သီးနှံလျော်ကြေး ရရဖို့ ဆောင်ရွက်ပေးမယ်လို့ တိုင်းလွှတ်တော် ကိုယ်စားလှယ် ကတိပေး



တိုင်းဒေသကြီးလွှတ်တော်ကိုယ်စားလှယ် ဒေါက်တာသိန်းနိုင်နဲ့ ဒေသခံတွေ စက်တင်ဘာလ ၁၆ ရက်နေ့က တုံရွာမ လောကမာန်အောင် ဘုရားဝင်း မှာ တွေ့ဆုံစဉ်။ Photo: Soe Lwinoo
လက်ပံတောင်းတောင် ကြေးနီစီမံကိန်းကြောင့် သိမ်းယူခံလိုက်ရတဲ့ မြေယာတွေက သီးနှံလျော်ကြေး ရရှိဖို့  ဆောင်ရွက်ပေးမယ့်အကြောင်း ဆားလင်းကြီးမြို့နယ် တိုင်းဒေသကြီးလွှတ်တော်ကိုယ်စားလှယ် ဒေါက်တာသိန်းနိုင်က ဒေသခံတောင်သူတွေကို ကတိပေးခဲ့တယ်လို့ သိရပါတယ်။

တိုင်းဒေသကြီးလွှတ်တော်ကိုယ်စားလှယ် ဒေါက်တာသိန်းနိုင်နဲ့ ဒေသခံတွေ မနေ့က တွေ့ဆုံစဉ် မှာ  ကတိပေးခဲ့တာဖြစ်တယ်လို့ တွေ့ဆုံပွဲကို တက်ရောက်ခဲ့တဲ့ အလယ်တောကျေးရွာက မစန္ဒာက ပြောပါတယ်။

"သီးနှံနစ်နာကြေးကိုတော့ပေါ့နော် ခေါင်းစဉ်တမျိုးမျိုးနဲ့ မဖြစ်ဖြစ်အောင်ပေါ့နော် ဒေသခံအတွက် ရအောင်လုပ်ပေးပါမယ်ပေါ့။ စစ်ကိုင်းတိုင်းဝန်ကြီးချုပ်နဲ့လည်း သူတွေ့ပြီးတော့ သူရအောင် တောင်းပေးမယ့်။ ၀န်ကြီးချုပ်ကမှ လုပ်မပေးဘူးဆိုရင် ပြည်ထောင်စုအဆင့်အထိ သူ့နေ့ရာ၊ သူ့အမတ်နေရာ ပြုတ်ချင် ပြုတ် ပါစေပေါ့နော်။ ပြည်ထောင်စုအဆင့်အထိ ထပ်ပြီးတောင်းဆို ပေးသွားမယ်လို့ သူပြောသွားပါတယ်ရှင်"

အဲဒီတွေ့ဆုံပွဲမှာ ဒေသခံတွေက တောင်းဆိုတာက လက်ပံတောင်းတောင်ကြေးနီ စီမံကိန်း အစီရင်ခံစာမှာ ပါတဲ့အတိုင်း အစားထိုးမြေဧက ၁၉၀၀ ဖော်ထုတ်ပေး ဖို့၊ သီးနှံနစ်နာကြေးရယ်၊ လယ်ယာမြေဆုံးရှုံးတဲ့သူတွေအတွက် ထောက်ပံ့ကြေးတွေပေးဖို့ ဖြစ်ပါတယ်။

ဝမ်ပေါင်ကုမ္ပဏီက ယာမြေတွေကို ခြံစည်းရိုးခတ်ပြီးတဲ့နောက် ခြံစည်းရိုးထဲမှာ ပါသွားတဲ့ မြေယာ ၁၉၀၀ ဧကအတွက် သီးနှံလျော်ကြေး ၃ နှစ်စာကို တောင်းဆို တာဖြစ်ပါတယ်။

အဲဒီတောင်းဆိုချက် ၃ချက်နဲ့ ပတ်သက်ပြီး ၀မ်ပေါင်ကုမ္ပဏီ၊ အထွေထွေအုပ်ချုပ်ရေးဦးစီးဌာန၊ လွှတ်တော်ကိုယ်စားလှယ်တွေနဲ့ ညှိနှိုင်းသွားဖို့ အစီအစဉ်ရှိတယ် လို့လည်း တိုင်းဒေသကြီး လွှတ်တော်ကိုယ်စားလှယ် ဒေါက်တာသိန်းနိုင်က ပြောပါတယ်။

တိုင်းဒေသကြီးလွှတ်တော်ကိုယ်စားလှယ် ဒေါက်တာသိန်းနိုင်နဲ့ ဒေသခံ အယောက် ၃၀ လောက်ဟာ တုံရွာမ လောကမာန်အောင် ဘုရားဝင်းမှာ မနေ့က တွေ့ဆုံ ခဲ့တာဖြစ်ပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.