ရခိုင်မြောက်ပိုင်း ပုဒ်မ ၁၄၄ သက်တမ်းတိုး



ရခိုင်မြောက်ပိုင်းလုံခြုံရေးတပ်များ
ရခိုင်ပြည်နယ် ဘူးသီးတောင်၊ မောင်တောမြို့တွေမှာ ဒေသခံတွေရဲ့လုံခြုံရေးအတွက် ညမထွက်ရအမိန့် ပုဒ်မ ၁၄၄ ကို နောက်ထပ် ၂ လ သက်တမ်း ထပ်တိုးတဲ့အပေါ် ဒေသခံ လွှတ်တော်အမတ်တွေက ကြိုဆိုလိုက်ကြပါတယ်။ ပြီးခဲ့တဲ့ သီတင်းပတ်ထဲ ဒေသခံတွေ သတ်ဖြတ်ခံ ရတဲ့ စိုးရိမ်ဖွယ်အခြေအနေတွေကြောင့် ခုလို ထုတ်ပြန်လိုက်ရတာပါ။ ဒီအကြောင်း ကိုဉာဏ်ဝင်းအောင်က တင်ပြပါမယ်။

၂၀၁၆ အောက်တိုဘာလ မောင်တောနယ်ခြားစောင့် ရဲစခန်းတွေ တိုက်ခိုက်ခံရပြီးချိန်ကစလို့ ဘူးသီးတောင်၊ မောင်တောမှာ ထုတ်ပြန်ထားတဲ့ ပုဒ်မ ၁၄၄ ညမထွက်ရအမိန့်ကို နောက်ထပ် သက်တမ်း(၂)တိုးလိုက်ကြောင်း မြို့နယ်အုပ်ချုပ်ရေးမှူးတွေရဲ့ အမိန့်နဲ့ သြဂုတ်လ(၉)ရက် ဗုဒ္ဓဟူး နေ့က ကြေညာခဲ့တယ်လို့ ရခိုင်အမျိုးသားပါတီ ANP ရဲ့ ဘူးသီးတောင်မြို့နယ် ရခိုင်ပြည်နယ်လွှတ်တော် ကိုယ်စားလှယ် ဦးထွန်းအောင်သိန်း က ပြောပါတယ်။

“သြဂုတ်လ ၉ ရက်နေ့ကနေပြီးတော့ ကျနော်တို့ မောင်တော၊ ဘူးသီးတောင်ဘက်တွေကို ထပ်ပြီးတော့ သက်တမ်းတိုးတယ်ခင်ဗျ ၂ လပါခင်ဗျ။ ဒီသက်တမ်းတိုးတယ်ဆိုတာက ကျနော်တို့ ပုဒ်မ ၁၄၄ ထုတ်ဖို့ဆိုတာက မလွယ်ပါဘူး။ ဒီ မောင်တော၊ ဘူးသီးတောင်ဆိုတဲ့နေရာတွေက အကြမ်းဖက်မှုက အမြဲတမ်းလိုလိုရှိနေတယ်။ အဲဒီအတွက်ကြောင့် အကြမ်းဖက်မှုကို ကာကွယ်တားဆီးနိုင်ဖို့အတွက် ၁၄၄ ထုတ်ထားရတယ်လို့ အဲလိုပဲ နားလည်ပါတယ်ခင်ဗျ။”

မောင်တောမှာ ည ၉ နာရီကနေ နောက်တနေ့မနက် ၅ နာရီအထိ အပြင်မထွက်ကြဖို့နဲ့ ဘူးသီးတောင်မှာတော့ ည ၁၀ နာရီကနေ နောက်နေ့ မနက် ၅ နာရီအထိ ညမထွက်ရအမိန့် သက်တမ်းကို တိုးလိုက်တာဖြစ်ပါတယ်။

ပုဒ်မ ၁၄၄ ညမထွက်ရအမိန့်အရ မြို့နယ်အတွင်း လမ်းမကြီးတွေ၊ အများပြည်သူ သွားလာရာလမ်းတွေ၊ လမ်းသွယ်လမ်းကြား၊ အများနဲ့ ဆိုင်တဲ့ ဘာသာရေးကျောင်း နေရာတွေမှာ လူ ၅ ဦးသို့မဟုတ် ၅ ဦးထက်ပိုပြီး သတ်မှတ်အချိန်အတွင်း လူမစုဖို့ ညမထွက်ကြဖို့ သတိပေး ထားတာပါ။

ရခိုင်ပြည်နယ် လုံခြုံရေးဟာ စိုးရိမ်ဖွယ် အခြေအနေမှာ ရှိတာကြောင့်ဆိုပြီး တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် နဲ့ ရခိုင်အမျိုးသားပါတီ ANP ဥက္ကဌ ဒေါက်တာအေးမောင်ဦးဆောင်တဲ့ ၇ ဦးပါအဖွဲ့ကလည်း သြဂုတ် ၉ ရက်နေ့က သွားရောက်တွေ့ဆုံခဲ့ကြပြီး ကာကွယ်ရေးဦးစီးချုပ် ကလည်း ရခိုင်ပြည်နယ် တည်ငြိမ်အေးချမ်းရေးအတွက် လုံခြုံရေးအင်အား အခုထက် ပိုတိုးချပေးမယ်လို့ ကတိပြုခဲ့တဲ့အတိုင်း အစိုးရတပ်ဖွဲ့ဝင်တွေ သြဂုတ်လ(၁၀)ရက်နေ့က စစ်တွေလေဆိပ်ကို ရောက်လာကြပါတယ်။ ဒီတပ်ဖွဲ့ဝင်တွေဟာ မောင်တောဒေသကို သွားရောက်မှာဖြစ်ပါတယ်။ အခုလို အစိုးရတပ်က လုံခြုံရေးတိုးချလာတဲ့အပေါ် ကြိုဆိုကြောင်း NLD ပါတီ မောင်တောမြို့နယ် ပြည်သူ့လွှတ်တော်ကိုယ်စားလှယ် ဒေါ်ခင်သန်းရီက ပြောပါတယ်။

“မောင်တောရယ်၊ ရသေ့တောင်ရယ်၊ ဘူးသီးတောင်ရယ် မစိုးရိမ်ရတဲ့မြို့တော့မရှိပါဘူး။ စိုးရိမ်ရပါတယ်။ အဲဒီနေရာတွေမှာက ချောင်တွေကများတယ်။ နောက်ပြီးလို့ရှိရင် နေရာတိုင်းနေရာတိုင်းမှာကလည်း အဆိုးအသွမ်းတွေကလည်း အများကြီးရှိတယ်။ အဲဒီတော့ ချထားတဲ့ လုံခြုံရေးကနည်းတယ်ဆိုရင် လိုအပ်သလိုထပ်ချဖို့ မြင်တယ်ပေါ့နော်။ အဲဒီမှာက လူမျိုး၂ ခုရဲ့ကြားမှာဖြစ်နေတော့ ပြဿနာတွေက နေရာတိုင်းမှာ ၊ ဒီဟာတွေက ခနခနဖြစ်တယ် လက်ရှိအချိန်မှာ လုပ်သင့်တဲ့အရာတွေပေါ့။”

ဘူးသီးတောင်၊ မောင်တောဒေသမှာ မြန်မာ့တပ်မတော်က ခုလို လုံခြုံရေးတိုးချတာကို ကြိုဆိုပေမယ့် ဒေသခံပြည်သူတွေရဲ့ လုံခြုံရေးကို အမှန်တကယ် အကာအကွယ်ပေးဖို့တော့ လိုကြောင်း ANP ပါတီ ပြည်နယ်လွှတ်တော် ကိုယ်စားလှယ် ဦးထွန်းအောင်သိန်းက ပြောပါတယ်။

“ဒေသခံတွေက အခုလောလောလတ်လတ် ကျနော်တို့က အကြမ်းဖက်မှုကို ခံနေရတယ်။ ၂၀၁၂ ကတည်းက ကျနော်တို့ဟာ အကြမ်းဖက်မှုကို ခံစားခဲ့ရတယ်။ ၂၀၁၆ မှာလည်း ဒေသခံရခိုင်မျိုးနွယ်စုတွေက ထွက်ပြေးနေရတဲ့အခြေအနေမှာရှိနေတယ်။ ဒီမှာလုံခြုံရေးထည့်တွက်တယ်ဆိုတာကတော့ နောက်နောင်ပေါ့။ ဒါပေမယ့် အဲဒီလုံခြုံရေးတွေက ကျနော်တို့ ပြည်သူလူထုကို ကာကွယ်နိုင်စွမ်းရှိဖို့လိုပါတယ်။ ကျနော်တို့ အခုဖြစ်စဉ်နဲ့ ပတ်သက်ပြီးတော့ ရဲလုပ်ပိုင်ခွင့်က ဘာမှ မရှိဘူးခင်ဗျ။ နယ်ခြားစောင့်ရဲတွေရှိခဲ့ပါတယ်။ နယ်ခြားစောင့်ရဲတွေက ကျနော်တို့ ပြည်သူလူထုကို ကာကွယ်ပေးနိုင်တဲ့အခြေအနေမရှိဘူး သူတို့မှာ လုပ်ပိုင်ခွင့်မရှိဘူး။ကိုင်းကြီးဖြစ်စဉ်တုန်းကလည်း ကျနော်တို့ သတင်းကူပြီးတော့ပေးခဲ့တယ်။ ပေးခဲ့သော်လည်း ဒီကိုင်းကြီးမှာ ၈ ယောက်က အသက်ပေးခဲ့ရတယ်ခင်ဗျ။”

ဘင်္ဂလားမြန်မာနယ်စပ် မောင်တော၊ ဘူးသီးတောင်၊ ရသေ့တောင်ပါဝင်တဲ့ မေယုတောင်ကြောဒေသမှာ အကြမ်းဖက်သမားတွေ ခိုအောင်း နေတယ်ဆိုတဲ့ သတင်းတွေ ထွက်ပေါ်မှု အရရော၊ ဩဂုတ် ၃ ရက်နေ့က မောင်တောမြို့နယ် ကိုင်းကြီးကျေးရွာမှာ မြိုတိုင်းရင်းသား ၈ ဦး အသတ်ခံရတာကြောင့် ရခိုင်ပြည်နယ်မှာ လုံခြုံရေးတိုးမြှင့်ပေးဖို့ တောင်းဆိုလာကြတာ ဖြစ်ပါတယ်။

ကိုဉာဏ်ဝင်းအောင်  / ဗွီအိုအေ (မြန်မာပိုင်း)
https://burmese.voanews.com

COMMENTS

Name

art,1,article,1327,cartoon variety,22,crime,68,culture,1,documentary,8,Entertainment,9,health,34,history,2,international,7904,interview,221,knowledge,9,Live,8,LocalNews,16559,news,2842,opinion,770,photos,203,poem,117,satires,39,song,12,speech,12,sports,179,statement,59,technic,58,translate,34,video,1070,voice,76,
ltr
item
dawnmanhon: ရခိုင်မြောက်ပိုင်း ပုဒ်မ ၁၄၄ သက်တမ်းတိုး
ရခိုင်မြောက်ပိုင်း ပုဒ်မ ၁၄၄ သက်တမ်းတိုး
https://4.bp.blogspot.com/-acERJxeQeI0/WY0Mbz0L8MI/AAAAAAABS4I/0KxLsxBpT0U2EEwptXeJ6AKF_PPgtlINQCLcBGAs/s400/15.jpg
https://4.bp.blogspot.com/-acERJxeQeI0/WY0Mbz0L8MI/AAAAAAABS4I/0KxLsxBpT0U2EEwptXeJ6AKF_PPgtlINQCLcBGAs/s72-c/15.jpg
dawnmanhon
http://www.dawnmanhon.com/2017/08/blog-post_478.html
http://www.dawnmanhon.com/
http://www.dawnmanhon.com/
http://www.dawnmanhon.com/2017/08/blog-post_478.html
true
4976479704313592870
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share. STEP 2: Click the link you shared to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy