ရိုဟင်ဂျာဒုက္ခသည်တွေ မြန်မာပြည်ပြန်ပို့ဖို့ ကာလကတ္တား ဟိန္ဒိူအစွန်းရောက်များ တောင်းဆို



အိန္ဒိယနိုင်ငံမှာ တရားမဝင်နေထိုင်နေတဲ့ ရိုဟင်ဂျာဒုက္ခသည်
အိန္ဒိယနိုင်ငံအရှေ့ပိုင်း ကာလကတ္တားမြို့မှာ ဟိန္ဒိူအစွန်းရောက်ဝါဒီအဖွဲ့တွေဖြစ်ကြတဲ့ Bajran Dal နဲ့ Vishwa Hindu Parishad အဖွဲ့တွေပေါင်းပြီး တရားမ၀င် ရိုဟင်ဂျာ မွတ်ဆလင်တွေကို အိန္ဒိယနိုင်ငံကနေ မြန်မာနိုင်ငံကိုပြန်ပို့ဖို့ ဆန္ဒပြတောင်းဆိုကြပါတယ်။

လွန်ခဲ့တဲ့ဆယ်နှစ်အတွင်း မြန်မာနိုင်ငံကနေ ထွက်ပြေးလာတဲ့ ရိုဟင်ဂျာမွတ်ဆလင် ၄၀,၀၀၀ နီးပါးကို အိန္ဒိယ ပြည်တွင်းလုံခြုံရေး အတွက် ခြိမ်းခြောက်မှုတခုအဖြစ် မြင်ကြ ပါတယ်။ အဲဒီထဲက ၁၅,၀၀၀ လောက်ဟာ ဒုက္ခသည်အဖြစ် အသိအမှတ်ပြု အထောက် အထားတွေရှိတယ်လို့ ကုလသမဂ္ဂကပြောပေမဲ့ အိန္ဒိယကတော့ အားလုံးကို ပြန်ပို့ချင် ပါတယ်။

အိန္ဒိယက ရိုဟင်ဂျာမွတ်ဆလင်တွေကို ပြန်ပို့ရေး အစိုးရရဲ့အစီအစဉ်ကို နိုဝင်ဘာလ ၁၁ ရက်နေ့ထိ ဆိုင်းငံ့ထားဖို့ အိန္ဒိယ တရားရုံးချုပ်က အောက်တိုဘာလ ၁၁ ရက်နေ့မှာ ဆုံးဖြတ်ချက် ချထားပါတယ်။

ဒီအတောအတွင်းမှာပဲ စနေနေ့မနက် လင်းအားကြီးအချိန်က ဘင်္ဂလားဒေ့ရ်ှနိုင်ငံမှာ ရိုဟင်ဂျာမိသားစုတစု အိပ်ပျော်နေတဲ့နေရာ ကို ဆင်ရိုင်းတွေဖြတ်နင်းသွားတာကြောင့် ကလေးသုံးဦးနဲ့ အမျိုးသမီးတဦး သေဆုံးသွားပါတယ်။ ဒါဟာဖြင့် မြန်မာနိုင်ငံကနေ ဘင်္ဂလားဒေ့ရ်ှကို ဒုက္ခသည်တွေ ထွက်ပြေးသွားကြပြီးကတည်းကဆိုရင် သီတင်းပတ် အနည်းငယ်အတွင်း ဒုတိယအကြိမ်မြောက် ဖြစ်ရပ်ပါ။

အခင်းဖြစ်တဲ့ ဘင်္ဂလားဒေ့ရ်ှတောင်ပိုင်း၊ Balukhali အရပ်က တောဖုန်းတောင်ကုန်း တွေမှာ ရိုဟင်ဂျာမွတ်စလင်တွေအတွက် နေစရာတွေဆောက်ဖို့ သစ်ပင်အများအပြားကို ခုတ်ပစ်ခဲ့ပါတယ်။ တာပေါ်လင်နဲ့ ၀ါးတွေကိုသုံးပြီး တဲတွေဆောက်ထားတဲ့ တချို့ နေရာတွေဟာ ဆင်သွားလမ်းပေါ်မှာရောက်နေတာကြောင့် သဘာဝပတ်ဝန်းကျင်ဆိုင်ရာ စိုးရိမ်ချက်တွေလဲ ရှိနေတာပါ။

ဒီဖြစ်ရပ်အတွင်း ဆင်တွေနင်းသွားတဲ့တဲနဲ့ အနီးအနားတဲတွေက ဒုက္ခသည် ၄ယောက်လဲ ဒဏ်ရာရသွားပြီး Cox’s Bazar က Sadar ဆေးရုံမှာတင်ထားပြီးတော့ အခြေအနေ စိုးရိမ်ရတယ်လို့ Cox’s Bazar ရဲတပ်ဖွဲ့ တာဝန်ရှိသူတဦးက ရိုက်တာသတင်းဌာန ကိုပြောပါတယ်။

VOA (မြန်မာပိုင်း)
https://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.