ဒုက္ခသည်လက်ခံရေး မျှော်လင့်ထားတဲ့ တုံ့ပြန်မှုမျိုးမရခဲ့လို့ ဘင်္ဂလာဒေ့ရှ် နိုင်ငံခြားရေးဝန်ကြီး ပြော


ရခိုင်ပြည်နယ်က ထွက်ပြေးလာခဲ့ကြတဲ့ ဒုက္ခသည်တွေ ပြန်လည်လက်ခံရေးနဲ့ ပတ်သက်ပြီး၊ မျှော်လင့်ထားတဲ့ တုံ့ပြန်မှုမျိုး မြန်မာအစိုးရဆီက မရရှိခဲ့ဘူးလို့ ဘင်္ဂလာဒေ့ရ်ှနိုင်ငံခြားရေးဝန်ကြီးက ပြောဆိုကြောင်း ဒါကာ ထရီဗြွန်း သတင်းစာက ဖေါ်ပြပါတယ်။

ဒါကာမြို့တော်မှာ ကျင်းပခဲ့တဲ့ ကုလသမဂ္ဂ ဆွေးနွေးပွဲတရပ်အပြီးမှာ၊ ဒုက္ခသည်အရေးနဲ့ ပတ်သက်ပြီး သတင်းထောက်တွေကို ပြောဆိုခဲ့တာပါ။

ဒုက္ခသည်တွေ ပြန်ပို့ရေးနဲ့ ပတ်သက်ပြီး မျှော်လင့်ထားတာ အားလုံးတော့ မြန်မာဆီကနေ မရရှိသေးပါဘူး၊ ဒါပေမဲ့ နှစ်နိုင်ငံလုံးအနေနဲ့ လမ်းကြောင်းမှန်ပေါ်မှာပဲ ရှိနေပါတယ်လို့ ဘင်္ဂလာေးဒ့ရ်ှနိုင်ငံခြားရေးဝန်ကြီး ရှာဟီဒူ က ပြောပါတယ်။

ဒီအတွင်း ဘင်္ဂလားဒေ့ရ်ှနိုင်ငံဆိုင်ရာ တရုတ်သံအမတ် မာမင့်ချိုင်း က ဒုက္ခသည်ပြဿနာနဲ့ ပတ်သက်ပြီး ဘင်္ဂလားဒေ့ရ်ှနဲ့ မြန်မာတို့အတူ ပူးတွဲပြီး ငြိမ်းငြိမ်းချမ်းချမ်း အဖြေရှာနိုင်လိမ့်မယ်လို့ မျှော်လင့်ကြောင်း ပြောဆိုလိုက်ပါတယ်။

တရုတ်ပြည်အနေနဲ့ ရခိုင်ပြည်နယ်ဘက်က ဒုက္ခသည်အများအပြား ဘင်္ဂလားဒေ့ရ်ှနိုင်ငံတွင်း ဝင်ရောက်လာကတည်းက ဘင်္ဂလားဒေ့ရှ် နိုင်ငံခြားရေးဝန်ကြီးနဲ့ အနီးကပ် ထိတွေ့ဆက်သွယ်နေခဲ့ကြောင်း၊ ဒီပြဿနာ နဲ့ပတ်သက်ပြီး ဘင်္ဂလားဒေ့ရ်ှနဲ့အတူ တသားတည်းရပ်တည်နေကြောင်း၊ တရုတ်ပြည်ရဲ့ ညီအကိုတွေဖြစ်ကြတဲ့ ဘင်္ဂလားဒေ့ရ်ှနဲ့ မြန်မာတို့အတူထိုင်ပြီး ဆွေးနွေးအဖြေရှာကြရင် မပြေလည်စရာအကြောင်းမရှိကြောင်း၊ ဆွေးနွေးတာကနေ့မြင်သာတဲ့ ရလဒ်တွေရခဲ့တာ တွေ့ခဲ့ရကြောင်းလည်း ဘင်္ဂလားဒေ့ရ်ှနိုင်ငံဆိုင်ရာ တရုတ်သံအမတ်က ပြောပါတယ်။

Photo: www.mofa.gov.bd
RFA Burmese
https://www.facebook.com/rfaburmese/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.