စစ်သည်တစ်ဦးနှင့် ရဲတပ်ဖွဲ့ဝင် ၁၀ ဦးကျဆုံး၊ လက်နက် ၅ လက်ဆုံးရှုံး


(ဓာတ်ပုံ- တပ်မတော်ကာကွယ်ရေးဦးစီးချုပ်ရုံး)
နိရဉ္စရာ၊ သြဂုတ် ၂၅

ရခိုင်ပြည်နယ် အနောက်ဘက်ခြမ်း မောင်တော၊ ဘူးသီးတောင်နှင့် ရသေ့တောင်မြို့နယ် အနောက်ခြမ်းတို့တွင် အကြမ်းဖက်သမားများနှင့် ဖြစ်ပွားနေသော မနေ့ညဉ့်က စတင်ခဲ့သည့် တိုက်ပွဲများအတွင်း စစ်သည် တစ်ဦးနှင့် ရဲတပ်ဖွဲ့ ၁၀ ဦးကျဆုံးပြီး လက်နက် ၅ လက်ဆုံးရှုံးကြောင်း တပ်မတော် ကာကွယ်ရေးဦးစီးချုပ်ရုံး ၏ လူမှုကွန်ယက် စာမျက်နာပေါ်တွင် ဖော်ပြထားသည်။

တိုက်ပွဲအတွင်း အကြမ်းဖက်သမား အလောင်း ၁၅ လောင်းကို တွေ့ရှိသည်ဟု ဖော်ပြထားသည်။

ဘူးသီးတောင်နှင့် မောင်တောနယ်မြေအတွင်းရှိ လုံခြုံရေးဆောင်ရွက်နေသည့် ရဲကင်းစခန်း ၁၉ ခုကို တစ်ချိန်တည်း၊ တစ်ပြိုင်တည်း တုတ်၊ ဓားကိုင်ဆောင်ထားသော အင်အားများဖြင့် တိုက်ခိုက်ခြင်း ဖြစ်ကြောင်း၊ တံတားများကို မိုင်းဖောက်ခွဲဖျက်ဆီးခြင်းများ ပြုလုပ်ခဲ့ကြောင်း သတင်းတွင် ရေးသားထားသည်။

စစ်သည် ၁ ဦး၊ ရဲတပ်ဖွဲ့ဝင် ၁၀ ဦး နိုင်ငံတော်အတွက် အသက်စွန့်လွှတ်ခဲ့ရပြီး အချို့ထိခိုက်ဒဏ်ရာရရှိခဲ့ ကာ ရဲကင်းစခန်းများမှ လက်နက်ငယ် ၅ လက် ဘင်္ဂါလီအစွန်းရောက် အကြမ်းဖက်သမားများနောက် ပါရှိသွားခဲ့သည်ဟု သတင်းတွင် ရေးသားဖော်ပြသည်။

ထို့ပြင် ယနေ့နံနက် ၉ နာရီ ၄၅ မိနစ်တွင် ရသေ့တောင်မြို့နယ်၊ ချိန်ခါလီ ကျေးရွာ၌ ဘင်္ဂါလီအစွန်းရောက် အကြမ်းဖက်သမားများအား ၎င်းတို့၏ နေအိမ်များကို ၎င်းတို့ကိုယ်တိုင် မီးရှို့ဖျက်ဆီးပြီး ထွက်ပြေးသွားကြောင်း သတင်းတွင်ဖော်ပြထားသည်။

Narinjara
https://www.facebook.com/Narinjara
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.