ဥရောပ ကြက်ဥတွေမှာ တားမြစ်ပိုးသတ်ဆေး ပါဝင်


ဥရောပတိုက်တ၀န်းမှာ ပိုးမွှားတွေပါပြီး မသန့်စင်တဲ့ကြက်ဥတွေ ပြန့်နှံ့နေတဲ့ကိစ္စ စုံစမ်းစစ်ဆေးနေတာမှာ နယ်သာလန်ရဲတပ်ဖွဲ့က လူ နှစ်ယောက်ကို ကြာသပတေးနေ့မှာ ဖမ်းလိုက်ပါတယ်။

တားမြစ်ထားတဲ့ ပိုးသတ်ဆေးတမျိုးကို မွေးမြူရေးခြံတခြံမှာ အသုံးပြုခဲ့တယ်ဆိုတဲ့စွဲချက်နဲ့ အမျိုးသားနှစ်ဦးကို နယ်သလန် အာဏာပိုင်တွေက ဖမ်းလိုက်တာပါ။ မွေးမြူရေးခြံအတော်များများကို ဘယ်လ်ဂျီယံနဲ့ နယ်သာလန် အာဏာပိုင်တွေပေါင်းပြီး ၀င်ရောက် ရှာဖွေတာတွေလုပ်ခဲ့ကြပါတယ်။ ဒါပေမဲ့လဲ ဘယ်ကုမ္ပဏီတွေကို ဦးတည်ပြီး လုပ်ဆောင်တာလဲဆိုတဲ့ အသေးစိတ်ကို တော့ အာဏာပိုင်တွေက မပြောပါဘူး။

လူတွေရဲ့ ကျောက်ကပ်၊ အသည်းနဲ့ သိုင်းရွိုက်အကျိတ်တွေကို ထိခိုက်စေတဲ့ Fipronil ဆိုတဲ့ ပိုးသတ်ဆေးကို တရားမ၀င် အသုံး ပြုတယ်ဆိုတဲ့အပေါ် ဥရောပနိုင်ငံတွေက ကြက်ဥ မွေးမြူထုတ်လုပ်သူ ဒါဇင်ပေါင်းများစွာ စုံစမ်း စစ်ဆေးခံနေရတာပါ။

အန္တရာယ်မကင်းတဲ့ ကြက်ဥတွေကြောင့် ကျန်းမာရေးထိခိုက်သွားသူ တယောက်မှ မရှိသေးပေမဲ့လဲ ဥရောပတိုက်တ၀န်းက ကုန်တိုက် ကြီးတွေကတော့ ကြက်ဥ သန်းပေါင်းများစွာကို သူတို့ဆိုင်တွေကနေ ဖယ်ထုတ်ပစ်ခဲ့ကြပြီးပါပြီ။

ဗြိတိန်၊ နယ်သာလန်၊ လူဇင်ဘတ်၊ စလိုဗက်ကီးယား၊ ဆွီဒင်၊ ဆွစ်ဇာလန်၊ ရိုမေးနီးယား၊ ပြင်သစ် စတဲ့ ဥရောပနိုင်ငံအသီးသီးကို ဒီ အန္တရာယ်ရှိတဲ့ကြက်ဥတွေ အရေအတွက်အများအပြား ရောက်သွားခဲ့တာဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.