မတရားအသင်းဆက်သွယ်မှုနဲ့ ဖမ်းဆီးခံသတင်းသမား ၃ဦးအမှု မြန်မာလူ့အခွင့်အရေးကော်မရှင် မစွက်ဖက်ဟုဆို



မတရားအသင်းဆက်သွယ်မှုနဲ့ ဖမ်းဆီးခံသတင်းသမား ၃ဦး
မတရားသင်း အက် ဥပဒေ ပုဒ် ၁၇/၁နဲ့ သီပေါ အကျဉ်းထောင်မှာ DVB နဲ့ ဧရာဝတီ သတင်းဌာနက သတင်းထောက် ၃ ဦး ဖမ်းဆီးခံရမှုနဲ့ ပတ်သက်ပြီး သတင်းထောက်က သူ့အလုပ် သူလုပ်တဲ့အပေါ် အရေး မယူသင့်ပေမယ့် လက်နက်ကိုင်အဖွဲ့တွေနဲ့ ဆက်သွယ်ပြီး နိုင်ငံတော် လုံခြုံရေးကို ထိခိုက်အောင် လုပ် တာ ထင်ရှားတယ် ဆိုရင်တော့ အရေးယူရမှာဖြစ်တယ်လို့ မြန်မာနိုင်ငံ လူ့အခွင့်အရေး ကော်မရှင်အဖွဲ့ ဝင် တဦးက ပြောလိုက်ပါတယ်။ တပ်မတော်က ပုဒ်မ ၁၇/၁ နဲ့ တရားစွဲဆိုထားတဲ့ သတင်းထောက် ၃ဦး ရဲ့ အာမခံလျှောက်ထားမှုကို သီပေါမြို့နယ် တရားရုံးက ဒီကနေ့ ထပ်ပြီး ပယ်ချလိုက်တာပါ။ သတင်းအပြည့်အစုံကိုတော့ ဗွီအိုအေ မြန်မာပိုင်း သတင်းထောက် မမြင့်မြင့်ခိုင်က တင်ပြပေးပါမယ်။

ဒီကနေ့ သြဂုတ်လ ၁၈ရက်နေ့ သီပေါမြို့နယ် တရားရုံးမှာ မတရားသင်း အက်ဥပဒေ ပုဒ်မ ၁၇/၁နဲ့ တ ရားစွဲဆိုခံထားရတဲ့ DVB သတင်းဌာနက သတင်းထောက် ဦးအေးနိုင်နဲ့ ကိုပြည့်ဘုန်းအောင်၊ ဧရာဝတီ သတင်းဌာနက သတင်းထောက် ဦးသိန်းဇော် ခေါ် လဝီဝမ်တို့ရဲ့ အာမခံလျှောက်ထားမှု ဒုတိယအကြိမ် ပယ်ချခံလိုက်ရပါတယ်။

တရားလိုပြ သက်သေတွေ စစ်ဆေးတဲ့ အဆင့်မပြီးသေးတာမို့ အာမခံပယ်ချ တာဖြစ်တယ်လို့ တရားသူ ကြီးဘက်က အကြောင်းပြချက်ပေးတဲ့အကြောင်း သတင်းထောက်ဖက်က ကိုယ်စားပြု တရားလွှတ်တော် ရှေ့ နေ ဒေါ်ရွှေမိုးညွန့်က ပြောပါတယ်။

ဒီကနေ့ တရားရုံးချိန်းမှာ တပ်မတော်ဘက်က တရားလိုပြသက်သေ ဗိုလ်မှူး မြတ်မော်အောင်ကို စတင် စစ်ဆေးခဲ့ပြီး တရားလိုဘက်က သက်သေခံ CD ပြားကို တင်သွင်းခဲ့ပါတယ်။ ဒါပေမယ့် တရားလိုဘက်က တင်သွင်းတဲ့ သက်သေခံပစ္စည်းဟာ မူရင်းသက်သေခံချက်တွေ မဟုတ်တဲ့အတွက် ဥပဒေနဲ့ မညီညွတ်တာမို့ ရှေ့နေတွေက ကန့်ကွက်ခဲ့တဲ့အကြောင်း ဒေါ်ရွှေမိုးညွန့်က ပြောပြပါတယ်။

သတင်းထောက် ၃ဦး ဖမ်းဆီးခံထားရတာနဲ့ ပတ်သက်ပြီး မြန်မာနိုင်ငံ လူ့အခွင့်အရေးကော်မရှင်အဖွဲ့ဝင် ဦးယုလွင်အောင်ကတော့ သတင်းထောက်တွေ သူ့အလုပ် သူလုပ်အပေါ် ဖမ်းဆီးတာ မဖြစ်သင့်ဘူးလို့ ပြောပါတယ်။ ဒါပေမယ့် တဖက်မှာ လက်နက်ကိုင်အဖွဲ့တွေနဲ့ ဆက်သွယ်ပြီး နိုင်ငံတော် လုံခြုံရေးကို ထိခိုက်အောင် လုပ်တာ ထင်ရှားတယ်ဆိုရင်တော့ အရေးယူရမှာဖြစ်တယ်လို့ ဆိုပါတယ်။

မြန်မာနိုင်ငံ အမျိုးသား လူ့အခွင့်အရေး ကော်မရှင်အနေနဲ့တော့ တရားရုံးပေါ် ရောက်ရှိနေပြီးဖြစ်တဲ့ အမှု ကိစ္စတွေကို ကြားဝင် စွက်ဖက်မှာ မဟုတ်ဘူးလို့လည်း ဦးယုလွင်အောင်က ဆိုပါတယ်။

မြန်မာ လူ့အခွင့်အရေး ကော်မရှင်ဟာ ပြီးခဲ့တဲ့ ရက်ပိုင်းက သီပေါအကျဉ်းထောင်မှာ ဖမ်းဆီး ထိန်း သိမ်းခံထားရတဲ့ သတင်းထောက် ၃ဦးနဲ့ သွားရောက်တွေ့ဆုံခဲ့သလို ရှမ်းပြည်မြောက်ပိုင်းက အကျဉ်း ထောင်တွေကို သွားရောက်လေ့လာခဲ့ပါသေးတယ်။

DVB သတင်းဌာနက သတင်းထောက် ဦးအေးနိုင်နဲ့ ကိုပြည့်ဘုန်းအောင်၊ ဧရာဝတီ သတင်းဌာနက သ တင်းထောက် ဦးသိန်းဇော် ခေါ် လဝီဝမ်တို့ဟာ ပြီးခဲ့တဲ့ ဇွန်လ ၂၆ရက်နေ့က တအာင်း အမျိုးသား လွတ် မြောက်ရေးတပ်မတော် TNLA လက်နက်ကိုင် နယ်မြေမှာလုပ်တဲ့ မူးယစ် ဆေးဝါးဖျက်ဆီးတဲ့ပွဲကို သွား ရောက် သတင်းယူပြီး အပြန်လမ်းမှာ ဖမ်းဆီးခံခဲ့ရတာဖြစ်ပါတယ်။ ဒီအမှုနဲ့ပတ်သက်လို့ နောက်တကြိမ် ရုံးချိန်းကိုတော့ သြဂုတ်လ ၂၅ရက်နေ့မှာ ပြန်လည် ချိန်းဆိုထားတာဖြစ်ပါတယ်။

မြင့်မြင့်ခိုင်  / ဗွီအိုအေ (မြန်မာပိုင်း)
https://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.