ဘူးသီးတောင်ဘက်ကနေ စစ်တွေကို လူထောင်ချီ ဆက်ပြေးလာနေ

ဘူးသီးတောင်ကနေ ထွက်ခွာနေသူတွေကို စက်တင်ဘာ ၁ ရက်နေ့က မြင်တွေ့ရစဉ်

ရခိုင်ပြည်နယ်မြောက်ပိုင်း မေယုမြစ်ထဲမှာ မောင်တောနဲ့ ဘူးသီးထောင်ဘက်ကနေ စစ်တွေကို ထွက်ခွာသွားနေတဲ့ လူတွေ ဒီနေ့ ထောင်နဲ့ချီ တွေ့ရတယ်လို့ အဲဒီဒေသတွင်းကို ရောက်နေတဲ့ ဘီဘီစီသတင်းထောက်က ပြောပါတယ်။

အကြမ်းဖက်မှုအန္တရာယ်ကို စိုးရိမ်တဲ့အတွက် ဘူးသီးထောင်ဘက်က ဒေသခံတွေဟာ လှေတွေ၊ သင်္ဘောတွေနဲ့ ထွက်ခွာသွားနေကြပြီး အဲဒီထဲမှာ အမျိုးသမီးနဲ့ ကလေးတွေလည်း အများအပြား ပါဝင်ပါတယ်။

ထွက်ပြေးလာသူတွေထဲမှာ ရခိုင်၊ မြို၊ ဒိုင်နက်၊ ခမီ၊ ဟိန္ဒူတွေ ပါဝင်ပါတယ်။ အကြမ်းဖက်မှုနဲ့ မဆက်စပ်တဲ့ အေးအေးချမ်းချမ်းနေလိုတဲ့ မွတ်စလင် မိသားစုတွေကိုလည်း အာဏာပိုင်တွေက အကူအညီတွေ ပေးနေတယ်လို့ အာဏာပိုင်တွေဘက်က ထုတ်ပြန်ထားပါတယ်။

မောင်တောဘက်ကနေ နယ်စပ်ဖြတ်ပြီး ဘင်္ဂလားဒေ့ရ်ှဘက်ကို ထွက်ပြေးတာတွေလည်း ရှိနေပါတယ်။

လောလောဆယ် ဘူးသီးတောင်မြို့ဟာ ဒေသခံတွေ ထွက်ပြေးတိမ်းရှောင်သွားကြတဲ့အတွက် မြို့ပျက်ကြီးလို ဖြစ်နေတယ်လို့ ဘီဘီစီသတင်းထောက်က ပြောပါတယ်။

အမှတ် ၁ နယ်ခြားစောင့်ရဲ ကွပ်ကဲရေးမှူး ရဲမှူးချုပ် သူရစန်းလွင်ကလည်း လုံခြုံရေးစိုးရိမ်မှုကြောင့် ထွက်ပြေး နေကြတဲ့ ဒေသခံတွေ အများအပြားရှိနေသေးကြောင်းနဲ့ သူတို့ကို လိုအပ်တဲ့အကူအညီတွေ ပေးနေကြောင်း ဘီဘီစီကို ပြောပါတယ်။

တိုက်ခိုက်မီးရှို့မှုတွေတော့ ဒီနေ့ စနေနေ့မှာ မတွေ့ရကြောင်း၊ မွတ်ဆလင်တွေရဲ့ ဘာသာရေးနေ့ ဖြစ်တာကြောင့် လုံခြုံရေးဘက်ကလည်း ထိန်းထိန်းသိမ်းသိမ်းဆောင်ရွက်နေကြောင်း သူရစန်းလွင်က ပြောပါတယ်။

BBC Burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.