ကင်ဂျုံနမ် အသတ်ခံရမှုက သံသယရှိအမျိုးသမီး ၂ ဦး အပြစ်မရှိကြောင်း ထွက်ဆို



သံသယရှိ တရားခံနှစ်ဦးဖြစ်သူ ဗီယက်နမ်အမျိုးသမီး ဒေါင်သီဟောင် (ဘယ်) နဲ့ အင်ဒိုနီးရှားအမျိုးသမီး စစ်တီအဆစ်ရာ (ညာ)
မြောက်ကိုးရီးယားခေါင်းဆောင် ကင်ဂျုံအွန်ရဲ့အစ်ကိုဖြစ်သူ ကင်ဂျုံနမ် အသတ်ခံရမှုမှာ တရားခံလို့ ယူဆခြင်းခံရတဲ့ အမျိုးသမီးနှစ်ဦးဟာ အပြစ်မရှိကြောင်း မလေးရှားတရားရုံးမှာ လျှောက်လဲချက် ပေးခဲ့ကြပါတယ်။

မြောက်ကိုးရီးယားခေါင်းဆောင်ရဲ့ ဖအေတူမအေကွဲ အစ်ကိုတော်စပ်သူ ကွာလာလမ်ပူ လေဆိပ်မှာ ဓာတုဗေဒ အဆိပ်နဲ့ ပက်ဖျန်းပြီး အသတ်ခံရမှုဟာ ကမ္ဘာတဝှမ်းကို တုန်လှုပ်စရာဖြစ်စေခဲ့ပါတယ်။

ဗီယက်နမ် အမျိုးသမီး တဦးဖြစ်တဲ့ ဒေါင်သီဟောင် ၂၉ နှစ်နဲ့ အသက် ၂၅ နှစ်အရွယ် အင်ဒိုနီးရှား အမျိုးသမီးဖြစ်သူ စစ်တီ အဆစ်ရာ တို့ဟာ ဓာတုအဆိပ်ကို ကင်ဂျုံနမ်ရဲ့ မျက်နှာပေါ်ပက်ဖျန်းခဲ့တယ်လို့ စွပ်စွဲခံခဲ့ရတာပါ။

သူတို့နှစ်ဦးစလုံးကတော့ အဲဒီကိစ္စဟာ မြောက်ကိုးရီးယား သူလျှိုက စီစဉ်ခဲ့တာဖြစ်ပြီး သူမတို့အနေနဲ့လူတွေကို နောက်ပြောင်ပျော်ရွှင်အောင်လုပ်တဲ့ တီဗီအစီအစဉ်တခုမှာ ပါဝင်သရုပ်ဆောင်ရတယ်လို့သာ ထင်ခဲ့ကြောင်းလည်း ပြောပါတယ်။

မြောက်ကိုရီးယားဘက်ကတော့ သတ်ဖြတ်မှုမှာ ပါဝင်ပတ်သက်ခြင်းမရှိဘူးလို့ ငြင်းဆိုထားပါတယ်။
မစ္စတာကင်ဟာ မြောက်ကိုရီးယားခေါင်းဆောင်နေရာကိုဆက်ခံဖို့ ဦးစားပေးဖြစ်ခဲ့ဖူး
မလေးရှား အာဏာပိုင်တွေကတော့ အခင်းဖြစ်ပွားမှုအပြီး မလေးရှားနိုင်ငံကနေ ထွက်ပြေးသွားတဲ့ မြောက်ကိုးရီးယား နိုင်ငံသား ၄ ဦးဟာ အဲဒီအမှုနဲ့ ပတ်သက်နေတယ်လို့ လက်ခံယူဆထားပြီး သူတို့ဟာ လူသတ်မှုအတွက် ကူညီ ပံ့ပိုးခဲ့တဲ့ စပိုင်တွေဖြစ်တယ်လို့ ဆိုပါတယ်။

အဲဒီဖြစ်စဉ်အပြီး မလေးရှားနဲ့ မြောက်ကိုးရီးယားအကြား တင်းမာမှုတွေရှိခဲ့ကာ နှစ်နိုင်ငံစလုံးက သံတမန်တွေကို အပြန်အလှန်နှင်ထုတ်မှုတွေ ဖြစ်ပွားခဲ့ပါတယ်။

အမှုကို တရားရုံးမှာ စစ်ဆေးနေတာ ၈ လလောက် ကြာမြင့်ပြီဖြစ်ပြီး အမျိုးသမီး ၂ ဦးဟာ ကင်ဂျုံနမ်ကို သတ်သူလို့ သံသယရှိခံနေရသူတွေအဖြစ် စစ်ဆေးခံနေရတာဖြစ်ပါတယ်။

တရားခွင် ရုံးထုတ်စဉ်မှာ အဲဒီအမျိုးသမီးနှစ်ဦးဟာ ကျည်ကာအင်္ကျီဝတ်ဆင်ထားပြီး၊ လက်ထိပ်အခတ်ခံထားရကာ ခေါင်းတွေကိုလည်း ငုံ့ထားပြီး ကွာလာလမ်ပူက ရှာအလမ်တရားရုံးကို လာရောက်ခဲ့ကြပါတယ်။

တကယ်လို့ စစ်ဆေးမှုမှာ အပြစ်ရှိကြောင်း ထင်ရှားခဲ့ရင် သူတို့နှစ်ဦးဟာ သေဒဏ်ပေးခြင်းခံရမှာ ဖြစ်ပါတယ်။

သူတို့နှစ်ဦးရဲ့ ရှေ့နေကတော့ အမှန်တကယ်အပြစ်ရှိသူတွေဟာ မြောက်ကိုးရီးယား အေးဂျင့်တွေဖြစ်တယ်လို့ ဆက်ပြီး လျှောက်လဲချက်ပေးဦးမဲ့ အလားအလာရှိနေပါတယ်။

BBC Burmese
http://www.bbc.com/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.