မြောင်းမြမြို့တွင် ဖြစ်ပွားခဲ့သည့် လုယက်မှုကျူးလွန်သူများအား ဖမ်းဆီးရမိ


မြောင်းမြ သြဂုတ် ၁၄

မြောင်းမြမြို့ အမှတ်(၈)ရပ်ကွက် မြဂုဏ်ရည်လမ်းရှိ နေအိမ်တစ်ခုတွင် သြဂုတ် ၄ ရက် နံနက် ၁၁နာရီ မိနစ် ၂ဝ ခန့်က အမျိုးသမီးငယ်တစ်ဦးတည်း နေအိမ်၌ရှိနေစဉ် လူနှစ်ဦးက နေအိမ်တွင်းသို့ဝင်ရောက်၍ ဓားဖြင့်ထောက်ကာ လုယက်မှု ဖြစ်ပွားခဲ့ပြီး ဖြစ်စဉ်တွင် ပါဝင်သည့် ပြစ်မှုကျူးလွန်သူများကို သြဂုတ်၁၄ရက်က ဖမ်းဆီးရမိခဲ့ကြောင်း သိရသည်။

ဖြစ်စဉ်မှာ သြဂုတ် ၄ ရက်က မနှင်းဝင့်အောင်(၂ဝ နှစ်)မှာ မိဘများအလုပ်သွား သဖြင့် နေအိမ်တံခါးပိတ်ကာ နေအိမ်အနောက်ဘက်တွင် စာကြည့်နေစဉ် နှာခေါင်း စည်း အနက်များတပ်ဆင်ထားသည့် အမျိုးသားနှစ်ဦး ဝင်ရောက်လာပြီး ငွေကျပ် ၇၅ သိန်းနှင့် ဖုန်းနှစ်လုံးကိုယူဆောင်ကာ မနှင်းဝင့်အောင်အား အော်ရင်သတ်ပစ်မည် ဟု ခြိမ်းခြောက်ကာ အဆိုပါအမျိုးသားနှစ်ဦးအား အမျိုးသမီးတစ်ဦးက ဆိုင်ကယ်ဖြင့် ခေါ်ဆောင်သွားခဲ့သည့် ဖြစ်စဉ်ဖြစ်ပွားပြီးနောက် ၁ဝ ရက်အကြာ သြဂုတ် ၁၄ ရက်တွင် မြောင်းမြမြို့နယ်ရဲတပ်ဖွဲ့က ပြစ်မှုကျူးလွန်ခဲ့ကြသည့် ဟာစင်း၊ ဇင်ကြီးနှင့် ကြံရာပါ နှင်းရည်လွင်တို့ကို သက်သေခံပစ္စည်းများနှင့်အတူ ဖမ်းဆီးရမိ ခဲ့ကြောင်း သိရသည်။

ယင်းဖြစ်စဉ်နှင့် ပတ်သက်၍ မြောင်းမြမြို့မရဲစခန်းမှ ဟာစင်း(ခ) မောင်မင်းထက် (၁၈ နှစ်) အမှတ်(၁ဝ)ရပ်ကွက်နှင့် ဇနီးဖြစ်သူ နှင်းရည်လွင်(၁၈ နှစ်)နှင့် ဇင်ကြီး(ခ) ဘာဘူလေး(ခ) ဇင်သူ (၁၈ နှစ်)မရမ်းကုန်းရပ်ကွက်နေသူတို့အား အမှုဖွင့်ထား ကြောင်း သိရသည်။

နန္ဒကျော်စွာ
Myanmaalinn
https://www.facebook.com/MYANMAALINNNEWS
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.