ရာသီတုပ်ကွေး H1N1 ကြောင့် သေဆုံးသူ ၁၆ ဦးရှိလာ



H1N1 ရာသီတုပ်ကွေးကြောင့် နှာခေါင်းစည်းတပ်ထားသူတွေကို တွေ့ရစဉ်။ Photo: Thant Zin Oo/RFA
ရာသီတုပ်ကွေး (H1N1) ရောဂါပိုးကြောင့် ၁ ဦး ထပ်မံသေဆုံးသွားသလို ကူးစက်ခံရသူ ၈ ဦး ထပ်တိုးလာတယ် လို့ ပြည်သူ့ကျန်းမာရေးဦးစီးဌာန က ပြောပါတယ်။

ဒီနေ့အထိ စာရင်းအရ သေဆုံးသူ ၁၆ ဦးနဲ့ ရောဂါပိုးတွေ့ရှိသူ ၈ ဦးထပ်တွေ့ထားတယ်လို့ ပြည်သူ့ကျန်းမာရေး ဦးစီးဌာနမှ လက်ထောက်ဆရာဝန် ဒေါက်တာ ဘီလတောင် က ပြောပါတယ်။

"တစ်ဦးထပ်သေတာပေါ့၊ စုစုပေါင်း ၁၆ ဦးပါခင်ဗျ၊ သံသယလူနာ ၂၂ ဦးကို စစ်ကြည့်လိုက်တော့ ၈ ဦး ထပ်တွေ့တယ်ပေါ့နော်"

ထပ်မံသေဆုံးသွားသူတစ်ဦးဟာ ဧရာဝတီတိုင်းက ဖြစ်တယ်လို့ သိရပါတယ်။

ကျန်းမာရေးဝန်ကြီးဌာနရဲ့ စာရင်းတွေအရ ရောဂါပိုးတွေ့တဲ့လူနာ ၁၅၄ ဦး ရှိသွားပြီလည်း ဖြစ်ပါတယ်။

အဲဒီထဲကမှ ၆၃ ဦးက ကျန်းမာရေး ကောင်းမွန်လို့ ဆေးရုံက ပြန်ဆင်းသွားပြီဖြစ်တယ်လို့လည်း ပြောပါတယ်။

အဲဒီစာရင်းတွေဟာ ပြီးခဲ့တဲ့ ဇူလိုင်လ ၂၁ ရက်နေ့ကစပြီး လက်ရှိအချိန်အထိ ပြုစုထားတဲ့စာရင်းတွေလည်း ဖြစ် ပါတယ်။

RFA Burmese
http://www.rfa.org/burmese
Labels:

Post a Comment

[blogger][facebook]

Author Name

Contact Form

Name

Email *

Message *

Powered by Blogger.