ပုသိမ်ကျောင်းသား ၇ ဦး အသရေဖျက်မှုနဲ့ အမှုပြန်ရင်ဆိုင်ရ



စစ်ပွဲအလိုမရှိကြောင်း ပြဇာတ်ကပြခဲ့တဲ့ ပုသိမ်မြို့က ကျောင်းသားတွေကို တွေ့ရစဉ်။ Photo: Aung Khant Zaw/ Facebook
တရားရှင်လွတ်မြောက်နေတဲ့ ဧရာဝတီတိုင်း ပုသိမ်မြို့ က ကျောင်းသား ၇ ဦးကို အသရေဖျက်မှုနဲ့ အမှုပြန်ရင်ဆိုင်ဖို့ ပုသိမ်ခရိုင်တရားရုံးက ဒီကနေ့ အမိန့်ချလိုက်ပါတယ်။

တရားလိုဘက်က ခရိုင်တရားရုံးကို ပြင်ဆင်ချက်တင်တဲ့အခါမှာ မြို့နယ်တရားရုံးကို တင်တဲ့အတိုင်းမဟုတ်ဘဲ အမှုကိုပြန်လည်ပြင်ဆင်ပြီး တင်ခဲ့တဲ့အတွက် တရားသူကြီးက စွဲချက်တင်သင့်တယ်ဆိုပြီး အမိန့်ပြန်ချခဲ့ တာဖြစ်တယ်လို့ တရားစွဲဆိုခံရတဲ့ ကိုအောင်ခန့်ဇော် က ပြောပါတယ်။

"တရားလိုက စစွဲဆိုတဲ့ ဦးတိုက်လျှောက်လွှာမှာကတည်းက ပြဇာတ်တစ်ခုလုံး မဟုတ်ဘဲနဲ့ ပြဇာတ် မှာပြောတဲ့ စကားလုံးတချို့ပေါ့၊ အဲစကားလုံးကြောင့်ဆိုပြီးတော့ စွဲချက်တင်ခဲ့တာဖြစ်တယ်၊ ဒါပေမဲ့ ဒီတရားလို ကိုယ်တိုင်ကပဲ  ခရိုင်ရုံးကို ပြင်ဆင်ချက်တင်တဲ့အခါမှာကျတော့ သူက ဒီအမှုကို ပြင်ဆင် ထားပြီးတော့ ဒီပြဇာတ်တစ်ခုလုံး ပူးပေါင်း ကကြတာဖြစ်တယ်ဆိုပြီးတော့ ကျန်တဲ့သူတွေပြောတဲ့ စကားလုံးအသုံးအနှုန်းတွေကိုပါထည့်ပြီးတော့ ပြင်ဆင်ချက်တင်တဲ့အခါမှာတော့ ခရိုင်တရားရုံး ကနေပြီးတော့ စွဲချက်ပြန်လည်တင်သင့်တယ်ဆိုပြီးတော့ အမိန့်ပြန်ချခဲ့တာဖြစ်တယ်၊ ၉ ဦးလုံး ပြန် ပြီးတော့ အမှုရင်ဆိုင်ရမယ်"

အနောက်တောင်တိုင်းစစ်ဌာနချုပ်က အသရေဖျက်မှုနဲ့ ကျောင်းသား ၉ဦးကို တရားစွဲဆိုထားတဲ့အမှုမှာ ပုသိမ်မြို့နယ် တရားရုံးက ကျောင်းသား ၇ ဦးကို တရားရှင်လွှတ်ပေးထားတာဖြစ်ပါတယ်။

ပြီးခဲ့တဲ့ မေလတုန်းက တရားလိုတင်ပြထားတဲ့ တရားစွဲဆိုရတဲ့ အဓိကအကြောင်းအရင်း စာသားတွေကို သရုပ်ဆောင်ခဲ့တဲ့ ကိုအောင်ခန့်ဇော်နဲ့ ကိုမြတ်သူထက်တို့ ၂ ဦးကိုသာ ပုသိမ်မြို့နယ်တရားရုံးက ပုဒ်မ ၅၀၀ နဲ့ ဆက်လက်စွဲချက်တင်ခဲ့ပြီး ကျန်တဲ့ ၇ ဦးကို တရားရှင်လွှတ်ပေးခဲ့တာ ဖြစ်ပါတယ်။  အခု ပြန်လည်ပြင်ဆင်ရာမှာ အဲဒီပြဇာတ်တစ်ခုလုံးမှာ ပြောဆိုခဲ့တဲ့ စကားလုံးအသုံးအနှုန်းတွေကို ထည့်သွင်းတင်ပြခဲ့တဲ့အတွက် တရားရှင်နဲ့ လွတ်မြောက်နေသူ ၇ ဦးလည်း အမှုပြန်ရင်ဆိုင်ရမှာဖြစ်ပါတယ်။

ပြီးခဲ့တဲ့ ဇန်န၀ါရီလ ၉ ရက်နေ့က ပုသိမ်ဟိုတယ်မှာ ကျင်းပခဲ့တဲ့ ငြိမ်းချမ်းရေးအလုပ်ရုံဆွေးနွေးပွဲမှာ စစ်ပွဲတွေ အလိုမရှိကြောင်း ပြဇာတ်ကပြဖျော်ဖြေခဲ့ရာမှာ သုံးနှုန်းတဲ့စကားလုံး အသုံးအနှုန်းတွေဟာ တပ်မတော်ကို ဂုဏ်သိက္ခာ ညှိုးနွမ်းစေတယ်ဆိုပြီး ဒုတိယဗိုလ်မှူးကြီး တစ်ဦးက တရားလိုလုပ်ကာ တရားစွဲထားတာ ဖြစ်ပါတယ်။

ဒါ့အပြင် အဲဒီပွဲကို လူမှုကွန်ရက်မှာ Live လွှင့်ခဲ့တဲ့ ဦးထွန်းထွန်းဦး ဆိုသူကို တရားလိုဘက်က ပုဒ်မ ၆၆ ဃ နဲ့ တရားစွဲဆိုထားတာကို ပုသိမ်မြို့နယ်တရားရုံးက အာမခံပေးထားတဲ့ကိစ္စနဲ့ ပတ်သက်ပြီးတော့လည်း အာမခံ မပေးသင့်ကြောင်း ခရိုင်တရားရုံးကို အယူခံဝင်ထားတာ ဖြစ်ပါတယ်။

အဲဒီကိစ္စနဲ့ပတ်သက်ပြီး အချက်အလက် မပြည့်စုံတာကြောင့် ခရိုင်တရားရုံးက အယူခံကို ပလပ်လိုက်တဲ့အတွက် မြို့နယ်တရားရုံး အမိန့်ချထားတဲ့အတိုင်း ဦးထွန်းထွန်းဦး က အာမခံဆက်လက်ရရှိခဲ့တယ်လို့လည်း ကိုအောင်ခန့်ဇော် က ပြောပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.