မြန်မာ-အိန္ဒိယ နယ်စပ်တံတား ပြန်လည်ဖွင့်လှစ်


မြန်မာ-အိန္ဒိယနှစ်နိုင်ငံချစ်ကြည်ရေးတံတားကို အိန္ဒိယနိုင်ငံ မီဇိုရမ်ပြည်နယ်ရှိ နိုင်ငံရေး ပါတီတစ်ခုဖြစ်သည့် Mizoram National Front-MNF ပါတီက မီဇိုရမ်ပြည်နယ်အတွင်းရှိ လမ်းပန်းဆက်သွယ်ရေးခက်ခဲမှုကို ပြန်လည်ပြုပြင်စေလို၍ ဆန္ဒပြသသည့်အနေဖြင့် လူနှင့် ယာဉ်ဝင်/ထွက်သွားလာမှုကို စက်တင်ဘာ ၁၄ ရက်က တားမြစ်ပိတ်ပင်ထားခဲ့ရာ စက်တင်ဘာလ ၁၅ ရက်နေ့  နံနက် ၈ နာရီတွင် ပြန်လည်ဖွင့်လှစ်ခဲ့ပြီးဖြစ်ကြောင်း သိရသည်။

မြန်မာ-အိန္ဒိယနှစ်နိုင်ငံနယ်စပ်တံတားကို မီဇိုရမ်ပြည်နယ်အတွင်း ကူးသန်းသွားလာသည့် လမ်းမကြီးများပျက်စီးပြီး ပြည်သူများအခက်အခဲ ကြုံတွေ့နေရခြင်းကြောင့် ပြည်နယ်အတွင်းရှိ လမ်းပန်းဆက်သွယ်ရေးပျက်စီးမှုကို ပြည်နယ်အစိုးရက ပြန်လည်ပြုပြင်ပေးရေးအတွက် MNF ပါတီက ဆန္ဒပြသည့်အနေဖြင့် စက်တင်ဘာ ၁၄ ရက် နံနက် ၆ နာရီမှ ညနေ ၆ နာရီအတွင်း မြန်မာ-အိန္ဒိယနှစ်နိုင်ငံနယ်စပ်တံတားမှ လူနှင့်ယာဉ်ဝင်/ထွက်သွားလာမှု ပိတ်ပင်ထားခြင်း ဖြစ်ရာ ခရီးသွားပြည်သူများကို ထောက်ထားသည့်အနေဖြင့် တံတားပြန်လည်ဖွင့်လှစ်ပေးခြင်း ဖြစ်သည်။

အဆိုပါ ဆန္ဒပြတောင်းဆိုမှုနှင့်ပတ်သက်၍ သက်ဆိုင်ရာများနှင့် ဆက်လက်တိုင်ပင် ဆွေးနွေးသွားမည်ဖြစ်ပြီး တိုင်ပင်ဆွေးနွေးမှုထူးခြားမှုမရှိပါက ဆန္ဒပြခြင်းကို ဆက်လက် ဆောင်ရွက်သွားရန် စီစဉ်ထားကြောင်း သိရသည်။

ရိခေါဒါရ်(ပြန်/ဆက်)
The Mirror Daily
https://www.facebook.com/TheMirrorDaily/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.