မြန်မာကိုဝေဖန်တဲ့ YangHee Lee ကို မြောက်ကိုရီးယားရှုတ်ချ



မြန်မာပြည်ဆိုင်ရာ ကုလလူ့အခွင့်အရေး အထူးကိုယ်စားလှယ် Yanghee lee
မြန်မာနိုင်ငံ လူ့အခွင့်အရေး အခြေအနေနဲ့ပတ်သက်ပြီး ကုလသမဂ္ဂ အထူးကိုယ်စားလှယ် ဒေါက်တာယန်ဟီးလီက မကြာသေးခင်ကပဲ ဝေဖန် ပြောဆိုခဲ့တဲ့အပေါ် မြောက်ကိုရီးယား နိုင်ငံခြားရေးဌာန ပြောခွင့်ရ ပြစ်တင်ရှုတ်ချလိုက်ပါတယ်။

မြန်မာ့လူ့အခွင့်အရေး အခြေအနေနဲ့ပတ်သက်ပြီး ပါမောက္ခယန်ဟီးလီ ဝေဖန်ခဲ့တဲ့အပေါ် မှတ်ချက်ပေးဖို့ အစိုးရပိုင် ကိုရီးယား ဗဟိုသတင်းဌာန KCNA သတင်းထောက်တဦးက ဇူလိုင်လ ၂၈ ရက်နေ့မှာ မေးတာကို နိုင်ငံခြားရေးဌာနပြောခွင့်ရက ပြန်ဖြေခဲ့ တာပါ။ ကုလသမဂ္ဂဆိုင်ရာ အမေရိကန်သံအမတ်ကြီး Nikki Haley က မြန်မာနိုင်ငံအနေနဲ့ ကုလသမဂ္ဂလူ့အခွင့်အရေးကောင်စီရဲ့ အချက်အလက်ရှာဖွေရေးအဖွဲ့ကို လက်ခံသင့် တယ်လို့ ဇူလိုင်လ ၁၁ ရက်နေ့မှာ ပြောခဲ့ပြီးတဲ့နောက် ပါမောက္ခ ယန်ဟီးလီက ဝေဖန်ပြောဆိုတာဖြစ်တယ်လို့ မြောက်ကိုရီးယား နိုင်ငံခြားရေးဌာနပြောခွင့်ရက ချိတ်ဆက် ဖြေဆိုထားပါတယ်။ ဒါဟာ မြန်မာ နိုင်ငံရဲ့ ပြည်တွင်းရေးကို ပြောင်ကျကျ ၀င်စွက်လိုက်တာဖြစ်တယ်လို့လဲ ဆိုပါတယ်။

လူ့အခွင့်အရေးကိုကာကွယ်ဖို့ဆိုတဲ့ ခေါင်းစဉ်နဲ့ တခြားတိုင်းပြည်တွေရဲ့ ပြည်တွင်းရေးကို ၀င်စွက်ဖက်ဖို့ အမေရိကန်က လုပ်နေ တာတွေကို အထူးစုံစမ်းစစ်ဆေးရေးမှူးက ပူးပေါင်းလုပ်ဆောင်နေတယ်ဆိုတာ အခုတကြိမ် သူပြောတာတွေက သက်သေပြနေ တယ်လို့လဲ မြောက်ကိုရီးယားနိုင်ငံခြားရေးဌာန ပြောခွင့်ရကပြောပါတယ်။

ကုလသမဂ္ဂလူ့အခွင့်အရေးကောင်စီအပါအ၀င် နိုင်ငံတကာလူ့အခွင့်အရေးအဖွဲ့တွေက ပြည်တွင်းရေးမှာ ၀င်စွက်တာတွေကို မြောက်ကိုရီးယားအစိုးရက အခိုင်အမာရှုတ်ချ တဲ့အကြောင်း၊ ငြိမ်းချမ်းပြီး ဒီမိုကရေစီနည်းကျနိုင်ငံတခုကို တည်ဆောက်တာမှာ မြောက်ကိုရီးယားက တက်တက်ကြွကြွ အားပေးထောက်ခံသွားမယ့်အကြောင်း မြောက်ကိုရီးယားပြောခွင့်ရက ပြောထားပါတယ်။

VOA (မြန်မာပိုင်း)
https://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.