ဌာနဆိုင်ရာအင်အား နှစ်ရာကျော်ခန့်မှ ကျူးကျော်နေအိမ်များအားရှင်းလင်းဖယ်ရှား


စက်တင်ဘာလ ၈ ရက်၂၀၁၇

တောင်ကြီး မြို့နယ် ၊ အေးသာယာမြို့သစ် အမှတ်(၁) ရပ်ကွက် အတွင်းကျူးကျော် နေအိမ်များအား တောင်ကြီးခရိုင်မှ ရဲတပ်ဖွဲ့ ၊ မီးသတ် နှင့် ဌာနဆိုင်ရာ အင်အား ၂၅၀ ခန့်က စုပေါင်းဖယ်ရှားမှုပြုခဲ့သည်။

စက်တင်ဘာလ ၇ ရက်နေ့က အေးသာယာမြို့သစ် အမှတ် ၁ ရပ်ကွက် နယ်မြေ (၁/၂/၃) အတွင်းရှိ ကျူးကျော်တဲ ၅၀ ကျော်အနက် လက်ကျန် ၉ လုံးအား ရှင်းလင်း ခဲ့ကြခြင်းဖြစ်ကြောင်း တောင်ကြီးခရိုင် အုပ်ချုပ်ရေးမှူး ဦးကျော်အံ့မောင် ကပြောသည်။

"နည်းဥပဒေလုပ်ထုံးလုပ်နည်းအတိုင်းတရားရုံးကနေပြီး ပြစ်ဒဏ်ချမှတ်ပြီးသားဖြစ်ပါ တယ်။ အဲဒီအတွက် မြေနေရာကနေ ဖယ်ရှားပေးဖို့ပြီးခဲ့တဲ့လက ကျနော်တို့ ဆင့်စာ ထုတ်တယ်။ တစ်အိမ်ချင်း လိုက်ကပ်ပေးခဲ့ပါတယ်။ နေအိမ် ၅၆ လုံးရှိတဲ့အနက် စက် တင် ဘာလ ၁ ရက်နေ့ကနေ ၅ ရက်နေ့အထိ နေအိမ် ၄၇ လုံး လာဖျက်ပါတယ်။ ကျန်တဲ့နေအိမ် ၉ လုံး ကမဖျက်သေးလို့ ကျနော်တို့စီမံချက်ပါအတိုင်း ပြည်နယ်အစိုးရ ကို တင်ပြပြီးတော့ ကော်မတီတွေ အဖွဲ့ဝင်တွေ နဲ့အခုလာ ဖျက်တာဖြစ်ပါတယ် " ဟု ၄င်းက မီဒီယာများအား ရှင်းလင်းပြောကြားသည် ။


၁၈၈၉ ခုနှစ် အထက်မြန်မာပြည် မြေပုံတော် စည်းမျဉ်းဥပဒေတွင်ပါရှိသည့်အတိုင်း နည်းဥပဒေ (၁၀) အရ ၊ အခွန်တော်အရာရှိ သည် အစိုးရစီမံခန့်ခွဲပိုင်ခွင့် ရှိသောမြေအား ပြန်လည်ရယူသည့် နည်းဥပဒေပုဒ်မ ပါရှိကြောင်း ဦးကျော်အံ့မောင် ဆက်လက်ရှင်းပြခဲ့ပါသည် ။

အမှတ် (၁) ရပ်ကွက် ၊ နယ်မြေ(၁) ၊ ကံသစ်ဘုန်းကြီးကျောင်း အရှေ့မြောက်ဘက်ရှိ ဘုရားတောင်နှင့် လျှိုရေချောင်းကြား အစိုးရပိုင်မြေပေါ်တွင်အခွင့် အမိန့်မရှိပဲ တရားမ၀င်နေအိမ်ဆောက်လုပ်ထားသော မြေပေါ်တွင် လက်ရှိနေထိုင်ခြင်း မပြုရန် ၊ ချက်ချင်းထွက်ခွာ သွားရန် နှင့် ၄င်းမြေပေါ်ရှိ နိူင်ငံပိုင်ပစ္စည်းမှတစ်ပါး အခြားအရပ်ရပ်ပစ္စည်း များကို လဲတပါတည်း ရွှေ့ပြောင်းထုတ်ယူ ရမည့်အကြောင်း ဆင့်စာကို ဂျွန်လ ၁၇ ရက်နေ့ကထုတ် ပြန်ခဲ့သော်လည်း ကျူးကျော်နေအိမ်များမှ ဖယ်ရှားခြင်းမရှိသည့်အတွက် လူအမည် မသိရှိရသည့် နို့တစ်စာထုတ်ဆင့်ထားသော ကျူးကျော်နေ အိမ်များအား စက်တင်ဘာလ ၅ ရက်နေ့ နောက်ဆုံးထားဖယ်ရှားထွန်ခွာသွားရန်နှင့် လိုက်နာရန်ပျက်ကွက် ပါက အင်အားသုံးဖယ်ရှား ဆောင်ရွက်သွားမည်ဖြစ်ကြောင်း အကြောင်းကြားစာ၏ဖော်ပြ ချက်အရသိရှိရ ပါသည် ။

သျှမ်းသံတော်ဆင့်/ ယိင်းတိုင်း
Panglong(Burmese)
https://www.facebook.com/Panglong.burmese/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.