အလုပ်မရခဲ့တဲ့ မြန်မာ ၄၅ ယောက်ကို ကုမ္ပဏီ လျော်ကြေးပေး



ထိုင်းနိုင်ငံမှာ တစ်လကျော်ကြာတဲ့အထိ အလုပ်မရရှိတဲ့ MOU အလုပ်သမား ၄၅ ယောက်ကို အောက်တိုဘာလ ၂၈ ရက်နေ့က တွေ့ရစဉ်။ ဓါတ်ပုံ - AAC မဟာမိတ်အဖွဲ့
ထိုင်းနိုင်ငံမှာ တစ်လကျော်ကြာတဲ့အထိ အလုပ်မရရှိတဲ့ MOU အလုပ်သမား ၄၅ယောက်ကို ပို့ဆောင်ခဲ့တဲ့ အလုပ်သမားအကျိုးဆောင်ကုမ္ပဏီက ငွေကျပ် ၈သိန်းစီ လျော်ကြေးပေးတယ်လို့ သိရပါတယ်။

အလုပ်မရရှိတာကြောင့် မြန်မာနိုင်ငံကို ဒီနေ့ ပြန်လာကြတဲ့ အလုပ်သမား ၄၅ ယောက်အတွက် လပ်ကီးအေဂျင်စီက ငွေကျပ် ၈ သိန်းစီ လျော်ပေးတယ်လို့ အလုပ်သမားအရေး ကူညီပေးနေတဲ့ AAC မဟာမိတ်အဖွဲ့က ကိုရဲမင်းက ပြောပါတယ်။

"ဒီနေ့ကတော့ MOU အလုပ်သမား ၄၅ ယောက် ၊ ထိုင်း-မြန်မာနယ်စပ်က လူကယ်ပြန် ကျောက်လုံးကြီးစခန်းကို ပို့ဆောင်ပေးတယ်။ ထိုင်းနိုင်ငံမှာ အလုပ် ၁ လခွဲလောက် မလုပ်ရဘူးဆိုတော့ အေဂျင်စီက တစ်ယောက်ကို ၈ သိန်းစီ ပြန်လျော်ပေးတယ်ခင်ဗျ။ အခုအဲဒီကိစ္စ ဆောင်ရွက်နေပါတယ်။ ကျနော်တို့ မြ၀တီနယ်စပ်မှာ ရောက်နေပါတယ်။ ဒီနေ့ လျော်ပေးတာပါ။ လပ်ကီးအေဂျင်စီက ပို့ဆောင်ထားတဲ့ အလုပ်သမား ၁၅၉ ဦးထဲက ၄၉ ဦး အကူညီလာတောင်းတဲ့အတွက် ကျနော်တို့ အေဂျင်စီနဲ့ စကားပြော၊ ဆွေးနွေးညှိနှိုင်းပြီး လျော်ကြေးရအောင် ပြန်လုပ်ပေးတာပါခင်ဗျ"

အဲဒီအလုပ်သမားတွေဟာ ပင်လယ်စာထုတ်လုပ်တဲ့စက်ရုံမှာ အလုပ်လုပ်ရမယ်ဆိုပြီး ထိုင်းနိုင်ငံကို ရောက်ရှိနေတာ ရက်ပေါင်း ၄၀ လောက်ရှိပြီဖြစ်ပါတယ်။

အဲဒီအလုပ်သမား ၄၅ ယောက်ဟာ လပ်ကီးအကျိုးဆောင်ကုမ္ပဏီကို တရားစွဲဖို့ စီစဉ်နေချိန်မှာ ကုမ္ပဏီက လျော်ကြေးပြန်ပေးတဲ့အတွက် တရားမစွဲတော့ဘူးလို့ ပြောပါတယ်။

အလုပ်သမားတွေကို မြန်မာသံရုံးရဲ့ စီစဉ်ညွန်ကြားမှုနဲ့ မြန်မာ-ထိုင်း နယ်စပ် မြ၀တီမြို့က လူမှုဝန်ထမ်းကယ် ဆယ်ရေးနဲ့ ပြန်လည်နေရာချထားရေးဌာန ကျောက်လုံးကြီးစခန်းကို ဒီနေ့ ပို့ဆောင်ပေးခဲ့တာဖြစ်ပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.