ပရိတ်သတ်တွေက ခွန်အားတွေပေးတယ်လို့ အောင်လအန်ဆိုင်းပြော


ကင်မရွန်း လူမျိုး ဟဲဗီးဝိတ် ကမ္ဘာ့ချန်ပီယံ “ကျားသစ်နက်” Ngalani နဲ့ယှဉ်ပြိုင်မယ့်ပွဲစဉ်နဲ့ ပတ်သက်ပြီး မြန်မာနွယ်ဖွား ONE မစ်ဒယ်လ်ဝိတ် ကမ္ဘာ့ချန်ပီယံ အောင်လ အန်ဆိုင်း “မြန်မာ့စပါးအုံး” က သူ့ကို ခွန်အားပေးနေတဲ့သူတွေက ပရိတ်သတ်တွေပဲ လို့ပြောဆိုလိုက်ပါတယ်။

လာမယ့် နိုဝင်ဘာလ(၃) ရက်နေ့ ရန်ကုန်မြို့၊ သုဝဏ္ဏ မိုးလုံလေလုံ အားကစား ရုံမှာ ONE: HERO’S DREAM (သူရဲကောင်းတို့၏ အိမ်မက်) ပြိုင်ပွဲကြီးကို ကျင်းပပြုလုပ်မှာဖြစ်ပြီး စိန်ခေါ်ပွဲထိုးသတ်ဖို့ ၂၃ ရက်အလို (အောက်တိုဘာ ၁၁ရက်) မှာ လူမှုကွန်ယက်ကနေတစ်ဆင့် ပြောဆိုလိုက်တာ ဖြစ်ပါတယ်။

“ ကျွန်တော့် ပရိတ်သတ်တွေဝန်းရံနေလို့ကျွန်တော် သေခြင်းတရားဆိုတဲ့အရိပ်တွေကို မကြောက်ဘဲ ယှဉ်ပြိုင်မယ်။ ကျွန်တော့်ကို ပိုမိုကြံ့ခိုင်သန်စွမ်းမှုနဲ့ခွန်အားတွေပေးသူတွေကတော့ ကျွန်တော့်အဖွဲ့နဲ့ ၀န်းရံနေတဲ့ပရိတ်သတ်တွေပါပဲ။ တကယ်လို့များ ကျွန်တော်လှဲသိပ်အလဲထိုးခံရမယ်ဆိုရင်တောင် ကျွန်တော့်အတွက် ရင်ခုန်စိတ်လှုပ်ရှားစရာ လို့မထင်ဘဲ အကောင်းဆုံးလေ့ ကျင့်မှုတွေနဲ့ အတူ မြန်မာမြေမှာထိုးသတ်ဖို့ လှမ်းလာခဲ့ပါပြီ” လို့ အောင်လအန်ဆိုင်းက ပြောပါတယ်။

ခေတ်သစ်၏ “သမိန်ဗရမ်းနဲ့ ဂါမဏိ စီးချင်းထိုးပွဲ” လို့တင်စားခေါ်ဝေါ်ခံထားတဲ့အောင်လအန်ဆိုင်းနဲ့ အာလိန်းဂလားနီးတို့ရဲ့ စိန်ခေါ်ပွဲညမှာ အခြား ပွဲစဉ် ၉ ခု ပါဝင်မှာဖြစ်ပါတယ်။

အောင်လအန်ဆန်နဲ့ ထိုးသတ်မယ့် ဟောင်ကောင်ကိုယ်စားပြု နိုက်ဂျီးရီးယားဖိုက်တာ ဂါလာနီ (Alain Ngalani) က MMA ၇ ပွဲမှာ ၃ ပွဲနိုင် ၃ ပွဲရှုံးနိမ့် ထားပြီး လျင်မြန်တဲ့ ခြေကန်ချက်တွေကြောင့် နာမည်ကြီး သူတစ်ယောက်ဖြစ်ပါတယ်။

ပြီးခဲ့တဲ့စက်တင်ဘာလ ၁၆ ရက်နေ့က ဂျာကာတာမှာ ပြိုင်ဘက်လက်ဝှေ့သမားဆီကီနီကို ၁၁ စက္ကန့်နဲ့ ဂါလာနီ က အလဲထိုးခဲ့ပြီး One Championship ဟဲဗီးဝိတ်ပြိုင်ပွဲသမိုင်းမှာ အမြန်ဆုံးပွဲသိမ်းနိုင်တဲ့ စံချိန်တင်ပွဲ တစ်ပွဲဖြစ်ခဲ့ပါတယ်။

One Championship ဟဲဗီးဝိတ်ချန်ပီယံ ဂါလာနီက အသက် ၄၂ နှစ်ရှိပြီဖြစ်ပြီး ကစ်ဘောက်ဆင်၊ ဂျူဂျစ်ဆု၊ ကရာတေးနှင့် ဂျူဒို ပညာရပ်တွေကို ကျွမ်းကျင်သူဖြစ်ပါတယ်။ ဒါ့အပြင် မွေထိုင်းချန်ပီယံဆုကို လေးကြိမ် ရရှိထားပါတယ်။

===========

Mizzima - News in Burmese

http://mizzimaburmese.com/article/32991
Labels:

Post a Comment

[blogger][facebook]

Author Name

Contact Form

Name

Email *

Message *

Powered by Blogger.