ရေဆိုးသန့်စနစ်တပ်ဆင်ရန် စက်ရုံများ အချိ်န်ယူရဦးမည်



ရန်ကုန်၊ ရွှေပြည်သာစက်မှုဇုန်မှ အနံ့ဆိုး၊ ပြာမှုန့်​ထုတ်လွှတ်သော အရက်​ချက်​ စက်​ရုံများကို စက်​တင်​ဘာ ၂ဝ ရက်နေ့က ကန့်ကွက်နေကြသော ဒေသခံများ (ဓာတ်ပုံ - ပြည့်​ပြည့်​/Myanmar Now)
ရန်ကုန် (Myanmar Now) — အရက်ချက်လုပ်ငန်းများအပါအဝင် စက်ရုံအများအပြားတွင် စွန့်ပစ်ရေဆိုး သန့်စင်ခြင်းစနစ် တပ်ဆင်ရန် ကြန့်ကြာနေခြင်းမှာ နည်းပညာ၊ ရင်းနှီးမြှုပ်နှံမှု၊  မြေနေရာ စသည့် အခက်အခဲများကြောင့် ဖြစ်ကြောင်း မြန်မာနိုင်ငံ စားသောက်ကုန် ထုတ်လုပ် တင်ပို့ ရောင်းချသူများအသင်းက အောက်တိုဘာ ၉ ရက်နေ့တွင် ပြောသည်။

တစ်နှစ်ခန့် အချိန်ယူ တပ်ဆင်ရမည်ဟု ခန့်မှန်းထားကြောင်း၊ စက်ရုံအရွယ်အစား ကြီးမားလျှင် အချိန် ပိုကြာနိုင်ကြောင်း  အသင်း ဒုတိယ ဥက္ကဋ္ဌ ဦးစိန်သောင်းဦးက  ရန်ကုန်မြို့  သတင်းစာ ရှင်းလင်းပွဲတွင် ပြောသည်။

“ကိုယ့်စက်ရုံတွေက ဘယ်လောက်စွန့်ပစ်နေပါပြီ စွန့်ပစ်ရေဆိုးတွေက ဘယ်လိုအရည်အသွေးရှိနေပါပြီ စွန့်ပစ်တဲ့ ရေဆိုးတွေကို သန့်စင်ဖို့အတွက် ဘယ်လိုစနစ်တွေကို သုံးစွဲပါမယ် ဆိုတာကို စက်ရုံတိုင်းက ကြေညာရမယ်။ ကတိကဝတ်ပြုရမယ်။ အချိန်တစ်ခု သတ်မှတ်ရမယ်။ အဲဒီအချိန်ကာလလေးသတ်မှတ်ဖို့ဆိုရင် စက်ရုံတွေကလည်း ကတိတည်ရမယ်။ ကတိမတည်ဘူးဆိုရင် ဥပဒေနဲ့ အညီအရေးယူဖို့ လက်ခံရမယ် ” ဟု ဦးစိန်သောင်းဦးက ပြောသည်။

စက်ရုံစွန့်ပစ်ပစ္စည်းနှင့် ပတ်သက်၍ ၂ဝ၁၅ တွင်  ဥပဒေများပြဋ္ဌာန်းခဲ့ကြောင်း၊  ဥပဒေနှင့် ကိုက်ညီခြင်းမရှိသော စက်ရုံများ အထူးသဖြင့် အရက်ချက်စက်ရုံများကို ပိတ်ရန်အတွက် အစိုးရက တွန်းအားပေးလာကြောင်း ဦးစိန်သောင်းဦးက ပြောသည်။

“တကယ်တမ်းပိတ်ရမယ်ဆိုရင် ၉၄ ရာခိုင်နူန်းလောက်က အကုန်ပိတ်ရမှာ။ ဘာလို့လဲဆိုတော့ အားလုံးက ရေဆိုးထုတ်တဲ့ စနစ်မရှိဘူးလေ။   မရှိတော့ အားလုံးလိုလို ပိတ်ရမလိုဖြစ်နေတယ်” ဟု ၄င်းကပြောသည်။

စက်ရုံများအနက် အရက်ချက်လုပ်ငန်းတို့သည် ရေဆိုးစွန့်ပစ်သည့်ပမာဏ၊ ညစ်ညမ်းမှုပမာဏ အများဆုံးထဲတွင် ပါဝင်ကြောင်း၊   ရန်ကုန်၊ မန္တလေးနှင့် ဧရာဝတီတိုင်းဒေသကြီးတို့တွင် လည်ပတ်နေသော အရက်ချက်စက်ရုံ ၁ဝ ခု  ဝန်းကျင် ရှိသည်ဟု ဦးစိန်သောင်းဦးက ပြောသည်။

မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်က  အောက်တိုဘာ ၁၂၊  ၁၃ တို့တွင် ပြုလုပ်မည့်  ကုန်ထုတ်လုပ်မှုလုပ်ငန်းများမှ ရေဆိုးစွန့်ပစ်ခြင်းဆိုင်ရာ ဆွေးနွေးပွဲတွင် ရေဆိုးသန့်စင်ခြင်းစနစ် တပ်ဆင်ကြရေးအတွက် အချိန်ကာလ တစ်ခု သတ်မှတ်ရေးနှင့် ပတ်သက်ပြီး ပြောဆိုကြမည်ဟု သိရသည်။

ထိုဆွေးနွေးပွဲတွင် အစိုးရဌာန၊ ပြည်တွင်းပြည်ပအဖွဲ့၊ ပညာရှင်၊ လုပ်ငန်းရှင် ကိုယ်စားလှယ်များ တက်ရောက်မည်ဟု သိရသည်။

အောင်ငြိ်မ်းချမ်း/Myanmar Now
http://cms.myanmar-now.org
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.