အကြမ်းဖက်တိုက်ခိုက်ရာတွင် ပါဝင်သူ (၁၃) ဦးအား ဖမ်းဆီးရမိ၊ မောင်တောမြို့နယ် ကျေးရွာများရှိ နေအိမ်များအား မီးရှို့ခံရ


နေပြည်တော် စက်တင်ဘာ ၈

မောင်တောမြို့၊ ဒိုးတန်းကျေးရွာ၌ လုံခြုံရေးတပ်ဖွဲ့ဝင်များသည် စက်တင်ဘာ ၃ ရက် မွန်းလွဲ ၂ နာရီခွဲတွင် နယ်မြေ လုံခြုံရေး ဆောင်ရွက်စဉ် အကြမ်းဖက် တိုက်ခိုက်ရာပါဝင်သည့် မာမောက်အဏ္ဏ၀ါ (ဘ) ဆူလေမန် ဒိုးတန်းကျေးရွာ နေသူပါ ၁၁ ဦးအား ဖမ်းဆီးရမိသဖြင့် သက်ဆိုင်ရာ နယ်မြေရဲစခန်းတွင် အကြမ်းဖက်မှု ဥပဒေဖြင့် အမှုဖွင့် အရေးယူ ဆောင်ရွက်လျက်ရှိကြောင်း သိရသည်။

အလားတူ လုံခြုံရေးတပ်ဖွဲ့ဝင်များသည် စက်တင်ဘာ ၆ ရက် ညနေ ၅ နာရီခွဲတွင် မောင်တောမြို့နယ်၊ သက္ကာယ်ပြင် ကျေးရွာသို့ နယ်မြေလုံခြုံရေး ဆောင်ရွက်ရန် ထွက်ခွာလာစဉ် ဇင်ပိုင်ညာကျေးရွာ လမ်းဆုံ၌ မာမတ်အာရစ် (ဘ) လာမျှား အီတာလျာ ကျေးရွာနေသူပါ ၂ ဦးအား ဖမ်းဆီးရမိသဖြင့် သက်ဆိုင်ရာ နယ်မြေ ရဲစခန်းတွင် အကြမ်းဖက်မှု ဥပဒေဖြင့် အမှုဖွင့် အရေးယူဆောင်ရွက်လျက်ရှိကြောင်း သိရသည်။

စက်တင်ဘာ ၇ ရက် နေ့လည် ၁၂ နာရီတွင် မောင်တောမြို့နယ် ဂေါ်ဒူသာရ (အရှေ့) ကျေးရွာရှိ နေအိမ်များ မီးလောင်မှုသတင်းနှင့် စပ်လျဉ်း၍ လုံခြုံရေးတပ်ဖွဲ့ဝင်များက နေအိမ်မီးရှို့သူများအား လိုက်လံစုံစမ်းစစ်ဆေး လျက်ရှိပြီး မီးလောင်မှုဖြစ်စဉ်ကြောင့် နေအိမ် အလုံး ၃၀ ခန့် မီးလောင်ခဲ့ကြောင်း သိရသည်။


ARSA အစွန်းရောက်အကြမ်းဖက်သမားများသည် စက်တင်ဘာ ၇ ရက် ည ၇ နာရီ ၁၅ မိနစ်တွင် မောင်တော မြို့နယ် ကြိမ်ချောင်းမြောက်ကျေးရွာရှိ နေအိမ်များအား မီးရှို့ဖျက်ဆီးခဲ့သဖြင့် နေအိမ် အလုံး ၅ လုံး မီးလောင်ခဲ့ ကြောင်း သိရသည်။

ရခိုင်ပြည်နယ် မြောက်ခြမ်းဒေသအတွင်း အကြမ်းဖက်တိုက်ခိုက်မှု ဖြစ်စဉ်တွင်ပါဝင်ခဲ့ကြသည့် ARSA အစွန်းရောက် အကြမ်းဖက်သမားများအနက် သြဂုတ် ၂၅ ရက်နေ့တွင် ၂ ဦး၊ သြဂုတ် ၂၉ ရက်နေ့တွင် ၂ ဦး၊ သြဂုတ် ၃၀ ရက်နေ့တွင် ၄ ဦး၊ သြဂုတ် ၃၁ ရက်နေ့တွင် ၇ ဦး၊ စက်တင်ဘာ ၂ ရက်နေ့တွင် ၁ ဦး၊ စက်တင်ဘာ ၃ ရက်နေ့တွင် ၁၂ ဦး၊ စက်တင်ဘာ ၅ ရက်နေ့တွင် ၃ ဦး၊ စက်တင်ဘာ ၆ ရက်နေ့တွင် ၆ ဦး၊ စက်တင်ဘာ ၇ ရက်နေ့တွင် ၁၃ ဦး၊ စုစုပေါင်း ၅၀ ဦးအား ဖမ်းဆီးရမိခဲ့ပြီး သက်ဆိုင်ရာနယ်မြေ ရဲစခန်းများ၌ ဥပဒေနှင့်အညီ စစ်ဆေးလျက် ရှိကြောင်း သိရသည်။

(သတင်းထုတ်ပြန်ရေးကော်မတီ)
https://www.facebook.com/InfomationCommittee/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.