ARSA အဖွဲ့ လူအင်အားလက်နက်အင်အား စုစည်းနေတယ်လို့ သတင်းတွေထွက်ပေါ်

 Arakan Rohingya Salvation Army (ARSA) အဖွဲ့မှ အစွန်းရောက် အကြမ်းဖက်သမားတွေကို တွေ့ရစဉ် Arakan Rohingya Salvation Army (ARSA) အဖွဲ့မှ အစွန်းရောက် အကြမ်းဖက်သမားတွေကို တွေ့ရစဉ်
Photo: Arakan Rohingya Salvation Army/ Facebook
ရခိုင်ပြည်နယ် မောင်တောဒေသမှာ ASRA အစွန်းရောက် အကြမ်းဖက်သမားတွေ လူအင်အား လက်နက်အင်အားစုစည်းမှုတွေ လုပ်ဆောင်နေတယ်ဆိုတဲ့ သတင်းတွေထွက်ပေါ်နေတဲ့အတွက် ရရှိထားတဲ့ သတင်းတွေကိုအတည်ပြုနိုင်ဖို့ ကြိုးစားနေတယ်လို့ ရခိုင်ပြည်နယ်ရဲတပ်ဖွဲ့မှူး ရဲမှူးကြီး အောင်မြတ်မိုး က ပြောပါတယ်။

ဘင်္ဂလားဒေ့ရ်ှနိုင်ငံဘက်က သတင်းစာတွေရေးသားချက်အရ သိရတာ ဖြစ်တယ်လို့ ရခိုင်ပြည်နယ် ရဲတပ်ဖွဲ့မှူး ရဲမှူးကြီး အောင်မြတ်မိုးက ပြောပါတယ်။

"သတင်းကြားတယ်ဆိုတာက အဓိက ဘင်္ဂလားဒေ့ရ်ှသတင်းစာတွေက ရေးတာတွေရှိတယ် လောလောဆယ်တော့ အတည်ပြုဆဲပေါ့ လုံခြုံရေးတပ်ဖွဲ့ဝင်တွေက ဒီသတင်းတွေကို အတည်ပြုနေ ကြပါတယ်"

မောင်တောဒေသမှာ နယ်မြေရှင်းလင်းရေးလုပ်ငန်းတွေကို တပ်မတော်နဲ့ နယ်ခြားစောင့်ရဲတပ်ဖွဲ့တို့ ပူးပေါင်း ဆောင်ရွက်နေပြီး လက်ရှိမှာ အကြမ်းဖက် သမားတွေနဲ့ နှစ်ဖက်ထိတွေ့မှု မရှိသေးဘူးလို့ သိရပါတယ်။

ASRA အစွန်းရောက် အကြမ်းဖက်သမားတွေက မောင်တော၊ ဘူးသီးတောင် ရသေ့တောင် ဒေသတွေမှာ အောက်တိုဘာလ ၉ ရက်နေ့အထိ ပစ်ခတ်တိုက်ခိုက် မှု ရပ်နားထားမယ်လို့ ကြေညာချက်ထုတ်ပြန်ထားပါတယ်။

နယ်မြေအေးချမ်းမှုတွေရှိလာနေပြီဖြစ်တဲ့အတွက် မူလနေရပ်တွေမှာ ပြန်လည်နေထိုင်ကြဖို့ အစိုးရက ကြေညာထားပြီးနောက်ပိုင်း မူလနေရပ်ကို ပြန်လိုကြောင်း ဒုက္ခသည်စုစုပေါင်းရဲ့ ၅၀ရာခိုင်နှုန်း လောက်က စာရင်းပေးထားတယ်လို့ ပြောပါတယ်။ အကြမ်းဖက်သမားတွေရဲ့ တိုက်ခိုက်မှုတွေကြောင့် ဘူးသီးတောင်၊ မောင်တော နဲ့ ရသေ့တောင်မြို့နယ်တွေမှာ နေရပ်စွန့်ခွာထွက်ပြေးနေရသူ ၂ သောင်းကျော် ရှိတယ်လို့ ပြည်ထောင်စုဝန်ကြီး ဒေါက်တာ ၀င်းမြတ်အေးက ပြောထားပါတယ်။

နေရပ်ပြန်လိုသူတွေကို လုံခြုံရေးရဲတပ်ဖွဲ့ဝင်တွေက နေရပ်ကို လိုက်လံပို့ဆောင်ပေးနေပြီး မောင်တော မြို့မှာ ပုံမှန်အတိုင်း ပြန်လည်လှုပ်ရှားသွား လာနေပြီဖြစ်တယ်လို့ ရဲမှူးကြီး အောင်မြတ်မိုးက ပြောပါတယ်။
RFA
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.