောက်လှူဒါန်းမယ်လို့သိရပါတယ်။ လောလောဆယ်တော့ မခက် အခဲ မရှိပါဘူး။ ရက်ရှည်လာမယ်၊ စစ်ရှောင်ပြည်သူတွေများလာမယ်ဆိုရင်တော့အခက်အခဲရှိနိုင်ပါတယ်။ နမ္မတူမြို့ပေါ်မှာ အရင် တစ်နှစ်လောက်ကတည်းက ရောက်ရှိနေတဲ့ စစ်ရှောင်ပြည်သူ ၅၀၀ လောက်လည်းရှိနေပါသေးတယ်။” ဟု နမ္မတူမြို့ရှိ၊မြို့နယ်စစ်ရှောင်ပြည်သူများအားကူညီထောက်ပံ့ပေးရေးကော်မတီအတွင်းရေးမှူး ဦးအောင်ဆန်းမြင့်ကပြောသည်။

တိုက်ပွဲဖြစ်ပွားသည့်အခြေအနေနှင့်ပတ်သက်၍ RCSS အဖွဲ့ထံဆက်သွယ်မေးမြန်းသော်လည်း ဆက်သွယ်၍မရခဲ့ပေ။

ချမ်းမြမြငြိမ်း( AHN = N -SHAN)

PHOTO- PHYU SIN LINN
The Asia Heart News
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.