မြောက်ကိုရီးယားသံတမန် မြန်မာ ပြည်နှင်ဒဏ်ပေး


မြောက်ကိုရီးယားအပေါ် ဒဏ်ခတ်ပိတ်ဆို့မှု တိုးမြှင့်ဖို့ လုံခြုံရေးကောင်စီ ဆွေးနွေးနေစဉ် (မတ် ၂၀၁၃)ရန်ကုန် မြောက်ကိုရီးယားသံရုံးမှာ ဒုတိယအတွင်းဝန် တာဝန်ယူခဲ့တဲ့ Kim Chol Nam ကို မြန်မာအစိုးရက ပြည်နှင်ဒဏ် ပေးခဲ့တဲ့အကြောင်း ဒီကနေ့ တောင်ကိုရီးယားသတင်းတွေမှာ ဖော်ပြထားပါတယ်။

Kim ဟာ မြောက်ကိုရီးယားဆိုင်ရာ ကုလသမဂ္ဂ လုံခြုံရေးကောင်စီ ဒဏ်ခတ်ပိတ်ဆို့မှု ကော်မတီရဲ့ စာရင်းထဲမှာရှိနေတဲ့ ကုမ္ပဏီတခုနဲ့ ပတ်သက်နေတာကြောင့် ဒီအပေါ်မှာ မြန်မာအစိုးရက ပြည်နှင်ဒဏ် ပေးလိုက်တာဖြစ်တယ်လို့ ကော်မတီရဲ့ အင်တာနက်ဝက်ဆိုက်ပေါ်က အစီရင်ခံစာကို ကိုးကားပြီး တောင်ကိုရီးယား သတင်းတွေမှာ ဖော်ပြထားတာပါ။

Kim ဟာ ကုလသမဂ္ဂ လုံခြုံရေးကောင်စီ ပိတ်ဆို့ဒဏ်ခတ်စာရင်းထဲမှာ ပါတဲ့ ကိုရီးယား သတ္ထုလုပ်ငန်း ကုန်သွယ်ရေး ကော်ပိုရေးရှင်းမှာ ပါဝင်ပတ်သက်နေသူလို့ ဆိုပါတယ်။ ဒီကုမ္ပဏီကိုတော့ ပဲ့ထိန်းဒုံးကျည်နဲ့ သမရိုးကျလက်နက်ဆိုင်ရာ ပစ္စည်းကိရိယာတွေ တင်ပို့ရောင်းချမှုနဲ့ ကုလသမဂ္ဂ လုံခြုံရေးကောင်စီက ၂၀၀၉ ခုနှစ်ကစလို့ ဒဏ်ခတ်ပိတ်ဆို့မှု စာရင်းထဲမှာ ထည့်သွင်းထားတာပါ။

Kim ကို မြန်မာနိုင်ငံကနေ ထွက်ခွာဖို့ မြန်မာအစိုးရက ပြီးခဲ့တဲ့ဧပြီလထဲမှာ အမိန့် ထုတ်ပြန်ခဲ့ပြီးတဲ့နောက် ဇွန်လထဲမှာပဲ Kim နဲ့အတူ မိသားစု ထွက်သွားခဲ့တာလို့ ဆိုပါတယ်။ မြန်မာနိုင်ငံဟာ အရင်စစ်အစိုးရတွေလက်ထက်က မြောက်ကိုရီးယားနိုင်ငံနဲ့ ဆက်ဆံရေး၊ အထူးသဖြင့် စစ်ရေး ဆက်ဆံမှုတွေ နီးနီးကပ်ကပ် ရှိခဲ့ပေမဲ့၊ အခု အစိုးရသစ်လက်ထက်မှာတော့ စစ်ရေးဆက်ဆံရေးသစ် မရှိတော့တဲ့အကြောင်း တာဝန်ရှိသူတွေက ပြောဆိုထားပါတယ်။
VOA Burmese News
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.