ဟိုက်ထရိုဂျင်ဗုံးကို အောင်မြင်စွာ စမ်းသပ်နိုင်ခဲ့ပြီဟု မြောက်ကိုရီးယား ကြေညာ


မြောက်ကိုရီးယား အစိုးရဟာ အသစ်တီထွင်ထားတဲ့ တိုက်ချင်းပစ် ပဲ့ထိန်းဒုံးကျည်ရဲ့ ထိပ်ဖူးမှာ တပ်ဆင်ဖို့ ပုံစံထုတ်ထားတဲ့ ဟိုက်ထရိုဂျင်ဗုံးကို အောင်အောင်မြင်မြင် စမ်းသပ်ခဲ့ နိုင်ခဲ့ပြီလို့ ဒီနေ့ ကြေညာလိုက်ပါတယ်။

အရင်က နျူကလီးယား စမ်းသပ်မှုတွေထက် ပိုပြီး အားကောင်းတဲ့ဟာကို ထုတ်လုပ်နိုင်ခဲ့တယ်လို့လည်း ပြောပါတယ်။

မြောက်ကိုရီးယား ခေါင်းဆောင် ကင်ဂျုံအန်းရဲ့ အမိန့်အရ ဟိုက်ထရိုဂျင်ဗုံးကို စမ်းသပ်မှု အပြည့်အဝ အောင်မြင်တယ်၊ ဒါဟာ မြောက်ကိုရီးယားရဲ့ နျူကလီးယား လက်နက် အစီအစဉ် ပြီးစီးဖို့ အဓိပ္ပာယ်ရှိတဲ့ ခြေလှမ်းပဲလို့ အစိုးရရုပ်သံ KRT က ပြောပါတယ်။

ဗုံးစမ်းသပ်ဖို့ အမိန့်စာကို ကင်က လက်မှတ်ထိုးနေပုံနဲ့ အရာရှိတွေနဲ့အစည်းအဝေးကို ဦးစီး ကျင်းပနေပုံ ရုပ်ပုံတွေကိုလည်း KRT က ထုတ်လွှင့်ပါတယ်။

မြောက်ကိုရီးယားရဲ့ နျူကလီးယားလက်နက် စမ်းသပ်ရာနေရာနားမှာ လူကြောင့် ဖြစ်ပုံရတဲ့ ငလျင်ကြီးတခု လှုပ်ခဲ့တာကို ထောက်လှမ်း သိရှိရအပြီး နာရီပိုင်း အတွင်း ခုလို ကြေညာလိုက်တာပါ။ ဒါဟာ မြောက်ကိုရီးယား ရဲ့ ၆ ကြိမ်မြောက် နျူကလီးယား စမ်းသပ်မှုလည်း ဖြစ်ပါတယ်။
DVB TV News
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.