မောင်တောမြို့ပေါ်က ရပ်ကွက် နှစ်ခုမှာ မီးလောင်မှုဖြစ်


မောင်တောမြို့ပေါ်မှာ အောက်တိုဘာလ ၅ ရက်နေ့က မီးလောင်ခဲ့စဉ်
မောင်တောမြို့ပေါ်က ရပ်ကွက်နှစ်ခုမှာ မနေ့က မီးလောင်မှုဖြစ်ပွားခဲ့တယ်လို့ မောင်တောဒေသခံဖြစ် တဲ့ မောင်တောမြို့ အရေးပေါ် ကူညီထောက်ပံ့ရေးအသင်းက ဦးမောင်ဝင်းသိန်း ကပြောပါတယ်။

မောင်တောမြို့နယ် အီတာလျာကျေးရွာအုပ်စု ရပ်ကွက်(၅) မှာ ညနေပိုင်းနဲ့ ဝိမလ ရပ်ကွက်(၃) မှာ ည ၉ နာရီဝန်းကျင်က မီးလောင်ကျွမ်းခဲ့ပြီး ဝိမလ (၃) ရပ်ကွက်မှာ အိမ်ခြေ ဆယ်လုံးကျော် မီးလောင်ပျက်စီးသွားတယ်လို့ ဦးမောင်ဝင်းသိန်းကပြောပါတယ်။

"ဝိမလရပ်ကွက် ၃ ကုလားရွာမှာပေါ့၊  မီးလောင်တဲ့ အနေအထားက ပထမဆုံး ရခိုင်နဲ့ ကပ်လျှက်နေတဲ့ အိမ်က စလောင်တယ်၊ဟိုနေရာက ကွက်ကြား ကွက်ကြား သုံးလေးနေရာလောက် လောင်ပြီးတော့ ထပေါက်တယ်၊ အိမ်ကြီးတော့မဟုတ်ဘူး ၊အိမ်သေးသေးလေးတွေ၊ အိမ်ခြေက ခန့်မှန်းခြေက ၁၀ကျော်ကျော်လောက် လောင်သွားမယ်ထင်တယ်"

အီတာလျာ ကျေးရွာအုပ်စုက ရပ်ကွက် ၅ မှာဖြစ်ခဲ့တဲ့ မီးလောင်မှုကြောင့် ဆုံးရှုံးရတဲ့ အိမ်ခြေအရေအတွက်ကိုတော့ သီးခြားအတည်မပြုနိုင်ပါဘူး။

မီးလောင်တဲ့ ရပ်ကွက်တွေက ရခိုင်၊ မွတ်စလင်နဲ့ ဟိန္ဒူဘာသာဝင်တွေ ရောနှောနေထိုင်ကြတာ ဖြစ်တယ်လို့ သိရပါတယ်။

ဒီဖြစ်စဉ်နဲ့ပတ်သတ်ပြီး ပြည်နယ်အစိုးရ၊ ရဲတပ်ဖွဲ့နဲ့ အုပ်ချုပ်ရေးတာဝန်ရှိသူတွေကို ဆက်သွယ်မေးမြန်းရာမှာတော့ ဆက်သွယ်လို့မရခဲ့ပါဘူး။

မောင်တောမှာ  အခုလို မီးလောင်တဲ့ဖြစ်စဉ်တွေ ခဏခဏဖြစ်နေတာကြောင့် ဒေသခံတွေအနေနဲ့ စိုးရိမ်မှုတွေရှိနေပြီး ညတွေမှာ သတိဝီရိယထား နေထိုင်နေကြရတယ်လို့ ဦးမောင်ဝင်းသိန်း ကပြောပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.