ခန္တီးမှာ ရေဘေးသင့်သူ ၂၅၀၀ ရှိ



ခန္တီးမြို့နယ်​က ရေ​ဘေးသင့်ပြည်​သူတွေကို မီးသတ်​နဲ့ ရဲတပ်ဖွဲ့ဝင်​တွေက ဘေးလွတ်ရာကို ပြောင်းရွှေ့ပေးနေစဉ်။ Photo: Myanmar Fire Services Department's Facebook
စစ်ကိုင်းတိုင်းဒေသကြီး၊ ခန္တီးမြို့ နယ်အတွက် ချင်းတွင်းမြစ်ရေဟာ စိုးရိမ်ရေမှတ်ကို ကျော်လွန်နေတာကြောင့် ခန္တီးမြို့ နယ်က ကျော်က လူဦးရေ ၂၅၀၀ ဟာ ရေဘေးလွတ်ရာနေရာတွေကို ပြောင်းရွှေ့နေထိုင်နေကြရတယ်လို့ သိရပါတယ်။

ရပ်ကွက်/ကျေးရွာ ၂၇ ခုမှာ ရေတွေ ဝင်ရောက်နေတာကြောင့် ပြောင်းရွှေ့နေကြရတာဖြစ်တယ်လို့ စစ်ကိုင်းတိုင်းဒေသကြီး၊ ကယ်ဆယ်ရေးနဲ့ ပြန်လည်နေရာချထားရေးဦးစီးဌာန ဦးစီးမှူး ဦးစဝီလီဖရန့်စ် က ပြောပါတယ်။

"ရပ်ကွက်/ကျေးရွာ အားလုံးပေါင်း ၂၇ ခုမှာ ဖြစ်တာပေါ့နော်၊ လက်ရှိပြောင်းရွှေ့ထားတဲ့ အိမ်ထောင်စုက ၅၄၅ စု ပေါ့နော်၊ လူဦးရေက ၂၅၀၀ ပေါ့၊ ဒီနေ့ မနက်အထိပေါ့။"

ခန္တီးမြို့ နယ်မှာ ရေကြီးရေလျှံမှုတွေကြောင့် ပြီးခဲ့တဲ့ သြဂုတ်လ ၁၂ ရက်နေ့ကစပြီး  ပြောင်းရွှေ့နေကြရတာဖြစ် တယ်လို့ သိရပါတယ်။

လက်ရှိမှာ ချင်းတွင်းမြစ်ရေဟာ စိုးရိမ်ရေမှတ်အထက်ကို ကျော်လွန်ရောက်ရှိနေတာကြောင့် လူနေအိမ်တွေအပြင် စာသင်ကျောင်းတွေနဲ့ လယ်မြေဧကတွေထဲမှာလည်း ရေတွေဖုံးလွှမ်းနေတယ်လို့ သိရပါတယ်။

လက်ရှိမှာ စာသင်ကျောင်း ၂၂ ကျောင်းကို ယာယီပိတ်ထားရသလို စပါးစိုက်ခင်းဧက ၅၀၀ ကျော်၊ တောင်ယာနဲ့ ပျိုးခင်းတချို့လည်း ရေလွှမ်းခံနေရတာ ဖြစ်ပါတယ်။

ပြောင်းရွှေ့ကြရသူတွေဟာ ဘုန်းကြီးကျောင်းတွေ၊ စာသင်ကျောင်းတွေ၊ ဆွေမျိုးအိမ်တွေနဲ့ ကုန်းမြင့်ပိုင်းတွေမှာ သွားရောက်နေထိုင်နေကြရပါတယ်။

ပြောင်းရွှေ့ရသူတွေအတွက် ကယ်ဆယ်ရေးနဲ့ ပြန်လည်နေရာချထားရေးဦးစီးဌာနက လူတစ်ဦးကို ကျပ် ၂၁၀၀ နှုန်းနဲ့  တစ်ပတ်စာ ဆန်ရိက္ခာဖိုးတွေ ထောက်ပံ့ပေးထားတယ်လို့ သိရပါတယ်။

ခန္တီးမြို့မှာ ချင်းတွင်းမြစ်ရေ ဒုတိယအကြိမ် မြင့်တက်မှုကြောင့် လူစီးအမြန်ရေယာဉ်နဲ့ ကုန်တင်အမြန်ရေယာဉ် ခရီးစဉ်တွေကို သြဂုတ်လ ၁၆ ရက်နေ့ကနေ ၂ဝ ရက်နေ့အထိ ၅ ရက်ကြာ ရပ်နားသွားမှာ ဖြစ်ပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.