နန်စီပွန်ဒေသဖက်ကို ကုန်နဲ့ဆီ အများအပြားသယ်ဆောင်ခွင့်မရှိ



စစ်ကိုင်းတိုင်းဒေသကြီး၊ ခန္တီးမြို့နယ်၊ နန်စီပွန်ဒေသက ရေမဆေးကျောက်ရှာဖွေနေသူတွေကို တွေ့ရစဉ်။ Photo: Hset Paing Toe/RFA
စစ်ကိုင်းတိုင်းဒေသကြီး ခန္တီးမြို့နယ်ကနေ နန်စီပွန်နဲ့ တနိုင်းဒေသဘက်ကို ဆန်အပါအ၀င် စားသောက်ကုန်တွေနဲ့ စက်သုံးဆီတွေ အများအပြား သယ်ယူခွင့်ကို အထောက်အထား ခိုင်လုံအောင် မပြနိုင်ရင် ပိတ်ပင်ထားတယ်လို့ ခန္တီးခရိုင် အုပ်ချုပ်ရေးမှူးက ပြောပါတယ်။

နန်စီပွန်ဒေသအပြင် KIA နယ်မြေနဲ့ ဆက်စပ်နေတဲ့ တနိုင်းနယ်စပ်နေရာတွေကို တင်ပို့တာတွေကို ပိတ်ထား တာဖြစ်တယ်လို့ ခန္တီးခရိုင် အုပ်ချုပ်ရေးမှူး ဦးဇော်ဇော်က ပြောပါတယ်။

"ဟုတ်တယ်။ ကျနော်တို့ နန်စီပွန်ဘက်ရော ၊ ပဒူးမုန်းဘက်ကနေ အထက်ဘက်ရော တိုက်တေးတို့ တနိုင်းနယ်စပ်အထိ ကျနော်တို့က ခွင့်မပြုပါဘူး။ ဟိုဘက်က KIA နယ်မြေနဲ့ဆက်စပ်နေပါတယ်။ ဒီဘက်မှာလည်း တပ်မတော်စစ်ကြောင်းထိုးနေတာရှိပါတယ်။ ဆီ ဆိုတာက တကယ်လို့ ကုမ္ပဏီက လုပ်ငန်းတွေအတွက် မှန်ကန်တယ်ဆိုရင်တော့ သယ်ခွင့်ပြုပါတယ်။ သို့သော်လည်း အထောက်အထား မပါဘူး၊ ကုမ္ပဏီအတွက်လည်း စက်သုံးဆီဝယ်ယူခြင်းမဟုတ်ဘူး၊ မှာယူခြင်း မဟုတ်ဘူး၊ အထောက်အထား မပါရင် ကျနော်တို့ ခွင့်မပြုပါဘူး။"

စက်လှေကြီးတွေနဲ့ ပစ္စည်းတွေအမြောက်အမြား သယ်ယူခွင့်မပြုတာဖြစ်ပြီး ဒေသသုံးအတွက် တပိုင်တနိုင် သယ်ယူတာတွေကိုတော့ ခွင့်ပြုထားတယ်လို့လည်း ဦးဇော်ဇော်က ပြောပါတယ်။

နန်စီပွန်ဒေသဘက်ကို ဆန်တွေအပါအ၀င် စားသောက်ကုန်တွေ သယ်လာတဲ့ စက်လှေတွေကို ခန္တီးမြို့မှာ တားမြစ်ပြီး ပြန်လှည့်ခိုင်းနေတာလို့ ခန္တီးမြို့နယ် အမျိုးသားဒီမိုကရေစီအဖွဲ့ချုပ် အလုပ်အမှုဆောင်ကော်မတီဝင် ဦးအောင်ဆန်းမြင့်က ပြောပါတယ်။

စားသောက်ကုန်တွေနဲ့ စက်သုံးဆီတွေ နွေရာသီဆိုရင် မြစ်ရေကျသွားတာကြောင့် သယ်မရတဲ့အတွက် မိုးတွင်းမှာသာ စက်လှေနဲ့ သယ်ရတာဖြစ်တယ်လို့လည်း သိရပါတယ်။

နန်စီပွန်ဒေသမှာ နေထိုင်သူ လူဦးရေ တစ်သောင်းကျော်လောက်ရှိတယ်လို့လည်း ပြောပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.