H1N1 ကြောင့် သေဆုံးသူ ၁၀ ဦးရှိကြောင်း ကျန်းမာရေးဌာန ထုတ်ပြန်


မြန်မာနိုင်ငံမှာ A(H1N1) pdm 09 ရာသီတုပ်ကွေးရောဂါပိုးရှိသူတွေထဲက သေဆုံးသူ ၁၀ ဦးရှိသွားပြီလို့ မြန်မာနိုင်ငံ ကျန်းမာရေး ဌာနရဲ့ ဇူုလိုင်လ ၃၀ ရက်၊ တနင်္ဂနွေနေ့ နောက်ဆုံးထုတ်ပြန်ချက်တခုမှာ ဖော်ပြထားပါတယ်။

တနင်္ဂနွေနေ့၊ နေ့လည် ၂ နာရီအထိ ရထားတဲ့ စာရင်းဇယားတွေအရ ရန်ကုန်ပြည်သူ့ဆေးရုံကြီးမှာ ၅ ဦး၊ အထူးကုဆေးရုံ ဝေဘာဂီမှာ ၃ ဦး၊ ခုတင် ၁၀၀၀ ပြည်သူ့ဆေးရုံကြီး နေပြည်တော်မှာ ၁ ဦး စုစုပေါင်း လူနာ ၉ ဦးဟာ H1N1 ရောဂါပိုးရှိနေသူတွေ အဖြစ် အတည်ပြုထားပြီး အတွင်းလူနာတွေအဖြစ် တက်ရောက်ကုသမှုခံယူနေတယ်လို့လဲ ထုတ်ပြန်ချက်မှာ ပြောထားပါတယ်။

မြန်မာတနိုင်ငံလုံးအနေနဲ့ဆိုရင် လတ်တလောပြင်းထန် အသက်ရှုလမ်းကြောင်း ပိုးဝင်ရောဂါနဲ့ ဆေးရုံတက်ကုသမှုခံယူနေသူ ပေါင်း ၁၈၂ ဦးရှိထားပြီး အဲဒီထဲမှာ H1N1 ရောဂါပိုးရှိနေသူ စုစုပေါင်း ၅၁ ဦးရှိတယ်လို့လဲ ကျန်းမာရေးနဲ့ အားကစားဝန်ကြီးဌာန က ထုတ်ပြန်ထားပါတယ်။

ဒီအတောအတွင်းမှာပဲ နှစ်စဉ်ကျင်းပတဲ့ တောင်ပြုံးပွဲတော်ဟာ ဒီနှစ်မှာတော့ H1N1 ရောဂါ ကျရောက်နေဆဲဖြစ်တဲ့ ဇူုလိုင်လ ၃၁ ရက်နေ့ကနေ သြဂုတ်လ ၇ ရက်နေ့အထိ ပွဲတော်ကာလဖြစ်နေတာကြောင့် H1N1 ရောဂါကို ထိန်းချုပ်နိုင်တဲ့ကာလအထိ တောင်ပြုံးပွဲတော်ကို ရွှေ့ဆိုင်းလိုက်တယ်လို့ မန္တလေးတိုင်းဝန်ကြီးချုပ် ဒေါက်တာဇော်မြင့်မောင်က သတင်းထောက်တွေကို ပြောပါတယ်။

"ကျနော်တို့က တနိုင်ငံလုံးမှာရှိတဲ့ ပြည်သူလူထုရဲ့ အကျိုးစီးပွားအတွက် ကျန်းမာရေးရှု့ထောင့်ကနေ ပိတ်ကိုပိတ်ရမယ်နော်။ ဒါက ညွန်ကြားချက်အရ ကြိုတင်ကာကွယ်တဲ့အနေနဲ့ ဒီ Virus ရောဂါတွေက Medical field မှာ ကြိုတင်ကာကွယ်တာကလွဲလို့ ကုလမှုက ထိရောက်မှု သိပ်မရှိဘူး။ ကြိုတင်ကာကွယ်ခြင်းက အကောင်းဆုံးပဲဖြစ်တယ်။"

ပွဲတော်ရက်အတွင်း တနိုင်ငံလုံးကလာရောက်တဲ့ လူအရေအတွက်ဟာ နေ့စဉ် ၁ သိန်းဝန်းကျင် ရှိတဲ့အတွက် H1N1 ရောဂါ ဖြစ်ပွားမှုနဲ့ ပြန့်ပွားမှုဟာ ပြည်သူလူထုတရပ်လုံးအတွက် အထူးစိုးရိမ်ဖွယ်ရာဖြစ်တယ်လို့ မန္တလေး တိုင်းဝန်ကြီးချုပ်ထုတ်ပြန်တဲ့ အမိန့်ထဲမှာ ဖော်ပြထားပါတယ်။

ဗွီအိုအေ (မြန်မာပိုင်း)
https://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.