တန်ဆောင်တိုင် မရောက်သေး ဟိုတယ်တည်းခိုခန်းခ ၂ ဆမြှင့်တက်


အောက်တိုဘာ ၁၀ ရက် ၂၀၁၇

တန်ဆောင်တိုင် မရောက်မှီ တစ်လအလိုတွင် တောင်ကြီးမြို့ပေါ်ရှိ ဟိုတယ် နှင့် တည်းခိုခန်းခများ ဈေးနှုန်း၂ ဆ မြင့်တက်ကာအခန်းလွတ် မရှိတော့ကြောင်း သိရသည် ။

တောင်ကြီးမြို့ ပေါ်တွင် လက်ရှိ ဟိုတယ် ၃၅ လုံး၊ မိုတယ် ၃ လုံးနှင့် တည်းခိုခန်း ၆၀ လုံးရှိကြောင်း ဟိုတယ်နှင့်ခရီး သွားညွှန်ကြား မှု ဦးစီးဌာန စာရင်းများအရသိရသည် ။

"ဟိုတယ်တွေဘက်ကနေ အရမ်းကြီး မတန်တဲ့ service တွေဖြစ်နေရင်၊ service ကညံ့တယ် အခန်းခ မတရား ယူတယ်ဆိုရင်တော့ အရမ်းကြီးဖြစ် လာ ပြီဆိုရင်တော့ သက်ဆိုင်ရာတာဝန်ရှိတဲ့သူတွေ သျှမ်းပြည်နယ် အစိုးရ တို့ ပြည်ထောင်စုဝန်ကြီးဌာနတို့ ဆီတင်ပြပြီးတော့မှ လိုအပ်သလို ဆောင်ရွက်သွားရမှာပါ " ဟု ဟိုတယ်နှင့်ခရီး သွားညွှန်ကြားရေးမှူး ဦးထင်အောင်နိုင် ကပြောသည် ။

သျှမ်းပြည်နယ်တောင်ပိုင်း တောင်ကြီးမြို့တော်တွင် နှစ်စဉ် စည်ကား သိုက်မြိုက် စွာ ကျင်းပလေ့ရှိသည့် အထင်ကရ ပွဲတော်တစ်ခုဖြစ်သော တန်ဆောင်တိုင် မီးပုံးပျံပွဲတော် သို့ လာရောက်လည်ပတ်ကြသည့် ပြည်တွင်းပြည်ပ ဧည့်သည်များသန်းချီရှိသည့် အတွက် နှစ်စဉ်ဟိုတယ် တည်း ခိုခန်းများပြည့်လျှံ ရုံသာမက ဘုန်းကြီးကျောင်း များ၌ပါ နေရာလွတ်မရှိတော့ကြောင်းသိရသည် ။

" တောင်ကျောင်းကြီး၊ မင်းကျောင်း ၊ နဂါးပတ်ကျောင်း တွေဟာ နှစ်တိုင်း ဧည့်သည်ပြည့်တတ်တဲ့ ကျောင်းတွေပဲ ၊သောက်သုံးရေမလောက်တာမျိုးေ တွ လဲရှိတယ် တစ်ချို့လဲပွဲတော် ကာလ အတွက်နေဖို့ အိမ်လာငှါး ကြတာတွေ လဲ အများကြီးရှိတယ် ၊ အဆောင်တွေလည်းလူပြည့်ကုန်ပြီ " ဟု အိမ်ခြံမြေအကျိုးဆောင်လုပ်ငန်းလုပ် ကိုင်သူ နန်းလူ ကပြောသည် ။

တောင်ကြီး တန်ဆောင်တိုင် တွင် စူဠာမုနိ လောကချမ်းသာ ဘုရားပွဲ တော် ၊ရိုးရာမီးပုံးပျံ လွတ်တင် ပူဇော်ပြိုင်ပွဲ ၊ မဟာဘုံကထိန် ပွဲတော် ၊ မီးပဒေသာ လှည့်လည် ပြိုင်ပွဲ နှင့် မသိုး သင်္ကန်း ရက်လုပ်ပြိုင်ပွဲ များ ဖြင့် အောက်တို ဘာ (၂၆)ရက် မှ နိုဝင်ဘာ (၄) ရက်နေ့အထိ စည်ကားသိုက်မြိုက် စွာကျင်းပသွားမည်ဟုသိရှိရပါသည် ။

သျှမ်းသံတော်ဆင့်/ ယိင်းတိုင်း
Panglong(Burmese)
https://www.facebook.com/Panglong.burmese/
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.