အစိုးရသစ် နှင့် ပထမဆုံးအကြိမ်တွေ့ဆုံမှု ယုံကြည်မှုတည်ဆောက်ခြင်းဖြစ် RCSS ပြော


စက်တင်ဘာ ၁၂ ရက် ၂၀၁၇

နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နှင့် သျှမ်းပြည်ပြန်လည် ထူထောင်ရေးကောင်စီ/ သျှမ်းပြည်တပ်မတော် RCSS/SSA ဗိုလ်ချုပ်ကြီးယွက်စစ် ဦးဆောင်သည့် ကိုယ်စားလှယ်တို့ တွေ့ဆုံခြင်း သည် ဒီမိုကရေစီ အစိုးရသစ်နှင့်ပထမဆုံးအကြိမ်တွေ့ဆုံမှုဖြစ်ပြီး ယုံကြည်မှု တည်ဆောက်ခြင်းအတွက် ဟုလည်းဆိုနိုင်ကြောင်း RCSS ကပြောဆိုသည်။

စက်တင်ဘာ ၁၁ ရက်နေ့ က နေပြည်တော်ရှိ အမျိုးသားပြန်လည်သင့်မြတ်ရေး နှင့် ငြိမ်းချမ်းရေး ဗဟိုဌာန NRPC ၌ ဆွေးနွေးခဲ့ကြောင်း သိရသည်။

“ ဒီတွေ့ဆုံမှုဟာ အစိုးရသစ်လက်ထပ်မှာ ပထမဆုံးတွေ့ဆုံမှုဖြစ်ပြီး ယုံကြည်မှု တည်ဆောက်ကြတယ်၊ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် နဲ့ ဆွေးနွေးတဲ့ခါမှာတော့ မူးယစ်ဆေးဝါး တိုက် ဖျက်ရေးကိုတော့ အဓိကထား ဆွေးနွေးတယ်၊ မူးယစ်ဆေးဝါးတိုက်ဖျက်ရေးမှာဆိုလည်း ဒေါ်အောင်ဆန်းစုကြည်အနေနဲ့ အမျိုးသမီးတွေ ပါဝင်လာစေချင်တယ်” ဟု (RCSS/SSA) မှ ဒုတိယ ဗိုလ်မှူးကြီး စိုင်းမိဏ်းကပြောသည်။

ငြိမ်းချမ်းရေးလုပ်ငန်းစဉ်မှာ နားလည်မှု နှင့် ယုံကြည်မှု တည်ဆောက်ရေး ၊ တိုင်းရင်းသားနယ်မြေ ဒေသ များ ဖွံ့ဖြိုးတိုးတက်ရေး၊ ပညာရေး၊ ကျန်းမာရေး နှင့် မူးယစ်ဆေးဝါးတိုက်ဖျက်ရေး ကိစ္စရပ်များကို ဆွေးနွေးကြကြောင်း ၄င်းကပြောသည်။

စက်တင်ဘာ ၁၁ ရက်နေ့က သျှမ်းပြည်ပြန်လည် ထူထောင်ရေးကောင်စီ/သျှမ်းပြည်တပ်မတော် (RCSS/SSA) ဗိုလ်ချုပ်ကြီးယွက်စစ် ဦးဆောင်သည့် ကိုယ်စားလှယ် ၆ ဦးသည် နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ၊ နိုင်ငံတော် အစိုးရကိုယ်စားလှယ် အဖွဲ့ အမျိုးသားပြန်လည်သင့်မြတ်ရေး နှင့် ငြိမ်းချမ်းရေးဗဟိုဌာန (NRPC) ဒုတိယ ဥက္ကဋ္ဌ ပြည်ထောင်စုဝန်ကြီး ဦးကျော်တင့်ဆွေ နှင့် ဒုတိယ ကာကွယ်ရေးဦးစီးချုပ် တို့အား တွေ့ဆုံ ဆွေးနွေးခဲ့ကြောင်း သိရသည်။

“တပ်မတော် ဘက်ကတော့ ကျနော်တို့ သွားဆွေးနွေးတာက နှစ်ဘက် နားလည်မှုတွေနဲ့ ပတ်သက်တာတွေ ပြီးတော့ နှစ်ဘက် ရင်ဆိုင်တိုက်ပွဲ ဖြစ်နေတာတွေ ၊ တပ်မတော်ဘက်က ပြောဆိုလာတာတွေ ရှိတယ် ရင်ဆိုင်တိုက်ပွဲတွေ ဖြစ်ရင် ပြည်သူတွေ မထိခိုက်အောင် နှစ်ဘက် အလျှော့အတင်းလေးတွေ ဖြစ်စေချင်တယ် ၊ အလျှော့အတင်းနဲ့ ပတ်က်ပြီး ထိခိုက်မှု မရှိအောင် ကျနော်တို့ဘက်က ပြန်တောင်းဆိုတယ်။ ကျနော်တို့ ဆက်ဆံရေးရုံးနဲ့ မကြာခဏ ဆက်သွယ်ဖို့ ၊ သွားလာလှုပ်ရှားမယ်ဆိုရင်အကြောင်းကြားဖို့ ပြောဆိုဆွေးနွေးတယ်။နောက်ပြီးတော့ တိုက်ပွဲတွေ မဖြစ်အောင် ဘယ်လိုလုပ်ကြမလဲ ။ ကျနော်တို့ ဒါတွေ ဆွေးနွေးတယ်”ဟု ဒုတိယ ဗိုလ်မှူးကြီး စိုင်းမိဏ်း ကပြောသည်။

သျှမ်းပြည်ပြန်လည်ထူထောင်ရေးကောင်စီ/သျှမ်းပြည်တပ်မတော် (RCSS/SSA) သည် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးစာချုပ် (NCA) လက်မှတ်ရေးထိုး ထားသော အဖွဲ့တစ်ဖွဲ့ ဖြစ်ပါသည်။

သျှမ်းသံတော်ဆင့်
Panglong(Burmese)
https://www.facebook.com/Panglong.burmese/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.