ရိုဟင်ဂျာအန္တရာယ် ဟိန္ဒူအမျိုးသားရေးဝါဒီ သတိပေး



ဘင်္ဂလား-အိန္ဒိယနယ်စပ် ကင်းလှည့်နေတဲ့ အိန္ဒိယစစ်တပ်
ရိုဟင်ဂျာ မူဆလင်တွေဟာ နိုင်ငံလုံခြုံရေးအတွက် ခြိမ်းခြောက်မှု တခုဖြစ်တယ်လို့ သတ်မှတ်ပြောဆိုပြီး သူတို့ကို ခိုလှုံခွင့်ပေးထားတဲ့အပေါ် အိန္ဒိယနိုင်ငံ ဟိန္ဒိူအမျိုးသားရေး ၀ါဒီအဖွဲ့ Rashtriya Syayamsevak Sangh RSS ရဲ့ အကြီးအကဲ Mohan Bhagwat က အိန္ဒိယအစိုးရကို စနေနေ့မှာ သတိပေး ပြောဆိုလိုက်ပါတယ်။

Dussehra လို့ခေါ်တဲ့ ဟိန္ဒူဘာသာရေးပွဲတော် အခါသမယ RSS လုပ်သားတွေကို အစဉ်အလာ အားဖြင့် ပြောနေကျမိန့်ခွန်းထဲမှာ Bhagwat က အဲဒီလို ထည့်ပြော သွားတာပါ။

ရိုဟင်ဂျာဒုက္ခသည်တွေဟာ နိုင်ငံရဲ့ အလုပ်အကိုင်အခြေအနေအတွက် ၀န်ထုပ်ဝန်ပိုး တခုလဲဖြစ်နေတယ်လို့ လက်ယာစွန်းဝါဒီ ခေါင်းဆောင် Bhagwat ကဆိုပါတယ်။

အိန္ဒိယနိုင်ငံမှာ ရိုဟင်ဂျာမူဆလင် ၄ သောင်းနီးပါး ရှိပါတယ်။ အဲဒီထဲက ၁ သောင်းခွဲ နီးပါးက ကုလသမဂ္ဂက ဒုက္ခသည်တွေအဖြစ် အသိအမှတ် ပြုထားပေမဲ့ အိန္ဒိယနိုင်ငံ ကတော့ အားလုံးကို ပြန်နှင်ထုတ် ချင်နေတာပါ။

အိန္ဒိယအစိုးရကလဲ ရိုဟင်ဂျာဒုက္ခသည်တွေကို မြန်မာနိုင်ငံကို ပြန်ပို့မယ်လို့ ပြောထား ဖူးပါတယ်။ အောက်တိုဘာလ ၃ ရက်နေ့ကျရင် အိန္ဒိယ တရားရုံးချုပ်မှာ ဒီပြန်ပို့မယ့် အစီအစဉ်နဲ့ ပတ်သက်တဲ့ နောက်တကြိမ် ကြားနာပွဲတခု လုပ်ဖို့ရှိပြီး အဲဒါပြီးရင်တော့ အိန္ဒိယမှာရှိနေတဲ့ ရိုဟင်ဂျာတွေရဲ့ အနာဂတ်ကံကြမ္မာ ပိုပြီး ရှင်းလင်းလာမှာ ဖြစ်ပါတယ်။

မြန်မာအစိုးရကတော့ ရိုဟင်ဂျာဆိုတဲ့အခေါ်ကို အသိအမှတ်မပြုဘဲ ရခိုင်ပြည်နယ်က မူဆလင်အ၀န်းအ၀ိုင်းလို့ ခေါ်ဆိုပြီး မြန်မာ လူထုအများစုကတော့ ဘင်္ဂါလီလို့ ပြောဆိုသုံးစွဲကြပါတယ်။

VOA (မြန်မာပိုင်း)
https://burmese.voanews.com
Labels:

Post a Comment

[blogger][facebook]

Author Name

Contact Form

Name

Email *

Message *

Powered by Blogger.