Texas ပြည်နယ်မှာ လူမှောင်ခိုကူးခံရသူ ၈ ဦး သေဆုံး


အမေရိကန်ပြည်ထောင်စု တောင်ပိုင်း Texas ပြည်နယ်မှာ ထရပ်ကားတစီးရဲ့ နောက်တွဲယာဉ်အတွင်း သေဆုံးနေသူ ၈ ဦး ရဲ့ အလောင်းတွေကို တွေ့ရှိခဲ့ရကြောင်း ရဲတပ်ဖွဲ့ကပြောဆိုပါတယ်။ ဒါဟာဆိုရင် ရွှေ့ပြောင်းနေထိုင်သူ တွေကို မှောင်ခို သွင်းနေရာမှာ ဆိုးရွားတဲ့ ဖြစ်စဉ်တခုလို့ ရဲကပြောပါတယ်။

ကျောင်းနေတဲ့ အရွယ် ကလေး ၂ ယောက် အပါအ၀င် အနည်းဆုံး လူပေါင်း ၂၈ ယောက်ကို ကယ်တင် နိုင်ခဲ့ပြီး တနင်္ဂနွေနေ့ စောစောပိုင်းမှာ ဆေးရုံတင်ထားရကြောင်း San Antonio ရဲမင်းကြီး William McManus က ပြောပါတယ်။ အဲဒီအထဲက လူပေါင်း ၂၀ ဟာ စိုးရိမ်ရတဲ့ အနေအထားမှာ ရှိနေတယ်လို့ ဆိုပါတယ်။

ဒါဟာ လူမှောင်ခိုကူးတဲ့ ရာဇ၀တ်မှု ဖြစ်ကြောင်း ရဲမင်းကြီး McManus က ပြောပါတယ်။

စနေနေ့မှာ San Antonio မြို့ အပူချိန်ဟာ ၃၈ ဒီဂရီ ဆယ်လ်စီရပ်စ် ရှိနေပြီး၊ ဒီလူတွေဟာ နောက်ထပ် တညသာ ယာဉ်နောက်တွဲ ထဲမှာ ဆက်နေရမယ်ဆိုရင် အသက်ရှင်ကျန်သူ တယောက်မှ ရှိနိုင်မှာ မဟုတ်ကြောင်း ဆန်အန်တိုနီယို မီးသတ်တပ်ဖွဲ့ရဲ့ အကြီးအကဲ Charles Hood ကပြောပါတယ်။

ထရပ်ကား ယာဉ်မောင်းကို ဖမ်းဆီးထားကြောင်း Hood က ပြောပါတယ်။ ဒါပေမဲ့ ယာဉ်မောင်းသူဟာ ဘယ်သူဘယ်ဝါ ဖြစ်တယ်ဆိုတာ ကိုတော့ ရဲတပ်ဖွဲ့က ထုတ်ဖေါ်မပြောသလို၊ ထိခိုက် သေဆုံးသူတွေဟာ ဘယ်နိုင်ငံသားတွေ ဖြစ်တယ် ဆိုတာကိုလည်း မပြောပါဘူး။

 ဗွီအိုအေ (မြန်မာပိုင်း)
https://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.