ရခိုင်မြောက်ပိုင်း အကြမ်းဖက်တိုက်ခိုက်မှုများ တွေ့ရဆဲ


အကြမ်းဖက်ပဋိပက္ခတွေဖြစ်နေတဲ့ ရခိုင်ပြည် မြောက်ပိုင်း မောင်တောနဲ့ ဘူးသီတောင်းမြို့နယ်တွေအတွင်းမှာ ဒီကနေ့အထိ အကြမ်းဖက်တိုက်ခိုက်မှုတွေကြောင့် ထိခိုက်သေဆုံးမှုတွေရှိနေပါတယ်။ ဒီအခြေအနေတွေအပြင် ဒေသတွင်း လုံခြုံရေးနဲ့ပတ်သက်လို့ အဲဒီ ဒေသကို သတင်းယူဖို့သွားရောက်နေတဲ့ ဗွီအိုအေ သတင်းထောက် ကိုမိုးဇော်ကို ကိုသားညွန့်ဦးက ဆက်သွယ်မေးမြန်းထားပါတယ်။

"ကိုသားညွှန့်ဦး။ ။ ကိုမိုးဇော်တို့ ဒီကနေ့ ဘူးသီးတောင်၊ မောင်တော ၂ မြို့နယ်ကိုသွားပြီးတော့ သတင်းထောက်တွေ သွားလေ့လာခွင့်ရတယ်ဆိုတော့ ကျနော်တို့ ဒီနေ့တချို့အတိုက်အခိုက်ခံရတဲ့ သတင်းတွေလည်းကြားနေရတယ်ခင်ဗျ။ ဆိုတော့ တိုက်ခိုက်ခံရတဲ့အခြေအနေတွေရော ဘယ်လိုမျိုးတွေ့ရပါသလဲ။

ကိုမိုးဇော်။ ။ ဟုတ်ကဲ့ ဒီကနေ့ ကျနော်တို့ ဒီမနက်ခင်းပိုင်းကနေ စစ်တွေကနေထွက်လာတယ်ပေါ့လေ။ ဘူးသီးတောင်ကို နေ့ခင်းပိုင်းမှာရောက်တယ်။ ဘူးသီးတောင်ကိုရောက်ပြီးတော့ ကျနော်တို့ မောင်တောကို ရောက်တယ်ပေါ့နော်။ လမ်းမှာကတော့ စစ်တွေကနေ ဘူးသီးတောင်ကိုလာတဲ့လမ်းမှာဆိုရင် ဘူးသီးတောင်နားပတ်ဝန်းကျင်နေရာမှာ တချို့နေရာတွေမှာ မီးခိုးတွေထွက်နေတာတွေတွေ့ရတယ်။ ကျနော်တို့ ဒီအာဏာပိုင်တွေနဲ့ သတ်ဆိုင်တဲ့လူတွေကိုမေးကြည့်တော့ ဒီ ဟာတွေကို အတည်ပြုနိုင်ချက် ဘာမှတော့မပြောနိုင်သေးဘူးပေါ့နော်။ အဲဒီအခြေအနေတွေကို လမ်းမှာ ကြုံခဲ့ရတယ်ပေါ့နော်။ နောက်ကျနော်တို့ ဘူးသီးတောင်ကကနေ နေ့ခင်း ၁ နာရီခွဲ ဘူးသီးတောင်က မထွက်ခင်မှာ ဒီမောင်တောနဲ့ ၃ မိုင်အကွာ ရွာနားလေးက ဇူလဆိုတဲ့ ရွာမှာ ရခိုင်တိုင်းရင်းသားတချို့သတ်ဖြတ်ခံရတယ်။ ကျနော်တို့ရောက်တဲ့အချိန်မှာဆိုရင် စစ်တပ်ရော၊ ရဲတပ်ဖွဲ့ဝင်တွေရော လုံခြုံရေးချထားတယ် ဇူလရွာနားလေးမှာ။ မျက်မြင်ကိုယ်တွေ့ တွေ့တဲ့လူတွေကနေ ပြောကြားချက်အရဆိုရင် ဇူလရွာမှာမီးလောင်တယ်၊ လုံခြုံရေးတပ်ဖွဲ့ဝင်တွေနဲ့ တိုင်းရင်းသားရွာသားတွေက မီးငြိမ်းဖုိ့သွားတယ်ပေါ့။ သွားပြီးတဲ့နောက်မှာ မီးငြိမ်းပြီး ပြန်လာတဲ့အချိန်မှာ နောက်ကနေပြီးတော့မှ အကြမ်းဖက်အဖွဲ့တွေက လိုက်ခုတ်တယ်၊ လိုက်ခုတ်တဲ့အတွက်ကြောင့် ၃ ယောက်သေတယ်လို့ပြောတယ်။ နောက်အလောင်း ၁ လောင်းရတယ်လို့ပြောတယ် ဇူလရွာမှာ ၄ ယောက်သေတယ်လို့ပြောတယ်။ လောလောဆယ်မှာ ဇူလရွာနားမှာ လုံခြုံရေးတွေရှိနေတယ်။

နောက်တချက်ကတော့ ကျနော်တို့ မောင်တောနဲ့ ၁၂ မိုင်လောက်အကွာမှာရှိတဲ့ ကျီးကန်းပြင်ရွာ ၊ ပြီးခဲ့တဲ့ နှစ်က အခင်းဖြစ်တဲ့ရွာနားလေးက ဇင်ပိုင်ညာဆိုတဲ့ရွာနားမှာ နေ့ခင်း ၁ နာရီလောက်က အကြမ်းဖက်သမားတွေက တိုက်ခိုက်တာကြောင့် လူ ၉ ယောက်သေတယ်ဆိုပြီးမှ ပြောတယ်။ အလောင်း ၄ လောင်းတော့ရတယ်၊ ၅ လောင်းတော့မရသေးဘူးဆိုပြီးမှ အလောင်းတွေသွားရောက်သယ်ယူတဲ့ ရဲတပ်ဖွဲ့က တပ်ကြပ်ကြီးတယောက်ပြောတယ်။ ဒီသတင်းနဲ့ ပတ်သက်ပြီးတော့ ကျနော်တို့ မောင်တောခရိုင် အုပ်ချုပ်ရေးမှူး ဦးရဲထွဋ် ကိုမေးကြည့်တဲ့အခါမှာ ဒီသတင်းကို သူတို့ စုံစမ်းနေစဲဖြစ်တယ်။ သူဖြေတာတွေလည်း အဖြစ်အပျက်နဲ့ ပတ်သက်ပြီး အသေးစိတ်တော့အတည်ပြုချက် မပေးနိုင်သေးဘူးလို့ ပြောပါတယ်။

ကိုသားညွှန့်ဦး။ ။ ဒုက္ခသည်တွေရဲ့အခြေအနေရော ဘယ်လိုရှိသလဲ၊ ဒုက္ခသည်တွေနဲ့ရော တွေ့ခွင့်ရသလား။

ကိုမိုးဇော်။ ။ ဟုတ်ကဲ့ လောလောဆည်တော့ ကျနော်တို့ ဒုက္ခသည်စခန်းတွေကိုလိုက်ကြည့်နေစဲပဲရှိတယ်။ အခုကျနော်တို့ရောက်နေတဲ့နေရာမှာဆိုရင် မောင်တောမြို့နယ် ၄ မိုင်ရွာက အထကခွဲကျောင်းမှာရောက်နေတယ် အဲဒီမှာ ကျနော်တို့ တွေ့နေရတာကတော့ ကလေးတွေနဲ့ အမျိုးသမီးတွေ အများစုကို တွေ့နေရတယ်။ အဲဒီကျောင်းဝန်းထဲမှာပဲ စာသင်ခန်းတွေမှာပဲ နေထိုင်ပြီးတော့မှ ကျောင်းဝန်းပြင်ပမှာပဲ ချက်ပြုတ်စားသောက်နေကြတယ်။ အဲဒီမှာတော့ လူ ၁၀၀၀ ကျော်လောက်ရောက်နေတယ်လို့ပြောတယ်၊ ကျေးရွာပေါင်း အနည်းဆုံး ၇ ရွာလောက်ကနေပြီးတော့ မနေရဲလို့ ပြောင်းလာတာလို့ပြောတယ်။ သူတို့ရွာအနီးပတ်ဝန်းကျင်တွေမှာ အဲလိုမျိုး ခြိမ်းခြောက်တဲ့ အော်သံဟစ်သံတွေပေးတာတွေ ပေါက်ကွဲသံမျိုးတွေ ပစ်ခတ်သံမျိုးတွေ ကြားတာတွေ ဖြစ်ပြီး သူတို့မနေရဲလို့ပြောင်းလာတာလို့ ပြောပါတယ်ခင်ဗျ။

ကိုသားညွှန့်ဦး။ ။ မြို့ပေါ်အခြေအနေတွေရော ဘယ်လိုရှိပါသလဲ အခုကိုမိုးဇော်ရောက်ခဲ့သလောက် အနေအထားမြင်ကွင်းတွေ ဘယ်လိုရှိသလဲခင်ဗျ။

ကိုမိုးဇော်။ ။ ကျနော်တို့ဒီ ဘူးသီးတောင်ကိုဖြတ်လာတဲ့အချိန်မှာတော့ ဘူးသီးတောင်မြို့ပေါ်မှာတော့ လူသွားလူလာတွေရှိတယ်။ ဈေးကလည်း ပုံမှန်ဖွင့်နေတယ် ဘူးသီးတောင်မြို့မှာတော့ မြို့ခံလူတွေကတော့ စိုးရိမ်စိတ်တွေနဲ့ နေရတယ်လို့ပြောတယ်။ အခြေအနေတွေကတော့ တားကြီးဆိုးဆိုးဝါးဝါး ဖြစ်တာတွေတော့ မတွေ့ရဘူး။

ကျနော်တို့ မောင်တောရောက်ရောက်ခြင်း ၀င်ဝင်ခြင်းမှာပဲ မြို့သူကြီးရွာဆိုတဲ့ မူဆလင်တွေ အစ္စလာမ်တွေနေတဲ့ရွာမှာ မီးလောင်ထားတာတွေတွေ့ရတယ်။ မြို့ထဲနေရာတချို့တွေမှာလည်း မီးလောင်ထားတာတွေတွေ့ရတယ်။ နောက်တခုက ကျနော်တို့ရောက်တဲ့အချိန်မှာပဲ ခရိုင်အုပ်ချုပ်ရေးရုံးနောက်ဘက်က နေအိမ်တချို့ကို မီးရှို့သွားတာတွေ ၊ ကျနော်တို့ ရောက်နေတဲ့အချိန်မှာပဲ မီးရှို့သွားတာတွေ တွေ့ရတယ်။ အဲဒီမှာ ဓါတ်ဆီထည့်ထားတဲ့ ပုလင်း ဗုံးမျိုးတွေတွေ့ရတယ်။ အဲဒီမှာ လုံခြုံရေးအစောင့်တွေကို ချထားတာတွေ စောင့်ကျပ်နေတာတွေကိုတွေ့ရတယ်။

ကိုသားညွှန့်ဦး။ ။ အခုကိုမိုးဇော်တို့ သွားသလောက်၊ တွေ့ရသလောက် လုံခြုံရေး ချထားတာမှ ရဲလုံခြုံရေးပဲလား၊ တပ်လုံခြုံရေးရောတွေ့ရပါသလား။

ကိုမိုးဇော်။ ။ ကျနော်တို့ မောင်တောမြို့မှာဆိုရင်တော့ နယ်ခြားစောင့်တပ်ရော၊ ရဲရော တပ်လုံခြုံရေးရော တွေ့ရပါတယ်။ ဒါပေမယ့် မြို့အကျယ်အ၀န်းနဲ့ ချထားတဲ့ တပ်အင်အားမြင်တွေ့ရသလိုဆိုရင်တော့ ခရိုင်ရုံးအနီးမှာကို လာပြီးတော့ တုတ်တွေနဲ့ ပစ်ပြီးတော့ နေ့ခင်းမှာမီးရှို့တယ်ဆိုရင်တော့ ဒီလုံခြုံရေးတပ်ဖွဲ့ဝင်တွေက မြို့အနေအထားကို ထိန်းချုပ်နိုင်တဲ့အနေအထားတွေတော့မရှိဘူး၊ မရှိတာကိုတွေ့ရတယ်လို့ ပြောရမှာပါ။

ကိုသားညွှန့်ဦး။ ။ ကိုမိုးဇော် ကျေးဇူးပါပဲခင်ဗျ။"

  / ဗွီအိုအေ (မြန်မာပိုင်း)
https://burmese.voanews.com
Labels:

Post a Comment

[blogger][facebook]

Author Name

Contact Form

Name

Email *

Message *

Powered by Blogger.