မြန်မာ-ဘင်္ဂလားဒေ့ရှ် သံတမန် ဆက်ဆံရေး အဖုအထစ် ဖြစ်လာပြန်



ဘင်္ဂလားဒေ့ရှ် နယ်ခြားစောင့်တပ်
မြန်မာရဲ့ စစ်တပ်သုံး ဒရုန်း ယာဉ်ပျံတွေ၊ ရဟတ်ယာဉ်တွေ ဟာ ပြီးခဲ့တဲ့ သီတင်းထဲ ဘင်္ဂလားဒေ့ရှ် နိုင်ငံဘက်ခြမ်းကို ၃ ရက် ကျူးကျော် ဝင်ရောက်ခဲ့တယ် ဆိုပြီး ဘင်္ဂလားဒေ့ရ်ှက ကန့်ကွက် လာပါတယ်။

စက်တင်ဘာလ ၁၅ ရက် ညနေပိုင်းက ဒါကာမြို့ မြန်မာသံရုံးကို ဘင်္ဂလားဒေ့ရှ် နိုင်ငံခြားရေး ရုံးက အကြောင်းကြားလာတာ ဖြစ်ပါတယ်။

ဒီလို တစ်ဘက်နိုင်ငံက ပြောဆိုလာတဲ့ အချက်ကို မြန်မာ နိုင်ငံခြားရေး ဌာန အနေနဲ့ သက်ဆိုင်ရာ ကာကွယ်ရေးဝန်ကြီးဌာနထံ အသိပေးသွားမယ်လို့ နိုင်ငံခြားရေးရုံး ပထမ အမြဲတမ်း အတွင်းဝန် ဦးကျော်ဇေယျက ဆိုပါတယ်။

ဒရုန်းယာဉ်ပျံနဲ့ ပတ်သက်ပြီး မြန်မာဘက်ခြမ်းကနေ ဘင်္ဂလားဒေ့ရ်ှပိုင် ဝေဟင်ထဲ ဝင်ရောက်မှု တကယ်ရှိခဲ့လား၊ ရှိခဲ့ရင်လည်း ဘယ်သူပိုင် ဒရုန်းတွေ ဖြစ်မလဲ ဆိုတာမျိုးတွေကို အသေအချာ ဆန်းစစ်ဖို့ လိုတယ် ဆိုပြီး နိုင်ငံခြားရေးရုံး ပြောခွင့်ရ ဦးကျော်ဇေယျက ဘီဘီစီကို ပြောပါတယ်။

မြန်မာ ရဟတ်ယာဉ်တွေ နယ်စပ်ဖြတ်ကျော် ဝင်ခဲ့တယ် ဆိုတဲ့ ပြောဆိုမှုမျိုး အရင်တုန်းကလည်း ရှိခဲ့ဖူးပြီး၊ မြန်မာ ကာကွယ်ရေး ဌာနက စိစစ်မှုတွေ ပြုလုပ်ကာ မဟုတ်မှန်ကြောင်း တုံ့ပြန် ခဲ့ရဖူးတယ်လို့ ဦးကျော်ဇေယျက ပြောပါတယ်။

ရခိုင်ပြည်နယ်တွင်း မတည်ငြိမ်မှုတွေ၊ ပဋိပက္ခတွေကြောင့် ဘင်္ဂလားဒေ့ရ်ှဘက် ရောက်လာတဲ့ သိန်းနဲ့ချီတဲ့ ဒုက္ခသည်တွေ အရေးနဲ့ ပတ်သက်ပြီး နိုင်ငံတကာရဲ့ အာရုံစိုက်မှုတွေ၊ နှစ်နိုင်ငံကြား အပြန်အလှန် ပြောဆိုမှုတွေ ရှိနေတုန်းမှာပဲ အခုလို သံတမန် ဆက်ဆံရေး အဖုအထစ် ဖြစ်လာ ပြန်ခဲ့တာပါ။

ဘင်္ဂလားဒေ့ရ်ှဘက်ကတော့ သူတို့ ဝေဟင်ပိုင်နက်ထဲ ကျူးကျော်ဝင်ရောက်တာဟာ မြန်မာဘက်က ရန်စ ကျူးလွန်ရာ ရောက်တယ်ဆိုပြီး ပြင်းပြင်းထန်ထန် ပြောထားပါတယ်။

BBC Burmese
http://www.bbc.com/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.