တောင်တွင်းကြီးဆူပူမှုနဲ့ ဆက်စပ်တဲ့ ၇ဦး ထွက်ပြေးတိမ်းရှောင်



မကွေးတိုင်းဒေသကြီး၊ တောင်တွင်းကြီးမြို့မှာ စက်တင်ဘာလ ၁၀ ရက်နေ့ညက လူစုလူဝေးဖြစ်ပွားနေသည်ကို တွေ့ရစဉ်
မကွေးတိုင်းဒေသကြီး၊ တောင်တွင်းကြီးမြို့မှာ စက်တင်ဘာလ ၁၀ ရက်နေ့ညက ဖြစ်ပွားခဲ့တဲ့ ဖြစ်စဉ်မှာ ပါဝင် ပတ်သက်သူ ၇ ဦး ထွက်ပြေးတိမ်းရှောင်နေတယ်လို့ တိုင်းဒေသကြီးလွှတ်တော်ကိုယ်စားလှယ် ဦးဇော်မင်းထွန်း က ပြောပါတယ်။

လက်ရှိ ဖမ်းဆီးထားတဲ့ ၇ ဦးကို စစ်ဆေးရာမှာ နောက်ထပ်ပါဝင်သူ ၇ ဦးကို ထပ်မံသိရှိရပြီး ရဲစခန်းက ခေါ်ယူရာ မှာ ထွက်ပြေးတိမ်းရှောင်နေတာဖြစ်တယ်လို့ ဦးဇော်မင်းထွန်း က ပြောပါတယ်။

"၇ ဦးထဲက တစ်ဦးနဲ့ ပတ်သက်တာ ၃ ဦးရှိတယ်၊ အဲဒီ ၃ ဦးကို ရဲစခန်းကို ခေါ်ယူပြီးတော့ စစ်ဆေးတဲ့အခါ မှာ သူတို့က အစစ်ဆေးမခံဘဲနဲ့ တိမ်းရှောင်နေတယ်ပေါ့နော်၊ ကျန်တဲ့ ၆ ယောက်ထဲမှာ အဲဒီ ၆ ယောက်နဲ့ ပတ်သက်နေတာက ၄ ယောက်တွေ့တယ်၊ ဒီရဲတပ်ဖွဲ့အနေနဲ့ လှမ်းပြီးဆက်သွယ်တယ်၊ သူတို့ကို ခေါ်ယူ စစ်ဆေးမေးမြန်းတော့မယ်လို့ ဖြစ်လိုက်တဲ့အခါမှာ နောက်ထပ် ၄ ယောက်က ရှောင်နေတယ်ဆိုတော့ ထွက်ပြေးတိမ်းရှောင်နေတာက ၇ ဦးရှိတယ်ပေါ့။ "

အဲဒီဖြစ်စဉ်နဲ့ပတ်သက်ပြီး လက်ရှိမှာ သံသယရှိသူ ၇ ဦးကို ဖမ်းဆီးထားပြီး နာကျင်စေမှု၊ မတရားတားဆီးမှု၊ ဆူပူအုံကြွအောင်လုပ်ဆောင်မှု စတဲ့ ပုဒ်မတွေနဲ့ အမှုဖွင့်ထားတာ ဖြစ်ပါတယ်။

ပြီးခဲ့တဲ့ စက်တင်ဘာလ ၁၀ ရက်နေ့ညက တောင်တွင်းကြီးမြို့ အုန်းတော ၁ ရပ်ကွက်က အစ္စလာမ် ဘာသာဝင် တစ်ဦးရဲ့ နေအိမ်ကို လူငယ် ၅၀ခန့်က ခဲတွေနဲ့ စတင်ပစ်ပေါက်ခဲ့ပြီး နိုင်ငံတော် သီချင်းသီဆိုကာ ရွှေကြာအင်း ၁ ရပ်ကွက်က ဗလီကို ထွက်သွားတာကြောင့် မြို့နယ်ရဲတပ်ဖွဲ့က ဗလီမှာ ပိတ်ဆို့ကာကွယ်ခဲ့ရပြီး လူဦးရေ ၄၀၀ လောက် စုဝေးမှုဖြစ်ခဲ့တာ ဖြစ်ပါတယ်။

အဲဒီဖြစ်စဉ်ကြောင့် နေအိမ်နဲ့ ဈေးဆိုင်တစ်ချို့ ပျက်စီးသွားသူတွေအတွက် ကူညီထောက်ပံ့ငွေ ကျပ်သိန်း ၈၀ ကို တိုင်းဒေသကြီးအစိုးရက မနေ့က ပေးအပ်ခဲ့ပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.