တရုတ်နဲ့ရုရှားကုမ္ပဏီတွေကို ကန်အရေးယူမှု တရုတ်ကန့်ကွက်

တရုတ်နိုင်ငံခြားရေးဝန်ကြီးဌာန ပြောခွင့်ရသူ Hua Chunying
မြောက်ကိုရီးယားရဲ့ နျူကလီးယား အစီအစဉ်တွေကို အားပေးကူညီမှု စွပ်စွဲချက်နဲ့ တရုတ်နဲ့ ရုရှားကုမ္ပဏီတွေကို အမေရိကန် ပြည်ထောင်စုက ပိတ်ဆို့ဒဏ်ခတ်မှု အသစ်တွေ ချမှတ်လိုက်တဲ့အပေါ် တရုတ်နိုင်ငံက ကန့်ကွက်လိုက်ပါတယ်။

မြောက်ကိုရီးယားရဲ့ နျူကလီးယားလုပ်ငန်းတွေကို ထိန်းချုပ်နိုင်ဖို့ အမေရိကန်နဲ့ တရုတ်တို့ရဲ့ ပူးပေါင်းဆောင်ရွက်မှုတွေမှာ ဒဏ်ခတ်မှုတွေက အထောက်အကူ မဖြစ်တဲ့အကြောင်း တရုတ်နိုင်ငံခြားရေးဝန်ကြီးဌာန ပြောခွင့်ရသူ Hua Chunying က သတင်းစာရှင်းလင်းပွဲမှာ ပြောဆိုလိုက်တာပါ။ အမေရိကန် အနေနဲ့ အမှားကို ချက်ခြင်းပြင်ဆင်ဖို့လည်း တရုတ်နိုင်ငံခြားရေး ၀န်ကြီးဌာန ပြောခွင့်ရက တိုက်တွန်းလိုက်သလို၊ ထိန်းထိန်းသိမ်းသိမ်း ဆောင်ရွက်ဖို့နဲ့ ပြဿနာကို ဖြေရှင်းနိုင်ရေး မြောက်ကိုရီးယားနဲ့ ဆွေးနွေးဖို့ တရုတ်နိုင်ငံရဲ့ တိုက်တွန်းချက်တွေကိုလည်း ထပ်မံ ပြောဆိုခဲ့ပါတယ်။

မြောက်ကိုရီးယားအပေါ် ပိတ်ဆို့ဒဏ်ခတ်မှုအသစ်တွေ ချမှတ်ပြီး၊ ပဲ့ထိန်းတပ်မစ်ဇိုင်းဒုံး စမ်းသပ်မှုတွေကို ပြစ်တင်ရှုတ်ချခဲ့တဲ့ ကုလသမဂ္ဂ လုံခြုံရေးကောင်စီရဲ့ ဒီလဆန်းက ဆုံးဖြတ်ချက်နဲ့အညီ ဆောင်ရွက်ခဲ့တဲ့လုပ်ရပ်အဖြစ်၊ အမေရိကန် ဘဏ္ဍာရေး ၀န်ကြီးဌာနက မနေ့တုန်းကပဲ ဒဏ်ခတ်မှုတွေကို ကြေညာခဲ့တာပါ။ လုံခြုံရေးကောင်စီက တခဲနက် ဆုံးဖြတ်ချက် ချမှတ်ရာမှာတော့ တရုတ်နိုင်ငံလည်း ပါဝင်ခဲ့ပါတယ်။ အမေရိကန် ဘဏ္ဍာရေးဝန်ကြီးဌာနက အရေးယူဒဏ်ခတ်ဖို့ ကြေညာလိုက်တဲ့ စာရင်းမှာတော့ တရုတ်နိုင်ငံက ကျောက်မီးသွေး၊ သံမဏိနဲ့ ဘဏ္ဍာရေးလုပ်ငန်းတွေ အပါအ၀င် ကုမ္ပဏီ ၁၀ ခုနဲ့ လူ ၆ ဦးကို ထည့်သွင်းထားပါတယ်။

တရုတ်၊ ရုရှားနဲ့ တခြားနိုင်ငံတွေက ကုမ္ပဏီနဲ့ လူပုဂ္ဂိုလ်တွေ အနေနဲ့ ပျက်စီးဆုံးရှုံးမှုတွေ ကြီးမားပြီး၊ ဒေသတွင်း တည်ငြိမ်မှုပျက်ပြားစေနိုင်တဲ့ လက်နက်တွေကို ထုတ်လုပ်ရာမှာ တဖက်တလမ်းက ၀င်ငွေရအောင် မြောက်ကိုရီးယားကို အထောက်အကူ ပေးနေတာဟာ လက်ခံနိုင်စရာ မရှိကြောင်းလည်း အမေရိကန် ဘဏ္ဍာရေးဝန်ကြီး Steven Mnuchin က ပြောဆိုခဲ့တာပါ။ မြောက်ကိုရီးယား အနေနဲ့ ရှေ့အနာဂတ်မှာ အလားတူလုပ်ရပ်မျိုးတွေ မလုပ်နိုင်အောင်၊ ကုလသမဂ္ဂရဲ့ အရေးယူဒဏ်ခတ်မှု ဆုံးဖြတ်ချက်တွေနဲ့အညီ ဆောင်ရွက်နေတာသာ ဖြစ်ကြောင်းလည်း ပြောဆိုခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.