မန်တုံမြို့ အ၀င်အထွက်ပြန်ဖွင့်ပေး


မန်တုံမြို့ဝင် ဆိုင်းပုဒ်ကို တွေ့ရစဉ် Photo: Kan Thar/RFA
ရှမ်းပြည်နယ် မြောက်ပိုင်း ပလောင်ကိုယ်ပိုင်အုပ်ချုပ်ခွင့်ရဒေသ မန်တုံမြို့အနီးမှာ သြဂုတ် ၅ ရက်နေ့က တပ်မတော် ယာဉ်တန်း တိုက်ခိုက်ခံရပြီးနောက်ပိုင်း မန်တုံမြို့ အ၀င်အထွက်တွေကို ပိတ်ထားတာကို တပ်မတော်က ဒီကနေ့ မနက်ကစပြီး ပြန်ဖွင့်ပေးလိုက်ပါတယ်။

တပ်မတော်က မန်တုံမြို့ကို ၀င်ထွက်သွားလာခွင့် ၅ ရက်လောက် ပိတ်ထားခဲ့တာဖြစ်ပါတယ်။ မန်တုံမြို့ထဲမှာ ပိတ်မိနေခဲ့တဲ့ မော်တော်ယာဉ်တွေကို ပြန်ထွက်ခွင့်ပေးလိုက်တာဖြစ်ပေမယ့် ရှာဖွေစစ်ဆေးတာတွေ ဆက်ရှိနေတာကြောင့် လူအသွားအလာတော့ မရှိသေးဘူးလို့ မန်တုံမြို့မှာ နေထိုင်တဲ့ တအာင်းပလောင် အမျိုးသားပါတီ ဥက္ကဌ ဦးအိုက်မုန်းက ပြောပါတယ်။

"ဒီမနက်ပဲ လမ်းတော့ပွင့်တယ်လေ။ မန်တုံကနေ နမ္မတူ၊ လားရှိုးသွားလို့ရပြီ၊ ပြဿနာတက်ပြီးနောက်မှာ ကားတွေ လာပြီးတော့မှ အစီးရေ ၁၀၊ ၂၀ စုမိနေတယ်။ အဲဒီဟာတွေ သူတို့က ပြန်လွှတ်တာပဲ။ ကားတော့အလွှတ်ပဲ၊ လူတော့သွားသွားလာလာ မရှိသေးဘူး။ လူတော့မရှိသေးဘူးပေါ့။ လမ်းမှာစစ်တာကိုး။ ပလောင်တော့ ပိုဆိုး တာပေါ့လေ။ ပလောင်ဆိုရင်တော့ ဆိုင်ကယ်လည်းစစ်တယ်။ ကားလည်းအကုန်လုံးစစ်တာပဲ"

မန်တုံမြို့ ကို ၀င်ထွက်ခွင့် ပိတ်ထားတဲ့ ကာလအတွင်း တပ်မတော်က မြို့အတွင်းမှာရှိတဲ့ နေအိမ်တွေကို ည အချိန်တွေမှာ ၀င်ရောက်စစ်ဆေးတာတွေရှိခဲ့ပြီး မနေ့ညကလည်း ဒေသခံ ၁၀ ယောက်ကျော်ကို တပ်မတော်က ဖမ်းဆီးထားတယ်လို့လည်း ဒေသခံတွေက ပြောပါတယ်။

အဲဒီကိစ္စနဲ့ ပတ်သက်ပြီး ပလောင်ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့က ရှမ်းပြည်နယ် လုံခြုံရေးနဲ့ နယ်စပ်ရေးရာ ၀န်ကြီးနဲ့ ဖုန်းဆက်ပြောဆိုခဲ့ပြီး ၀န်ကြီးက တပ်မတော်နဲ့ ညှိနှိုင်းပေးမယ်ဆိုပြီး အကြောင်းပြန်ခဲ့တယ်လို့ ဒေသဦးစီး အဖွဲ့ဝင် ဦးသိန်းဇော်က ပြောပါတယ်။

အဲဒီလို သတင်းထွက်နေတာနဲ့ ပတ်သက်ပြီး တပ်မတော်ဘက်က အတည်ပြုချက် မရပါဘူး။

သြဂုတ်လ ၅ ရက်နေ့က မန်တုံမြို့အနီးမှာ တပ်မတော်ယာဉ်တန်းကို လက်နက်ကိုင်တပ်ဖွဲ့တစ်ဖွဲ့က တိုက်ခိုက် ခဲ့ပြီးနောက်ပိုင်း မန်တုံမြို့ကို ပိတ်ဆို့ထားခဲ့တာဖြစ်ပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.