သမ္မတရွေးစနစ် မကျေနပ်သူတချို့ စင်္ကာပူမှာ ဆန္ဒပြ



Halimah Yacob Singapore
စင်္ကာပူနိုင်ငံရဲ့သမ္မတအဖြစ် အမျိုးသမီးတဦး ပထမဆုံးဖြစ်လာပြီးတဲ့နောက် ဒီအပေါ် မကျေနပ်ကြတဲ့ စင်္ကာပူနိုင်ငံသားတွေ စနေနေ့က စုဝေးဆန္ဒပြကြ ပါတယ်။ ရွေးကောက်ပွဲ ကျကျနနမလုပ်တဲ့အပေါ် ပြစ်တင် ဝေဖန်တဲ့ စင်္ကာပူနိုင်ငံသား ရာပေါင်း များစွာ စုဝေးပြီး ရှားရှားပါးပါး နိုင်ငံရေးဆန္ဒပြပွဲတခုအဖြစ် ပန်းခြံတခုမှာ တိတ်တိတ်ဆိတ်ဆိတ်နဲ့ ထိုင်သပိတ် မှောက်ကြတာပါ။ လွှတ်တော်ဥက္ကဌဟောင်းတဦးဖြစ်သူ မလေး မူဆလင် လူနည်းစုဝင် Halimah Yacob ဟာ စင်္ကာပူသမ္မတအဖြစ် ကြာသပတေးနေ့က ကျမ်းသစ္စာ ကျိန်ဆိုခဲ့ပါတယ်။ သူနဲ့အတူ ပြိုင်အရွေးခံသူနှစ်ဦးကို အရည်အချင်းမပြည့်မီကြောင်း သတ်မှတ်ပြီးတဲ့နောက် ယှဉ်ပြိုင်သူမရှိ၊ မဲခွဲစရာမလိုဘဲ သမ္မတဖြစ်လာတာပါ။

လူသိများ ထင်ရှားပြီးသားပုဂ္ဂိုလ်တဦး အနိုင်ရအောင် အသေအချာ အကွက်ချစီစဉ်ခဲ့တာဆိုပြီး လူမှုဆက်သွယ်ရေးကွန်ယက် မီဒီယာတွေပေါ်မှာ ဝေဖန် ပြောဆိုတာတွေ ထွက်လာပြီးတဲ့နောက် ဆန္ဒပြပွဲဖြစ်လာတာပါ။

စင်္ကာပူနိုင်ငံမှာ သမ္မတရဲ့အခန်းကဏ္ဍဟာ အများအားဖြင့် ဂုဏ်ထူးဆောင်သဘောလောက်ပဲ ဖြစ်ပေမဲ့ အစိုးရအဖွဲ့ အဓိက ရာထူး နေရာခန့်ထားမှုတွေကို ဗီတိုအာဏာသုံးပြီး ပယ်ချနိုင်သလို တိုင်းပြည် အရန်ဘဏ္ဍာငွေ အမြောက်အများကို ထိန်းသိမ်းစောင့်ရှောက်ရတဲ့တာဝန်လည်း ရှိပါတယ်။

ဆန္ဒပြသူတွေကတော့ သူတို့ဟာ သမ္မတကိုကန့်ကွက်တာမဟုတ်ဘဲ ဒီမိုကရေစီနည်းကျ မဲပေးရွေးချယ်ခွင့် မရတဲ့စနစ်ကို ဆန့်ကျင်တာသာဖြစ်တယ်လို့ ပြောကြပါတယ်။ ဆန္ဒပြသူ ၂,၀၀၀ လောက်ရှိတယ်လို့ စီစဉ်သူတွေကပြောပေမဲ့ AFP သတင်း ထောက်တဦး ရေတွက်တာအရတော့ ၈၀၀ လောက်ပဲ ရှိပါတယ်။

ဗွီအိုအေ (မြန်မာပိုင်း)
https://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.